Shani Dev: జాతకరీత్యా గ్రహదోషాలున్న వారు జీవితంలో పలు రకాల సమస్యలు ఎదుర్కొంటూ ఉంటారు. ముఖ్యంగా జాతకరీత్యా శని దోషం ఉన్నవారిలో వివాహం కాకపోవటం, తరచూ ప్రమాదాల పాలవటం, కుటుంబ కలహాలు, వృత్తి ఉపాధుల్లో రాణించలేకపోవటం వంటి సమస్యలుండే అవకాశం ఎక్కువ. వీరు శని పూజ, జపం వంటివి చేయటం ద్వారా ఈ దోష ప్రభావం నుంచి బయటపడవచ్చని జ్యోతిష పండితులు సూచిస్తున్నారు.
సాధారణంగా శని దోషాలతో బాధపడేవారు శనీశ్వరునికి ఇష్టమైన రోజు శనివారం, నల్లటి లేదా నీలిరంగు పువ్వులతో పూజించటం, శని త్రయోదశి రోజు నువ్వుల నూనెతో దీపారాధన, అభిషేకం చేయటం వల్ల శని అనుగ్రహం కలుగుతుంది. శనిగ్రహ అనుగ్రహం కోసం శనివారం రోజున రావిచెట్టుకు సూర్యోదయ సమయంలో నీరుపోసి, అక్కడ ఆవాల నూనెతో నాలుగు ఒత్తులతో దీపారాధన చేసి, చెట్టుకు ప్రదక్షిణ చేయటం మంచింది.
శనివారం రోజున హనుమాన్ చాలీసాను పారాయణ, ఆ రోజున నల్ల నువ్వులు, నల్ల గొడుగు, మినుములు, నల్లని పాదరక్షలు దానం చేయటం వల్ల శనిదోషం తొలగిపోతుంది. శనివారం నాడు ఒక గిన్నెలో నువ్వులనూనె తీసుకుని అందులో మీ ముఖాన్ని చూసుకుని, శనీశ్వరుడిని మనసులో స్మరించుకుని, ఆ నూనెను ఆలయంలో దానం చేయటం, శనివారం రోజున కాకులకు, చీమలకు ఆహారం వేయటం కూడా మంచి ఫలితాలనిస్తుంది. ఆంధ్రప్రదేశ్‌‌లోని మందపల్లి, మహారాష్ట్రలో శని శింగనాపూర్‌, తమిళనాడులో తిరునళ్ళార్‌ శని క్షేత్ర దర్శనం కూడా శుభ ఫలితాలను ఇస్తుంది.
Share
5 Pranas: పంచ ప్రాణాలు - దశ వాయువులు
ENGLAND TEAM 2023 : ఇంగ్లాండే హాట్ ఫేవరేటా? మళ్లీ కప్ కొడుతుందా?
