Nails పూర్వం మన పెద్దోళ్లు చెప్పిన ప్రతీ మాట వెనుక ఒక అర్ధం ఉంటుంది. ఆ పని ఇలా చేయద్దు..అలా చేయద్దు అని చెప్పడానికి ప్రత్యేకమైన కారణాలు ఉంటాయి. నాగరికతలు వాసనలు తెలియని ఆ రోజుల్లో ప్రజాసంక్షేమం కోసం ఎన్నో నిబంధనలు ఆంక్షలు పెట్టారు. ఇప్పుడు అతినాగరికత ఎక్కువై అన్నింటిని పాత చింతకాయ పచ్చడి అని తీసిపారేస్తున్నారు.
కాలిగోళ్లను చేతి గోళ్లను మనం నివసించే ఇంటి లోపల తీయకూడదు. అంతే కాదు వెంట్రుకలను ఇంటి లోపల కత్తిరించకూడదని పెద్దలు చెప్పారు. మనుషుల పాపాలు వెంట్రుకలలోనూ గోళ్లలోను దాగి ఉంటాయని చాలా మతాల విశ్వాసం ఉంది. మనం తిరుపతి వెళ్లినప్పుడు వెంట్రుకలు ఇచ్చే కారణం కూడా ఇదే. దేవునికి వెంట్రుకలు సమర్పిస్తే పాపాలు లగిపోతాయని విశ్వాసం.
గోళ్లను ఇంటిలోపల తీయరాదని చెప్పటంలో ఒక శాస్త్రీయ కారణం ఉంది. మన గోళ్లు ఆహారం రంగులో సులభంగా కలిసిపోతాయి. పొరపాటున ఇంట్లో తీసిన గోళ్లు ఆహార పదార్థాలలో కలిసిపోయి కడుపులోకి పోయే అవకాశం ఉంది. అదే విధంగా కత్తిరించిన చిన్న వెంట్రుకల ముక్కులు ఆహారం ద్వారా కడుపులోకి వెళ్లి ప్రేగులకు అంటుకునే పోయే అవకాశం ఉంది. కాలిగోళ్లు కడుపులోకి వెళ్లే జీర్ణం కావు. మనిషికి అన్నింటిని జీర్ణించుకునే జీర్ణ వ్యవస్థ లేదు. జీర్ణం కాకుండా ఉండిపోతే శాశ్వత ఉదర సమస్యలు వచ్చే అవకాశాలు ఎక్కువ. అలా కాకుండా బయటకు మలద్వారం గుండా విసర్జించబడినా, విసర్జించే సమయంలో ప్రేగులకి హాని కలగవచ్చు.
ఇంకో కారణం కూడా ఉంది. గోళ్లలో విషం ఉంటుంది. ఇంట్లో నేలమీద పారాడే పసిపిల్లలకు గుచ్చుకుని విషజ్వరాలు వచ్చే అవకాశాలు కూడా ఉంటాయి. అందుకే ఇళ్లలో గోళ్లు తీయద్దనడానికి శాస్త్రీయ కారణాలు ఉన్నాయి.
Share
Google : బ్యాక్ టు బ్యాక్ ఫైన్ పై గూగుల్ ఏమందంటే..
Mahindra EV : మహీంద్రా ఈవీ ''కిస్బీ'' వచ్చేస్తోంది!
