Thomson Streaming Box: గూగుల్ టీవీ స్ట్రీమర్కు ఒక బలమైన ప్రత్యామ్నాయంగా థామ్సన్ గూగుల్ టీవీ స్ట్రీమింగ్ 260 ప్రో 4K బాక్స్ (Thomson Google TV Streaming Box 260 Pro 4K) త్వరలో గ్లోబల్ వైడ్ గా రిలీజ్ కాబోతోంది. దీనికి సంబంధించిన ఫీచర్లు.. ఇప్పటికే బయటకు రాగా నిపుణులు దీనిపై భిన్నాభిప్రాయాలు వ్యక్తం చేస్తున్నారు. రెండు అడుగులు ముందుకు, ఒక అడుగు వెనక్కి అన్న చందంగా ఈ స్ట్రీమింగ్ బాక్స్ ఉన్నట్లు అంచనా వేస్తున్నారు. ఇందుకు గల కారణాలేంటో ఇప్పుడు చూద్దాం.
గూగుల్ టీవీ స్ట్రీమర్లో 32GB స్టోరేజ్ ఉంటే.. ఈ థామ్సన్ బాక్స్లో 64GB స్టోరేజ్ ఉంది. అంటే మీరు మరిన్ని యాప్స్, గేమ్స్ను దీనిలో ఇన్స్టాల్ చేసుకోవచ్చు.
థామ్సన్ బాక్స్ లో రెండు USB-A పోర్ట్స్ ఉన్నాయి. పాత పెన్ డ్రైవ్లు లేదా హార్డ్ డిస్క్లను నేరుగా కనెక్ట్ చేసుకోవడానికి ఇది చాలా వీలుగా ఉంటుంది. గూగుల్ స్ట్రీమర్లో కేవలం ఒకే ఒక USB-C పోర్ట్ మాత్రమే ఉండటం గమనార్హం.
థామ్సన్ బాక్స్ లో కూడా గూగుల్ స్ట్రీమర్ లాగే 4GB RAM అందించారు. ఫలితంగా ఇది గూగుల్ స్ట్రీమర్ కు చెరి సమానమైన పర్ఫార్మెన్స్ కలిగి ఉంటుంది.
థామ్సన్ బాక్స్ ను ‘ప్రో’ మోడల్ అని పిలుస్తున్నప్పటికీ.. ఇందులో Dolby Vision, Dolby Atmos సపోర్ట్ లేదు. హోమ్ థియేటర్ అనుభవం కోరుకునే వారికి ఇది పెద్ద మైనస్ గా చెప్పవచ్చు.
ఇందులో HDMI 2.0 పోర్ట్ మాత్రమే ఉంది (HDMI 2.1 కాదు). అలాగే వై-ఫై విషయంలో కూడా లేటెస్ట్ వెర్షన్ కాకుండా Wi-Fi 5 కే పరిమితమయ్యారు.
Also Read: North Korea: కూతురితో కలిసి.. యుద్ద ట్యాంక్పై షికారు.. కిమ్ మామ స్టైలే వేరు!
మీకు ఎక్కువ స్టోరేజ్, USB పోర్ట్స్ అవసరం ఉండి.. డాల్బీ విజన్ వంటి హై-ఎండ్ సినిమాటిక్ ఫీచర్స్ అక్కర్లేదనుకుంటే థామ్సన్ బాక్స్మంచి ఆప్షన్ అవుతుంది. కానీ పూర్తి స్థాయి హోమ్ థియేటర్ అనుభవం కావాలనుకునే వారికి గూగుల్ టీవీ స్ట్రీమర్ లేదా ఇతర ప్రీమియం బాక్సులే మెరుగ్గా ఉంటాయని చెప్పవచ్చు.
Also Read: Wonderchef Chef Magic: రోబోటిక్ స్మార్ట్ కుక్కర్.. 500 పైగా వంటకాలు.. రెస్టారెంట్ స్టైల్ ఘుమఘుమలు!
Share
Star Couple Reunion: పిల్లల కోసం దిగివచ్చిన తల్లిదండ్రులు.. పదేళ్ల తర్వాత మళ్ళీ ఒక్కటైన స్టార్ కపుల్
Youtuber Vaishnavi: మూడు రోజులైనా సమాధి వీడని వైష్ణవి అన్నయ్యలు.. కన్నీళ్లు పెట్టిస్తున్న వైనం!
