Pumpkin Juice Benefits: గుమ్మడికాయలో అనేక పోషకాలు ఉంటాయి. గుమ్మడికాయ రసం కూడా ఆరోగ్యానికి ఎంతో మేలు చేస్తుంది. పొట్లకాయ, బీట్రూట్, దానిమ్మ, అరటితో పాటు అనేక రకాల జ్యూస్లు శరీరానికి మేలు చేస్తాయి. ఈ జాబితాలో గుమ్మడికాయ రసం కూడా ఉంటుంది. కానీ దీనికి తక్కువ జనాదరణ ఉంటుంది. ఇది ఇతర రసాలతో పోలిస్తే పోషకాలు, రుచి విషయంలో ఏ మాత్రం తక్కువకాదనే చెప్పాలి.
గుమ్మడికాయ రసం తాగడం వల్ల రోగనిరోధక శక్తి పెరుగుతుంది , దీని వల్ల జీర్ణక్రియ మెరుగుపడుతుంది. దీనితో పాటు, గుమ్మడికాయ రసం ఇతర ప్రయోజనాలను కూడా కలిగిస్తుంది. గుమ్మడికాయ రసాన్ని కూడా సులభంగా తయారు చేసుకోవచ్చు కూడా.
గుమ్మడికాయ రసం తాగడం వల్ల కలిగే ప్రయోజనాలు..
కంటికి మేలు చేస్తుంది:
గుమ్మడికాయలో బీటా కెరోటిన్ పుష్కలంగా ఉంటుంది. ఇది విటమిన్ ఎగా మారుతుంది. ఇది కంటి చూపుకు చాలా మంచిది. కంటిశుక్లం, వయస్సు సంబంధిత మచ్చల ప్రమాదాన్ని తగ్గించడంలో ఈ విటమిన్ ఎంతో సహాయపడుతుంది.
రోగనిరోధక శక్తి పెంచుతుంది:
గుమ్మడికాయలో విటమిన్ సి పుష్కలంగా ఉంటుంది. ఇది రోగనిరోధక శక్తిని బలోపేతం చేస్తుంది. అంతే కాకుండా ఇన్ఫెక్షన్ల నుండి రక్షిస్తుంది.
జీర్ణక్రియను మెరుగుపరుస్తుంది:
గుమ్మడికాయలో ఉండే ఫైబర్ జీర్ణక్రియను ఆరోగ్యంగా ఉంచుతుంది. అంతే కాకుండా మలబద్ధకం సమస్యను కూడా దూరం చేస్తుంది. ఇది పేగు ఆరోగ్యానికి కూడా మంచిదని ఆరోగ్య నిపుణులు చెబుతున్నారు.
చర్మానికి మేలు చేస్తుంది:
గుమ్మడికాయలో యాంటీఆక్సిడెంట్లు పుష్కంగా ఉంటాయి. ఇవి చర్మాన్ని ఆరోగ్యంగా ఉంచుతాయి. అంతే కాకుండా ముఖంపై వచ్చే ముడతలను కూడా తగ్గిస్తాయి. ఇది చర్మాన్ని హైడ్రేటెడ్గా ఉంచడంతో పాటు మెరిసేలా చేయడంలో సహాయపడుతుంది.
గుండెకు ఆరోగ్యం:
గుమ్మడికాయలో పొటాషియం అధిక మోతాదులో ఉంటుంది, ఇది రక్తపోటును నియంత్రించడంలో సహాయపడుతుంది. అంతే కాకుండా ఇది గుండె జబ్బుల ప్రమాదాన్ని తగ్గించడంలో కూడా సహాయపడుతుంది.
బరువు తగ్గడం:
గుమ్మడికాయలో కేలరీలు తక్కువగా ఉంటాయి. పీచుపదార్థం ఎక్కువగా ఉంటుంది. గుమ్మడి కాయ రసం తాగడం వల్ల ఎక్కువ సేపు కడుపునిండిన అనుభూతిని కలిగిస్తుంది. బరువు తగ్గడానికి కూడా గుమ్మడి కాయ రసం సహాయపడుతుంది.
AlSO Read: బరువు తగ్గించే 5 మార్గాల గురించి మీకు తెలుసా ?
గుమ్మడికాయ రసం ఎలా తయారు చేయాలి ?
కావలసినవి:
గుమ్మడికాయ- 1 (చిన్నది)
నీరు – సరిపడా
తేనె లేదా బెల్లం – రుచికి సరిపడా
ఐస్ క్యూబ్స్ – 5-6
గుమ్మడికాయ రసం చేయడానికి..మొదట గుమ్మడికాయను కడగాలి. ఆ తర్వాత పొట్టును తీసివేయండి. విత్తనాలను కూడా తీసేసి గుమ్మడికాయను చిన్న ముక్కలుగా కట్ చేసుకోండి. ఇప్పుడు గుమ్మడికాయ ముక్కలను మిక్సీలో వేసుకుని కొద్దిగా నీళ్ళు కలిపి బాగా గ్రైండ్ చేసుకోవాలి. ఆ తర్వాత ఈ జ్యూస్ కి తేనె లేదా బెల్లం యాడ్ చేసుకోండి. ఇష్టమైతే ఐస్ ముక్కలను కూడా వేసుకోవచ్చు. అంతే జ్యూస్ రెడీ అయినట్లే. ఇలా తయారు చేసుకున్న ఈ జ్యూస్ తాగడం వల్ల అనేక ప్రయోజనాలు ఉంటాయి. అనేక రకాల అనారోగ్య సమస్యలను తగ్గించే గుణం దీని ఉంది.
గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.
Share
Amrapali: తీపి కబురు చెప్పిన ఆమ్రపాలి..
Benefits Of Black Pepper: మిరియాలా మజాకా.. వీటితో ఎన్ని సమస్యలు పరార్ అవుతాయో తెలుసా
