Kris Srikkanth On CSK Batting Coach Gareth Batty: చెన్నై సూపర్ కింగ్స్ కొత్త బ్యాటింగ్ కోచ్ గా ఇంగ్లాండ్ మాజీ ఆఫ్ స్పిన్నర్ గారెత్ బాటీ (Gareth Batty) నియామకం అయ్యాడు. 2018 నుంచి 2026 వరకు బ్యాటింగ్ కోచ్ గా ఉన్న మైక్ హస్సీ తప్పుకున్నాడు. ఈ తరుణంలోనే హస్సీ స్థానంలో గారెత్ బాటీ ఎంపిక అయ్యాడు. చెన్నై సూపర్ కింగ్స్ హెడ్ కోచ్ జహీర్ ఖాన్ సూచనల మేరకు స్పిన్నరైన గారెత్ బాటీని తీసుకొచ్చారు. అయితే, గారెత్ బాటీ నియామకంపై మాజీ క్రికెటర్ క్రిస్ శ్రీకాంత్ వివాదస్పద వ్యాఖ్యలు చేశారు. CSK యాజమాన్యానికి అసలు బుర్ర ఉందా..? గారెత్ బాటీ పేరే వినలేదు, వీడు బ్యాటింగ్ కోచా? అంటూ హాట్ కామెంట్స్ చేశారు. ధోనికి ఆ బాధ్యతలు ఇచ్చినా అయిపోవు కదా అంటూ ఓ రేంజ్ లో రెచ్చిపోయారు. ముక్కు ముఖం తెలియని వాళ్ళకు కోచ్ పదవులు టైటిల్స్ రావని చురకలు అంటించారు. ఇకనైనా మహేంద్ర సింగ్ ధోని రంగంలోకి దిగాలని, అతనికి బ్యాటింగ్ కోచ్ లేదా మెంటార్ గా బాధ్యతలు ఇవ్వాలన్నారు.
చెన్నై సూపర్ కింగ్స్ కొత్త బ్యాటింగ్ కోచ్‌గా ఇంగ్లాండ్ మాజీ ఆఫ్ స్పిన్నర్ గారెత్ బాటీ (Gareth Batty) నియామకం కావడంపై క్రిస్ శ్రీకాంత్ హాట్ కామెంట్స్ చేశారు. తానెప్పుడు అతని పేరు వినలేదని, ఓ స్పిన్నర్ కు బ్యాటింగ్ కోచ్ పదవి ఇవ్వడమేంటని ప్రశ్నించారు. అంతర్జాతీయ బౌలర్ గా ఘోరంగా విఫలమయ్యాడని తెలిపారు. ఇంగ్లాండ్ జట్టులో అతన్ని గుర్తు పట్టేవాడే లేడంటూ హేళన చేశారు. ఇలాంటి అనామక ప్లేయర్లను తీసుకొచ్చి, చెన్నై సూపర్ కింగ్స్ పై రుద్దడం ఆపండి అంటూ ఫైర్ అయ్యాడు. దీంతో క్రిస్ శ్రీకాంత్ చేసిన వ్యాఖ్యలు దుమారం రేపుతున్నాయి.
గారెత్ బాటీ ఇంగ్లాండ్ దేశస్తుడు. ఆ దేశం తరఫునే అంతర్జాతీయ క్రికెట్ ఆడాడు. కుడిచేతి ఆఫ్ స్పిన్ బౌలర్ గా కెరీర్ కొనసాగించిన అతడు, ఇంగ్లాండ్ తరఫున 10 వన్డేలు, ఓ టీ20, 9 టెస్టులు ఆడాడు. తన 24 ఏళ్ల క్రికెట్ ఫస్ట్ క్లాస్ కెరీర్ లో 1000కి పైగా వికెట్లు పడగొట్టాడు. 2021లో రిటైర్మెంట్ ప్రకటించిన గారెత్ బాటీ, సర్రీ కౌంటీ క్రికెట్ క్లబ్ కు హెడ్ కోచ్ గా బాధ్యతలు తీసుకున్నారు. ఈ తరుణంలోనే ఆ జట్టుకు మూడుసార్లు టైటిల్స్ అందించాడు. ఈ తరుణంలోనే గారెత్ బాటీని బ్యాటింగ్ కోచ్ గా చెన్నై నియామకం చేసుకుంది.
Share
చాణక్య నీతి.. సమాజంలో గౌరవం పొందాలంటే ఈ 5 పనులు చేయండి
కేటీఆర్,హరీష్ రావు ఇద్దరివి దిమాక్ లేని మాటలు: ఎంపీ చామల ఫైర్!
