Blue Java Banana: బ్లూ జావా బనానా. సాధారణంగా “ఐస్ క్రీమ్ బనానా” అని పిలువబడే ఈ అరటిపండు దాని ప్రత్యేకమైన రుచి కారణంగా ప్రపంచవ్యాప్తంగా ప్రజాదరణ పొందింది. ఈ అరటిపండు రుచి వనిల్లా ఐస్ క్రీమ్ రుచిని పోలి ఉంటుందని చెబుతారు. అందుకే దీనికి ఈ పేరు వచ్చింది.
బ్లూ జావా బనానా యొక్క లక్షణాలు:
బ్లూ జావా బనానా ఒక అరుదైన అరటిపండు. దీనిని ముఖ్యంగా ఆగ్నేయ ఆసియా, హవాయి, ఫిజీ, ఆస్ట్రేలియా, ఇతర ఉష్ణమండల ప్రాంతాల్లో సాగు చేస్తారు. ఈ అరటిపండు బయటి తొక్క నీలం రంగును కలిగి ఉంటుంది. అందుకే దీనిని “బ్లూ జావా” అని పిలుస్తారు. పండిన తర్వాత.. తొక్క పసుపు రంగులోకి మారుతుంది. కానీ లోపలి భాగం మాత్రం మృదువుగా, క్రీమీగా , తీపిగా ఉంటుంది. దీని రుచి వెనిల్లా ఐస్ క్రీమ్ లేదా కస్టర్డ్‌ను మనకు గుర్తు చేస్తుంది. దీని యొక్క ప్రత్యేక రుచి కారణంగా.. ఇది స్మూతీలు, డెసర్ట్‌లు , ఇతర వంటకాల్లో ఉపయోగించడానికి అనువైంది.
సాగు విధానం:
బ్లూ జావా బనానా మొక్కలు ఉష్ణమండల వాతావరణంలో బాగా పెరుగుతాయి. ఈ మొక్కలకు ఎండ, తేమ, నీరు ఇంకే నేల అవసరం అవుతుంది. ఈ రకం అరటిమొక్కలు సాధారణంగా 15-20 అడుగుల ఎత్తు వరకు పెరుగుతాయి. అంతే కాకుండా కాయ సుమారు 6-9 అంగుళాల పొడవు ఉంటుంది. ఈ మొక్కలు చలికి ఎక్కువగా తట్టుకోగలవు. అందుకే వీటిని ఉష్ణమండల ప్రాంతాలతో పాటు ఉప-ఉష్ణమండల ప్రాంతాల్లో కూడా సాగు చేయవచ్చు. కానీ ఈ మొక్కలు కాపుకు రావడానికి సుమారు 9-12 నెలల సమయం పడుతుంది.
పోషక విలువలు:
బ్లూ జావా బనానా రుచితో పాటు అనేక పోషక విలువలను కలిగి ఉంటుంది. ఇందులో పొటాషియం, విటమిన్ సి, విటమిన్ బి6, ,డైటరీ ఫైబర్ పుష్కలంగా ఉంటాయి. ఈ అరటిపండు శరీరానికి త్వరగా శక్తిని అందించడంతో పాటు జీర్ణక్రియను మెరుగుపరుస్తుంది. అంతే కాకుండా గుండె ఆరోగ్యానికి తోడ్పడుతుంది. ఇందులో ఉండే యాంటీఆక్సిడెంట్లు శరీరంలోని ఫ్రీ రాడికల్స్‌ను ఎదుర్కోవడంలో సహాయపడతాయి. వీటిలోని తక్కువ కేలరీల కారణంగా..తరచుగా తిన్నా కూడా ఎలాంటి ప్రమాదం ఉండదు.
ఉపయోగాలు:
బ్లూ జావా బనానా దాని క్రీమీ ఆకృతి , తీపి రుచి కారణంగా ఆహార పదార్థాల్లో విస్తృతంగా ఉపయోగించబడుతోంది. దీనిని స్మూతీలు, ఐస్ క్రీమ్‌లు, కేకులులలో కూడా ఉపయోగించవచ్చు. దీనిని బేకింగ్‌లో కూడా వాడతారు. ఎందుకంటే ఇది సహజమైన తీపిని అందిస్తుంది. కొన్ని ప్రాంతాల్లో ఈ అరటిపండును ఎండబెట్టి స్నాక్స్‌గా కూడా తింటారు. దీనిలోని వెనిలా రుచి కారణంగా.. ఇది డెసర్ట్‌లకు ప్రత్యేక రుచిని అందిస్తుంది.
Also Read: తులసి వాటర్ తాగితే.. వ్యాధులన్నీ పరార్ !
మరిన్ని విషయాలు:
బ్లూ జావా బనానా ఒక హైబ్రిడ్ రకం. ఇది మూసా అక్యుమినాటా, మూసా బల్బిసియానా రకాల కలయిక నుండి ఉద్భవించింది.
ఈ అరటిపండు హవాయిలో చాలా ప్రజాదరణ పొందింది. అంతే కాకుండా అక్కడి స్థానిక వంటకాల్లో దీనిని ఎక్కువగా ఉపయోగిస్తారు.
Share
RGIA Airport: హైదరాబాద్ ఎయిర్ పోర్ట్.. ఇండియాలోనే నెంబర్ 1గా ఎలా ఎదిగింది?
Nithiin: తమ్ముడు సినిమాపై బిగ్ అప్ డేట్.. రిలీజ్ డేట్ ఎప్పుడంటే?
