Tips to Wake Up Kids for School| ఉదయం స్కూల్కు టైమ్ అవుతుంటుంది.. బస్సు వచ్చే సమయం దగ్గరపడుతుంది.. కానీ పిల్లలు మాత్రం ఇంకా దుప్పటి కప్పుకుని నిద్రపోతుంటారు. ఎన్నిసార్లు పిలిచినా లేవకపోతే తల్లిదండ్రులు సహనం కోల్పోవడం సహజమే. అయితే ప్రతిరోజూ ఉదయం పిల్లలపై అరవడం లేదా తిట్టడం వల్ల సమస్య పరిష్కారం కాదు. అయితే కొన్ని చిన్న మార్పులతో మీ ఉదయం ప్రశాంతంగా ఈ సమస్యలు పరిష్కరించవచ్చు.
పిల్లలు ఉదయం ఉత్సాహంగా లేవాలంటే రాత్రిపూట తగినంత నిద్ర అవసరం. ఆలస్యంగా టీవీ చూడటం లేదా మొబైల్, వీడియో గేమ్స్ ఆడటం నిద్రను ఆలస్యం అవుతుంది. అందుకే ప్రతిరోజూ ఒకే సమయానికి పిల్లలను నిద్రపెట్టే ప్రయత్నం చేయండి. నిద్రకు కనీసం గంట ముందు మొబైల్, టీవీ వంటి స్క్రీన్లను దూరంగా ఉంచండి. పడుకునే ముందు కథ చదవడం లేదా ప్రశాంతమైన సంగీతం వినిపించడం అలవాటు చేయండి. ఇలా స్థిరమైన నిద్ర రొటీన్ పాటిస్తే ఉదయం లేవడం క్రమంగా సులభమవుతుంది.
ఉదయం నిద్రలో ఉన్న పిల్లలపై ఒక్కసారిగా అరవడం వారికి చిరాకు కలిగించవచ్చు. అందుకే బదులుగా గది కర్టెన్లు తెరిచి సూర్యకాంతి లోపలికి వచ్చేలా చేయండి. పిల్లల దగ్గరకు వెళ్లి మెల్లగా పిలుస్తూ నిద్రలేపడానికి ప్రయత్నించండి. వారికి ఇష్టమైన మృదువైన పాటను కూడా వినిపించండి. వెంటనే లేవాలని ఒత్తిడి చేయకుండా కొన్ని నిమిషాలు సమయం ఇవ్వండి. ఇలా ప్రశాంతంగా ప్రయత్నిస్తే పిల్లలు ఉదయం నుంచి మంచి మూడ్తో ప్రారంభించేందుకు సహాయపడుతుంది.
పిల్లలకు చిన్న చిన్న నిర్ణయాలు తీసుకునే అవకాశం ఇస్తే వారు మరింత ఆసక్తిగా స్పందిస్తారు. “ముందు బ్రష్ చేస్తావా లేదా బ్రేక్ఫాస్ట్ చేస్తావా?” అని అడగండి. అలాగే స్కూల్కు ఏ వాటర్ బాటిల్ తీసుకెళ్లాలో వాళ్లే ఎంచుకునే అవకాశం ఇవ్వండి. ఇలాంటి చిన్న ఎంపికలు పిల్లల్లో స్వతంత్ర భావనను పెంచుతాయి. అదే సమయంలో నిద్రలేచిన తరువాత ఉదయం పనులపై దృష్టి పెట్టేలా చేస్తాయి.
చిన్న పిల్లలు ఆటల ద్వారా పనులు చేయడానికి ఎక్కువగా ఆసక్తి చూపుతారు. అందుకే ఉదయం లేవడాన్ని ఒక చిన్న గేమ్గా మార్చి చూడండి. “పది వరకు లెక్కపెట్టేలోపు ఎవరు బెడ్ నుంచి బయటకు వస్తారో చూద్దాం” అని ఫన్నీగా చెప్పండి. తర్వాత ఎవరు త్వరగా సిద్ధమవుతారో సరదాగా పోటీ పెట్టండి. అయితే పిల్లలపై ఒత్తిడి పెంచకుండా ఆటను సరదాగానే కొనసాగించాలి.
Also Read: నిద్రలేమితో ఇబ్బంది పడుతున్నారా? రోజూ ఈ వ్యాయామం చేస్తే మంచి గాఢనిద్ర మీ సొంతం
పిల్లలు ఎదిగే కొద్దీ తమ పనులకు తామే బాధ్యత తీసుకోవడం నేర్చుకోవాలి. వారి వయసుకు సరిపోయే అలారం క్లాక్ ఇవ్వండి. అలారం ఎలా సెట్ చేయాలో కూడా నేర్పించండి. ఉదయం అలారం మోగినప్పుడు వెంటనే మీరు లేపకుండా పిల్లలకు అవకాశం ఇవ్వండి. సమయానికి లేస్తే వారిని తప్పకుండా ప్రశంసించండి. ఇలా చేయడం వల్ల పిల్లల్లో ఆత్మవిశ్వాసం, స్వతంత్రత క్రమంగా పెరుగుతాయి.
Also Read: పర్ఫెక్ట్ పార్ట్నర్.. ఈ తేదీల్లో పుట్టినవారు చేతల్లో ప్రేమ చూపిస్తారు కానీ చెప్పరు
పిల్లల నిద్ర అలవాట్లు ఒక్కరోజులో మారవు. అందుకే తల్లిదండ్రులు ఓపికగా, స్థిరంగా ప్రయత్నించాలి. పిల్లలను తోబుట్టువులతో లేదా ఇతర పిల్లలతో పోల్చకండి. ప్రతి పిల్లవాడి నిద్ర, రొటీన్, స్వతంత్రత పెరిగే వేగం భిన్నంగా ఉంటుంది. ప్రేమతో కూడిన క్రమశిక్షణ పాటిస్తే ఉదయం గొడవలు క్రమంగా తగ్గవచ్చు. చివరికి పిల్లలు స్కూల్కు సిద్ధమయ్యే బాధ్యతను స్వయంగా తీసుకోవడం నేర్చుకుంటారు.
Share
20 రోజుల్లోనే ఓటీటీలోకి వచ్చేసిన పళ్లబురుసు .. స్ట్రీమింగ్ ఎక్కడంటే?
టాటా దూకుడు.. మహీంద్రా జోరు! ఆగస్టు అమ్మకాల్లో ఎవరు టాప్?
