Mistakes During Family Arguments| కుటుంబం అంటే ప్రేమ, అనురాగం, ఆప్యాయతలకు నిలయం. అయితే ప్రతి ఇంట్లోనూ చిన్న చిన్న గొడవలు, మనస్పర్థలు ఉండడం సహజమే. కొన్నిసార్లు ఒకరి మాట మరొకరికి నచ్చకపోవచ్చు. అభిప్రాయ భేదాలు కూడా ఉంటాయి. ఇలాంటి సమయంలో కోపాన్ని అదుపు చేసుకోలేక నోటికి వచ్చినట్లు మాట్లాడుతుంటారు. ఆ సమయంలో అన్న మాటలు గొడవ ముగిసిన తర్వాత కూడా ఎదుటివారి మనసులో బాధను మిగులుస్తాయి. ఒక్కోసారి చిన్న మాటలే కుటుంబ సభ్యుల మధ్య పెద్ద దూరాన్ని సృష్టిస్తాయి. అందుకే గొడవ జరిగినప్పుడు ఏం మాట్లాడాలి? ఏం మాట్లాడకూడదు? అనే విషయంపై అవగాహన ఉండాలి. ముఖ్యంగా కోపంలో ఉన్నప్పుడు కుటుంబ సభ్యులతో ఈ 5 మాటలు చెప్పకుండా ఉండటం మంచిది.
కుటుంబంలో ఏదైనా విషయంపై గొడవ జరిగినప్పుడు కొందరు వెంటనే ఈ మాట అనేస్తారు. ఇలా అనడం వల్ల ఎదుటివారికి తమ భావాలను మీరు అర్థం చేసుకోవడం లేదనే భావన కలుగుతుంది. దీంతో వారి కోపం మరింత పెరగవచ్చు. అందుకే నిందలు వేయకుండా ఎదుటివారు చెప్పేది ప్రశాంతంగా వినాలి. మీకు నచ్చని విషయాన్ని కూడా మర్యాదగా వివరించాలి. ఇలా మాట్లాడితే సమస్యకు పరిష్కారం దొరికే అవకాశం ఉంటుంది.
కుటుంబంలో ఏదైనా సమస్య వచ్చినప్పుడు మొత్తం తప్పును ఒకరిపైనే వేయకూడదు. ప్రతి విషయంలో ఎదుటివారినే తప్పుబడితే బంధాల్లో క్రమంగా చేదు భావాలు పెరుగుతాయి. తప్పులు ఎవరికైనా జరగవచ్చు. అందుకే మీ అభిప్రాయాన్ని చెప్పడంతో పాటు ఎదుటివారి మాటను కూడా వినాలి. అవసరమైతే మీ తప్పును అంగీకరించాలి. అప్పుడే కుటుంబంలో పరస్పర గౌరవం పెరుగుతుంది.
ప్రస్తుతం జరిగిన చిన్న గొడవలో కొందరు ఏళ్ల క్రితం జరిగిన విషయాలను కూడా ప్రస్తావిస్తుంటారు. దీనివల్ల పాత బాధలు మళ్లీ గుర్తుకొస్తాయి. సమస్య మరింత పెద్దదవుతుంది. అందుకే ప్రస్తుతం ఏ విషయం గురించి గొడవ జరుగుతుందో దానిపైనే మాట్లాడాలి. గతంలో జరిగిన తప్పులను పదేపదే గుర్తుచేయడం వల్ల పరిష్కారం లభించదు.
కోపంలో ఈ మాట చెప్పడం ఎదుటివారి మనసును తీవ్రంగా బాధిస్తుంది. వారు కుటుంబంలో తమకు విలువ లేదని భావించే అవకాశం ఉంటుంది. మీకు ఎవరిపైనైనా కోపం వస్తే ఆ వ్యక్తితోనే నేరుగా మాట్లాడండి. మధ్యలో కుటుంబ సభ్యులందరినీ తీసుకురావద్దు. ఒకరి ప్రవర్తన వల్ల కలిగిన బాధను వివరించండి. ఇలా చేయడం వల్ల అనవసరమైన అపార్థాలు తగ్గుతాయి.
Also Read: ఆత్మవిశ్వాసమే అతని ఆయుధం.. కళ్లు కనిపించకపోయినా ఎవరెస్ట్ ఎక్కేశాడు
ఈ మాట ఎదుటివారిని నిర్లక్ష్యం చేసినట్లు అనిపిస్తుంది. దీంతో ఇద్దరి మధ్య సంభాషణ పూర్తిగా ఆగిపోవచ్చు. బంధాల్లో దూరం కూడా పెరగవచ్చు. కోపం ఎక్కువగా ఉన్నప్పుడు వెంటనే స్పందించకుండా కొంతసేపు మౌనంగా ఉండండి. మనసు ప్రశాంతంగా మారిన తర్వాత మీ సమస్యను వివరించండి. ఎదుటివారి అభిప్రాయాన్ని కూడా గౌరవించండి.
కుటుంబంలో అందరి ఆలోచనలు, అభిప్రాయాలు ఒకేలా ఉండవు. అందుకే చిన్న చిన్న విభేదాలు రావడం సహజం. అయితే అవి పెద్ద గొడవలుగా మారకుండా చూసుకోవాలి. కోపంలో తిట్టడం, అవమానించడం, వెటకారంగా మాట్లాడటం మానుకోవాలి. ప్రతి గొడవలో గెలవాలనే ఆలోచన కూడా మంచిది కాదు. కొన్నిసార్లు బంధాలను కాపాడుకోవడానికి మన మాటతీరు మార్చుకోవడం ఎంతో అవసరం. ప్రేమగా మాట్లాడటం, ఓపికగా వినడం కుటుంబ సంబంధాలను బలంగా ఉంచుతాయి.