Gas Burner Cleaning Hacks: గ్యాస్ స్టవ్ అనేది వంటగదిలో మనం ప్రతిరోజూ ఉపయోగిస్తుంటాం. వంట చేసేటప్పుడు నూనె జిడ్డు, పాలు పొంగడం, పిండి మరకలు పడటం సర్వసాధారణం. ముఖ్యంగా బర్నర్‌లపై మురికి పేరుకుపోవడం వల్ల మంట సరిగ్గా రాక, గ్యాస్ వృథా అవుతుంది. ఈ సమస్యను నివారించడానికి, స్టవ్‌ను కొత్తదానిలా మెరిపించడానికి కొన్ని రకాల టిప్ప్ పాటించడం ముఖ్యం అవేంటో ఇప్పుడు తెలుసుకుందాం.
స్టెప్- 1: శుభ్రపరిచే ముందు జాగ్రత్తలు:
గ్యాస్ ఆఫ్ చేయండి: శుభ్రపరిచే ముందు తప్పనిసరిగా సిలిండర్ వద్ద ఉన్న రెగ్యులేటర్‌ను ఆఫ్ చేయండి లేదా కనీసం స్టవ్ నాబ్‌లు అన్నింటినీ ఆఫ్ చేసి ఉంచండి
భాగాలను వేరు చేయండి: స్టవ్ పైభాగంలో ఉన్న బర్నర్‌లను, బర్నర్ క్యాప్‌లను, గ్రిల్‌లను తీసి పక్కన పెట్టండి.
స్టెప్- 2 : బర్నర్‌లను లోతుగా శుభ్రం చేయడం:
బర్నర్‌లలోని మొండి జిడ్డు, మూసుకుపోయిన రంధ్రాలను శుభ్రం చేయడానికి ఈ పద్ధతి చాలా ప్రభావవంతంగా ఉంటుంది.
కావలసినవి:
వేడి నీరు
బేకింగ్ సోడా – 2 నుండి 3 టేబుల్ స్పూన్లు
వైట్ వెనిగర్ – అర కప్పు
డిష్ వాషింగ్ లిక్విడ్ – 1 టీస్పూన్
పాత టూత్ బ్రష్
శుభ్రపరిచే విధానం:
లిక్విడ్ తయారుచేయండి: ఒక లోతైన గిన్నెలో (లేదా ప్లాస్టిక్ టబ్) వేడి నీటిని తీసుకోండి. అందులో బేకింగ్ సోడా, వెనిగర్, డిష్ వాషింగ్ లిక్విడ్‌ను వేసి బాగా కలపండి.
నానబెట్టండి: తీసి పక్కన పెట్టిన బర్నర్‌లు, క్యాప్‌లు, చిన్న గ్రిల్‌లను ఈ లిక్విడ్‌లో కనీసం 30 నిమిషాల నుండి 2 గంటల వరకు నానబెట్టండి. మొండి జిడ్డు ఎక్కువగా ఉంటే, రాత్రంతా నానబెట్టండి.
శుభ్రం చేయండి: నానిన తర్వాత, బర్నర్‌లను లిక్విడ్ నుంచి తీసి, పాత టూత్ బ్రష్ లేదా స్క్రబ్బర్‌తో రుద్దండి. మొండి జిడ్డు సులభంగా వదిలిపోతుంది. ముఖ్యంగా.. బర్నర్ రంధ్రాలను టూత్ బ్రష్ లేదా పిన్ సాయంతో శుభ్రం చేయండి.
ఆరబెట్టండి: శుభ్రం చేసిన బర్నర్‌లను నీటితో శుభ్రంగా కడిగి, పూర్తిగా ఆరిపోయే వరకు పొడి క్లాత్ పై ఉంచండి. తడిగా ఉన్నప్పుడు స్టవ్‌పై అమర్చకూడదు.
స్టెప్- 3: గ్యాస్ స్టవ్ ఉపరితలాన్ని శుభ్రం చేయడం:
స్టవ్ ప్లాట్‌ఫామ్‌పై ఉన్న జిడ్డు మరకలను తొలగించడానికి ఈ పద్ధతిని అనుసరించండి.
లిక్విడ్ అప్లై చేయండి: స్టవ్ ఉపరితలంపై (గ్లాస్ లేదా స్టీల్) డిష్ వాషింగ్ లిక్విడ్ లేదా కొద్దిగా బేకింగ్ సోడా, నిమ్మరసం మిశ్రమాన్ని అప్లై చేయండి.
రుద్దండి: 5 నిమిషాలు అలాగే ఉంచి.. మెత్తటి స్పాంజ్ లేదా మైక్రోఫైబర్ క్లాత్ తో శుభ్రంగా తుడవండి. గ్లాస్ స్టవ్‌ను శుభ్రం చేయడానికి పదునైన స్క్రబ్బర్‌లను ఉపయోగించకూడదు.
పొడిగా తుడవండి: చివరిగా.. పొడి, శుభ్రమైన క్లాత్ స్టవ్‌ను తుడిచి మెరిసేలా చేయండి.
నిమ్మరసం: బేకింగ్ సోడాతో పాటు నిమ్మరసం కలిపితే శుభ్రపరిచే శక్తి రెట్టింపు అవుతుంది.
క్రమం తప్పకుండా: ప్రతిరోజూ వంట చేసిన తర్వాత తేలికపాటి క్లాత్ తో స్టవ్‌ను తుడవడం వల్ల మొండి మరకలు ఏర్పడకుండా నిరోధించవచ్చు.
ఈ చిట్కాలను అనుసరించడం ద్వారా మీ 3 బర్నర్ గ్యాస్ స్టవ్ తళతళా మెరిసిపోతుంది. ఇలా చేయడం వల్ల బర్నర్‌లు కూడా మెరుగైన మంటను అందిస్తాయి.
Share
Raviteja : నా తుదిశ్వాస అక్కడే జరగాలి.. ఎమోషనల్ అయిన రవితేజ!
Khammam DCM Incident: వరదలో కొట్టుకుపోయిన డీసీఎం
