Weight Lose: 30 రోజుల వాకింగ్ రిజల్ట్.. బరువు తగ్గాలనుకునే వారికి బెస్ట్ ఆప్షన్ !

Weight Lose: బరువు తగ్గడానికి అంతే కాకుండా ఆరోగ్యంగా ఉండటానికి వాకింగ్ అనేది చాలా సులువైన, ఖర్చు లేని ప్రభావవంతమైన మార్గం. ప్రత్యేకించి జిమ్‌లకు వెళ్లలేని వారికి లేదా ఎక్కువ సేపు వ్యాయామం చేయలేని వారికి ఇది ఒక అద్భుతమైన ఎంపిక. కేవలం 30 రోజుల్లో వాకింగ్ ద్వారా చెప్పుకోదగ్గ బరువు తగ్గడానికి, ఆరోగ్యాన్ని మెరుగు పరచుకోవడానికి కొన్ని చిట్కాలను పాటించాలి. అవేంటో ఇప్పుడు తెలుసుకుందాం.

ఆహార నియమాలు:
మీరు బరువు తగ్గడానికి ఆహారంలో చిన్నపాటి మార్పులు చాలా పెద్ద ప్రభావాన్ని చూపుతాయి.

చేర్చాల్సిన ముఖ్యమైన ఆహారాలు:
ప్రోటీన్: గుడ్లు, పప్పులు, పెరుగు/మజ్జిగ, చికెన్, చేపలు. ప్రోటీన్ ఆకలిని తగ్గిస్తుంది. అంతే కాకుండా కండరాలను కాపాడుతుంది.

ఫైబర్: కూరగాయలు (ఆకుకూరలు, బీన్స్, క్యారెట్లు), పండ్లు (యాపిల్, బెర్రీలు), తృణధాన్యాలు (ఓట్స్, బ్రౌన్ రైస్). ఫైబర్ జీర్ణక్రియను మెరుగు పరుస్తుంది.

నీరు: రోజుకు 8 నుంచి 10 గ్లాసుల నీరు తప్పనిసరిగా తాగాలి. భోజనానికి ముందు ఒక గ్లాసు నీరు తాగడం వల్ల తక్కువ ఆహారం తీసుకుంటారు.

ఆరోగ్యకరమైన కొవ్వులు: బాదం, వాల్‌నట్, ఆలివ్ ఆయిల్ వంటివి తినడం వల్ల కూడా మంచి ఫలితం ఉంటుంది.

తినకుండా ఉండాల్సిన ఆహారాలు:
చక్కెర డ్రింక్స్: పండ్ల రసాలు (ప్యాక్ చేసినవి), తీపి టీ/కాఫీ.

డీప్-ఫ్రై చేసిన ఆహారాలు: పకోడీలు, సమోసాలు, చిప్స్.

ప్రాసెస్ చేసిన ఆహారాలు: బిస్కెట్లు, బేకరీ వస్తువులు, ప్యాక్ చేసిన స్నాక్స్ (వీటిలో ఉప్పు/చక్కెర ఎక్కువగా ఉంటుంది).

తెల్ల పిండి పదార్థాలు: వైట్ బ్రెడ్, మైదా ఉత్పత్తులు. వీటికి బదులుగా గోధుమ లేదా ఓట్స్ ఆధారిత ఉత్పత్తులను వాడండి.

రోజువారీ ఆహార నియమం చిట్కాలు:
చిన్నపాటి భోజనం: రోజుకు 3 సార్లు ఎక్కువ మొత్తంలో తినడానికి బదులుగా.. 5-6 సార్లు కొంచెం కొంచెంగా లేదా స్నాక్స్ తీసుకోండి.

భోజన సమయం: రాత్రి భోజనం పడుకోవడానికి కనీసం 2-3 గంటల ముందు పూర్తి చేయండి. రాత్రిపూట తేలిక పాటి ఆహారం తీసుకోవడం మంచిది.

ఫుడ్ కంట్రోల్ : మీరు ఎంత తింటున్నారో గమనించండి. మీ ప్లేట్‌లో సగం కూరగాయలు, పావు వంతు ప్రోటీన్, పావు వంతు ధాన్యాలు ఉండేలా చూసుకోండి.

Also Read: కిడ్నీలను నిశ్శబ్దంగా దెబ్బతీసే.. 7 అలవాట్లు

మంచి ఫలితాల కోసం అదనపు చిట్కాలు:
కండరాల బలం శిక్షణ: వారానికి రెండుసార్లు 15-20 నిమిషాలు సాధారణ బలం పెంచే వ్యాయామాలు చేయండి. ఇది జీవక్రియ రేటును పెంచుతుంది.

నిద్ర: రోజుకు 7-8 గంటలు నాణ్యమైన నిద్ర ఉండేలా చూసుకోండి. నిద్ర లేమి బరువు తగ్గడాన్ని నిరోధిస్తుంది.

ఒత్తిడి నియంత్రణ: ఒత్తిడి హార్మోన్లు బరువు పెరిగేలా చేస్తాయి. ధ్యానం లేదా లోతైన శ్వాస వంటివి ప్రాక్టీస్ చేయండి.

Join WhatsApp Channel

Share

• 
• 
• 
• 
• 
•