coconut tips: ఎండకాలం వచ్చిందంటే చాలు.. గొంతు ఎండిపోతోంది.అదే సమయంలో రోడ్డు పక్కన కొబ్బరి బొండం కనిపిస్తే చాలు, ప్రాణం లేచొస్తుంది.మరి ఆశగా 50-60 రూపాయలు పెట్టి బొండం కొట్టాక అందులో నీళ్ళు ఉండపోతే వచ్చే కోపం మాములుగా ఉండదు. మరి నిండుగా నీళ్లున్న కొబ్బరి బొండాం ని ఎలా కనిపెట్టాలో ఇప్పుడు చూద్దాం.
సాధారణంగా చాలా మంది చేసేదేమిటంటే బొండాన్ని చెవి దగ్గర పెట్టుకుని నీళ్ళ సౌండ్ వస్తుందా లేదా అని చెక్ చేస్తుంటారు.ఏ మాత్రం కాస్త సౌండ్ వచ్చినా ఎంచక్కా నీళ్ళున్నాయని సెలెక్ట్ చేసుకుంటారు. కాని అది తప్పు. ఎందుకంటే గాలి ఎక్కువగా ఉంటేనే సౌండ్ వస్తుంది.బొండంలో నీళ్లు నిండా ఉంటే అసలు సౌండనేదే రాదు. కాబట్టి చప్పుడు రాని బొండాన్నే సెలెక్ట్ చేసుకుంటే మంచింది
also read:Palm Toddy vs Date Toddy: తాటికల్లు Vs ఈతకల్లు:ఏది తాగితే మీ బాడీ ఏసీలా మారుతుందో తెలుసా!
ఇక మరో ముఖ్యమైన విషయం ..పెద్దగా పచ్చగా ఉండే బొండాలు చూసి అస్సలు మోసపోకండి. ఎందుకంటే ముదురు పచ్చగా ఉంటే అది చూడటానికి బాగుంటుందేమో కానీ లోపల కొబ్బరి ముదిరిపోయి, నీటి శాతం తగ్గే అవకాశం ఉంది.సో లేత పచ్చ లేదా కొంచెం పసుపు ఛాయ (Yellowish-green) ఉన్న బొండాలను ఎంచుకోవడం మేలు .ఇవి చూడటానికి కాస్త డల్గా ఉన్నా, నీళ్లు మాత్రం ఫుల్ గా ఉంటాయ్ ..ఈ నీళ్ళకి తీపి కూడా ఎక్కువేనండోయ్.
ఇక చాలామంది ఏమనుకుంటారంటే పెద్ద బొండాలు చూసి ఎక్కువ నీళ్లు ఉంటాయని బ్రమ పడిపోతారు.. కానీ, కొబ్బరి బొండాల విషయంలో ‘సైజ్ కాదు, షేప్ ముఖ్యం’.యస్ ..పొడవుగా ఉండే బొండాల కంటే.. మీడియం రేంజ్ లో (Medium size) ఉండే. గుండ్రని బొండాలే బెస్ట్!
ఇక రెండు ఒకే సైజులో ఉన్న బొండాలను రెండు చేతుల్లో పట్టుకొని ఒక సారి చెక్ చేయండి .వాటిల్లో ఏ బొండం అయితే ఎక్కువ బరువుగా అనిపిస్తుందో అందులో నీళ్లు నిండుగా ఉన్నాయని గుర్తుంచుకోండి.ఎందుకంటే గాలి కంటే నీరు బరువు కాబట్టి, సో ..బరువు ఎక్కువగా ఉన్నదే మన టార్గెట్!
ఇక బొండం పైన భాగం (కాడ ఉండే చోటు) పచ్చగా ఉందా .. అది తాజాదని అర్థం.అదే గోధుమ రంగులోకి మారి ఎండిపోయినట్టు ఉంటే అది ఎప్పుడో కోసిన పాత స్టాక్ అని అర్థం.కొబ్బరి నీళ్లు కేవలం దాహం తీర్చడమే కాదు, బాడీకి కావాల్సిన ఎలక్ట్రోలైట్స్ ఇచ్చే సూపర్ డ్రింక్. సో …ఇకనైనా కొబ్బరి నీళ్ల బండి దగ్గరికి వెళ్లినప్పుడు, ఈ ట్రిక్స్ వాడండి. మీరు పెట్టిన ప్రతి పైసాకు తృప్తిని పొందండి !
also read:Dhurandhar Controversy: 1100 కోట్లు కొట్టారు సరే.. మా వాటా ఎక్కడ? అంటుంది ఎవరో తెలుసా ?వీడియో వైరల్
Share
Kharif 2026: యూరియా కోసం ఢిల్లీకి స్పెషల్ టీమ్: మంత్రి తుమ్మల!
మంత్రుల కోసమేనా ప్రభుత్వం?.. మునుగోడు కోసం రాజీనామాకైనా సిద్ధం.. MLA రాజగోపాల్ రెడ్డి ఫైర్..
