Vitamin D Supplements| ఎముకలు బలంగా ఉండాలన్నా, కండరాలు ఆరోగ్యంగా పనిచేయాలన్నా విటమిన్ డి చాలా అవసరం. అందుకే చాలామంది విటమిన్ డి లోపాన్ని నివారించేందుకు సప్లిమెంట్లు తీసుకుంటుంటారు. అయితే ఈ టాబ్లెట్లు ఎప్పుడు పడితే అప్పుడు అప్పుడు తీసుకోవడం మంచిదేనా? ఒకవేళ ఉదయం తీసుకోవాలా, రాత్రి తీసుకోవాలా అనే సందేహం చాలామందికి ఉంటుంది. నిజానికి విటమిన్ డి సప్లిమెంట్లు తీసుకునే సమయం కంటే వాటిని ఏ ఆహారంతో తీసుకుంటున్నామనేది కూడా ముఖ్యం. సరైన పద్ధతిలో తీసుకుంటే శరీరం ఈ విటమిన్ మెరుగ్గా గ్రహించగలదు. మరి విటమిన్ డి సప్లిమెంట్లు తీసుకోవడానికి సరైన సమయం ఏదో తెలుసుకుందాం.
విటమిన్ డి సప్లిమెంట్లను కొవ్వు పదార్థాలు ఉండే ఆహారంతో కలిపి తీసుకోవడం మంచిది. బ్రేక్‌ఫాస్ట్, లంచ్ లేదా డిన్నర్ సమయంలో వీటిని తీసుకోవచ్చు. అయితే మీరు తీసుకునే భోజనంలో కొంత ఆరోగ్యకరమైన కొవ్వు ఉండాలి.
విటమిన్ డి కొవ్వులో కరిగే విటమిన్. అందువల్ల కొవ్వు పదార్థాలతో కలిపి తీసుకున్నప్పుడు శరీరం దీన్ని మెరుగ్గా గ్రహిస్తుంది. ఖాళీ కడుపుతో తీసుకోవడం కంటే భోజనంతో కలిపి తీసుకోవడం ప్రయోజనకరంగా ఉంటుంది.
అవకాడో, బాదం, వాల్‌నట్స్, గింజలు, గుడ్లు, చీజ్, ఆలివ్ ఆయిల్ వంటి ఆహారాల్లో ఆరోగ్యకరమైన కొవ్వులు ఉంటాయి. వీటితో పాటు విటమిన్ డి సప్లిమెంట్లు తీసుకోవచ్చు.
విటమిన్ డి తీసుకోవడానికి ఉదయం లేదా రాత్రి అనే ప్రత్యేకమైన సమయం లేదు. కొందరు ఉదయం బ్రేక్‌ఫాస్ట్‌తో తీసుకుంటారు. మరికొందరు మధ్యాహ్నం లేదా రాత్రి భోజనంతో తీసుకుంటారు.
అయితే ప్రతిరోజూ ఒకే సమయంలో తీసుకునే అలవాటు చేసుకోవడం మంచిది. ఇలా చేయడం వల్ల సప్లిమెంట్లు తీసుకోవడం మర్చిపోకుండా ఉంటారు.
కొంతమంది రాత్రిపూట విటమిన్ డి తీసుకున్నప్పుడు నిద్రలో ఇబ్బందులు ఎదురవుతున్నాయని చెబుతుంటారు. అయితే రాత్రి తీసుకోవడం వల్ల నిద్ర దెబ్బతింటుందని నిర్ధారించే బలమైన ఆధారాలు లేవు. అలాంటి సమస్యలు ఎదురైతే వైద్యుడిని సంప్రదించండి.
విటమిన్ డి శరీరానికి సరిగ్గా అందేందుకు కొన్ని ఆహారపు అలవాట్లపై శ్రద్ధ పెట్టాలి.
Also Read: చాణక్య నీతి.. ఇలా ఆలోచించేవారు మాత్రమే ధనవంతులు అవుతారు
వైద్యులు సూచించిన మోతాదులోనే విటమిన్ డి టాబ్లెట్లు తీసుకోవాలి. అవసరానికి మించి తీసుకుంటే రక్తంలో కాల్షియం లెవెల్స్ ప్రమాదకరంగా పెరగవచ్చు. దీనివల్ల ఆరోగ్య సమస్యలు తలెత్తవచ్చు.
మీ శరీరంలో విటమిన్ డి లెవెల్స్‌ని పరీక్షించిన తర్వాత వైద్యులు సరైన మోతాదు సూచిస్తారు. మీ వయసు, ఆహారపు అలవాట్లు, ఆరోగ్య పరిస్థితులను కూడా పరిగణనలోకి తీసుకుంటారు.
Also Read: సాయంత్రం వేళ జిమ్ చేస్తున్నారా? ఈ సమస్యలు తప్పకుండా ఎదుర్కొంటారు.. పరిష్కారం ఇదే
విటమిన్ డి సప్లిమెంట్లను ఆరోగ్యకరమైన కొవ్వులు ఉండే ఆహారంతో తీసుకోవడం మంచిది. ఉదయం లేదా రాత్రి అనే సమయం కంటే సరైన పద్ధతిలో, వైద్యుల సూచనల ప్రకారం తీసుకోవడం ముఖ్యం.
Share
ఒక్కసారి కాదు 100 సార్లు బాల్ టాంపరింగ్ చేశాం..శాండ్ పేపర్ వివాదంపై ఉస్మాన్ ఖవాజా సంచలనం!
RC17 బడ్జెట్ ఎన్ని కోట్లో తెలుసా..? సుక్కు ప్లానేంటి మావా..!
