Switchboard Cleaning: స్విచ్ బోర్డులు నల్లగా మారాయా ? ఇలా చేస్తే క్షణాల్లోనే మెరిసిపోతాయ్

Switchboard Cleaning: ఏ ఇంట్లోనైనా ఎక్కువగా ఉపయోగించేది స్విచ్ బోర్డులు. ఈ కారణంగానే స్విచ్ బోర్డులు త్వరగా నల్లగా మారుతాయి. కొన్నిసార్లు జిడ్డు అంటుకుని చూడటానికి అసహ్యంగా కనిపిస్తుంటాయి. ఇంట్లోని గదులను ఎంత అందంగా అలంకరించినా స్విచ్ బోర్డులు మురికిగా మారితే అవి గది అందాన్ని పాడు చేస్తాయి.

స్విచ్ బోర్డ్ అనేది ఇంట్లో ఎక్కువగా ఉపయోగించే వస్తువు. దీని క్లీనింగ్ పై చాలా మంది అంతగా దృష్టి పెట్టరు. దీంతో ఇంట్లో ఉన్న పలు స్విచ్ బోర్డ్‌లు మురికిగా, నల్లగా మారతాయి. ఎక్కువ రోజులు శుభ్రం చేయకపోయినా వాటిపై జిడ్డు పేరుకుపోతుంది. ఇదిలా ఉంటే స్విచ్ బోర్డ్‌ను క్లీన్ చేయడం చాలా ప్రమాదకరమైన పని. కాబట్టి జాగ్రత్తగా వీటని క్లీన్ చేయాలి. మీ ఇంట్లోని నల్లటి స్విచ్ బోర్డులను తెల్లగా మెరిసేలా చేసే టిప్స్ గురించి ఇప్పుడు తెలుసుకుందాం.

వెనిగర్: నల్లటి స్విచ్ బోర్డులను శుభ్రం చేయడంలో వెనిగర్ చాలా ప్రభావవంతంగా పనిచేస్తుంది. ఒక కప్పు నీటిలో 2 టీస్పూన్ల యాపిల్ సైడర్ వెనిగర్ వేసి అందులో 1 టీస్పూన్ నిమ్మరసం కలపండి. వీటిని బాగా మిక్స్ చేయండి. ఇప్పుడు కరెంట్ మెయిన్ ఆఫ్ చేసి టూత్ బ్రష్ లేదా క్లాత్ తీసుకుని ముందుగా తయారు చేసుకున్న ద్రావణంలో ముంచి స్విచ్ బోర్డుపై రుద్దండి. కొద్దిసేపటికే స్విచ్ బోర్డ్ పై ఉన్న మురికి శుభ్రపడి స్విచ్ బోర్డు ముందులాగా మెరుస్తుంది.

బేకింగ్ సోడా: స్విచ్ బోర్డ్‌ను శుభ్రం చేయడంలో బేకింగ్ సోడా కూడా ప్రభావవంతంగా పనిచేస్తుంది. దీని కోసం, ఒక గిన్నె నీటిలో బేకింగ్ సోడా కలిపి మిక్స్ చేయండి. దీంట్లో ఒక క్లాత్ ముంచి స్విచ్ బోర్డుపై పూర్తిగా రుద్దండి. ఇలా చేయడం వల్ల బోర్డు కొత్త దానిలా మెరుస్తుంది.

వీటిని కూడా ప్రయత్నించండి:
యాపిల్ సైడర్ వెనిగర్ మరియు బేకింగ్ సోడా కాకుండా, లిక్విడ్ సోప్ మరియు నెయిల్ పెయింట్ రిమూవర్ కూడా స్విచ్ బోర్డ్‌ను శుభ్రం చేయడానికి ఉపయోగిస్తారు. చాలా మంది వ్యక్తులు ఆల్కహాల్ సహాయంతో నలుపు, అంటుకునే స్విచ్ బోర్డులను కూడా శుభ్రం చేస్తారు.

ఈ విషయాల్లో జాగ్రత్తలు తీసుకోండి:

పవర్ ఆఫ్ చేయండి : స్విచ్ బోర్డ్‌ను శుభ్రపరిచే ముందు, మీ స్వంత భద్రతను జాగ్రత్తగా చూసుకోవడం చాలా ముఖ్యం. వాటిని శుభ్రం చేయడానికి, ముందుగా మెయిన్ స్విచ్ ఆఫ్ చేయండి. దీని తర్వాత మాత్రమే స్విచ్ బోర్డుని శుభ్రపరచడం ప్రారంభించండి.కరెంట్ ఆన్‌లో ఉంటే.. షాక్‌ వచ్చే ప్రమాదం ఉంటుంది.

Also Read: ఎంత నల్లగా ఉన్న వెండి సామాగ్రి అయినా.. ఇలా చేస్తే క్షణాల్లోనే మెరిసిపోతాయ్

గ్లౌజ్‌లు , రబ్బరు చెప్పులు : విద్యుత్తుకు సంబంధించిన ఏదైనా పని చేసేటప్పుడు, గ్లౌజ్‌లు , రబ్బరు చెప్పులు ధరించండి. ఎలక్ట్రిక్ స్విచ్ బోర్డ్‌ను శుభ్రపరిచేటప్పుడు కూడా ఈ జాగ్రత్తలు తప్పకుండా తీసుకోండి. మీరు స్విచ్ బోర్డ్ శుభ్రం చేసినప్పుడు, మీ చేతులకు గ్లోవ్స్, మీ పాదాలకు చెప్పులు ధరించడం అస్సలు మర్చిపోవద్దు.

బోర్డు ఆరిన తర్వాత కరెంటు ఆన్ చేయండి: స్విచ్ బోర్డ్‌ను శుభ్రం చేసిన తర్వాత, వెంటనే విద్యుత్ స్విచ్‌ను ఆన్ చేయకండి. కనీసం 15 నిమిషాలు ఆరడానికి టైం ఇవ్వండి. ఇది బోర్డుపై తడిని పూర్తిగా పొడిగా చేస్తుంది.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్‌ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.