Mustard Oil For Hair: ఆవ నూనెలో ఈ ఒక్కటి కలిపి వాడితే.. జుట్టు వద్దన్నా పెరుగుతుంది తెలుసా ?

Mustard Oil For Hair: ప్రస్తుతం చాలా మంది జుట్టు రాలే సమస్యను ఎదుర్కుంటున్నారు. ముఖ్యంగా పొడవాటి జుట్టు కోసం అమ్మాయిలు రకరకాల హెయిర్ ఆయిల్స్ వాడుతుంటారు. కానీ ఫలితం అంతంత మాత్రంగానే ఉంటుంది. ఇదిలా ఉంటే ఆవాల నూనె జుట్టు పెరుగుదలకు చాలా బాగా ఉపయోగపడుతుంది. అంతే కాకుండా జుట్టును రాలకుండా చేస్తుంది. మరి ఇందుకు సంబంధించిన పూర్తి వివరాలను ఇప్పుడు తెలుసుకుందాం.

ఆవ నూనెను జుట్టు పెరుగుదలకు ఎలా ఉపయోగించాలి ?

1. స్కాల్ప్ మసాజ్ కోసం ఆవ నూనె:
ఆవ నూనెను నేరుగా తల చర్మంపై ఉపయోగించడం జుట్టు పెరుగుదలకు సులభమైన, సమర్థవంతమైన మార్గం. ఈ పద్ధతిలో.. నూనెను కాస్త వేడి చేసి ‌‌గిన్నెలోకి తీసుకోండి. రెండు నుండి మూడు టీస్పూన్ల నూనెను వేళ్లతో తల చర్మంపై రుద్దండి. వృత్తాకారంలో 5-10 నిమిషాల పాటు సున్నితంగా మసాజ్ చేయండి. ఇది రక్త ప్రసరణను మెరుగుపరుస్తుంది. అంతే కాకుండా జుట్టు కుదుళ్లను బలపరుస్తుంది. మసాజ్ తర్వాత, నూనెను జుట్టు పొడవునా అప్లై చేయండి. అనంతరం తలను వేడి టవల్ లేదా షవర్ క్యాప్‌తో కప్పి, ఒక గంట పాటు ఉంచండి. ఆ తర్వాత, షాంపూతో తలస్నానం చేయండి. ఈ పద్ధతిని వారానికి 2-3 సార్లు పాటించండి.

2. ఆవ నూనె, కొబ్బరి నూనె మిశ్రమం:
ఆవ నూనెలో కొబ్బరి నూనె కలిపి వాడటం వల్ల జుట్టు బాగా పెరుగుతుంది. ఇందుకోసం రెండు టీస్పూన్ల ఆవ నూనెను ఒక టీస్పూన్ కొబ్బరి నూనెతో కలిపి, మిశ్రమాన్ని కాస్త వేడి చేయండి. తర్వాత తల చర్మంపై, జుట్టుపై రాసి, 10 నిమిషాల పాటు మసాజ్ చేయండి. ఒక గంట తర్వాత.. షాంపూతో తలస్నానం చేయండి. కొబ్బరి నూనె జుట్టును తేమగా ఉంచుతుంది. అంతే కాకుండా ఆవ నూనె జుట్టు కుదుళ్లను బలపరుస్తుంది. ఈ మిశ్రమాన్ని వారానికి ఒకసారి ఉపయోగించండి.

3. ఆవ నూనె, హెయిర్ మాస్క్‌లు:
ఆవ నూనెను ఇతర సహజ పదార్థాలతో కలిపి హెయిర్ మాస్క్‌గా ఉపయోగించవచ్చు. ఉదాహరణకు.. ఒక టీస్పూన్ ఆవ నూనె, ఒక గుడ్డు, రెండు టీస్పూన్ల పెరుగు , ఒక టీస్పూన్ తేనెను కలిపి మాస్క్ తయారు చేయండి. ఈ మిశ్రమాన్ని జుట్టు, తల చర్మంపై రాసి.. 30-40 నిమిషాలు ఉంచిన తర్వాత కడిగేయండి. ఈ మాస్క్ జుట్టుకు పోషణను అందిస్తుంది. అంతే కాకుండా జుట్టు రాలడాన్ని తగ్గిస్తుంది. దీనిని వారానికి ఒకసారి కూడా మీరు ఉపయోగించవచ్చు.

Also Read: చర్మ ఆరోగ్యానికి ఎండు ద్రాక్ష ఎలా ఉపయోగపడుతుందంటే ?

4. ఆవ నూనె, ఆయుర్వేద పదార్థాలు:
ఆయుర్వేదంలో ఆవ నూనెను మెంతులు, బ్రాహ్మి లేదా ఉసిరి పొడితో కలిపి ఉపయోగిస్తారు. ఒక టీస్పూన్ మెంతి పొడిని రెండు టీస్పూన్ల ఆవ నూనెతో కలిపి, మిశ్రమాన్ని తల చర్మంపై అప్లై చేయండి. 45 నిమిషాల తర్వాత తలస్నానం చేయండి. ఇది చుండ్రును తగ్గించి.. జుట్టు పెరుగుదలను ప్రోత్సహిస్తుంది.

Share

• 
• 
• 
• 
• 
•