Smartphone Usage India | ప్రపంచమంతా ఇప్పుడు ప్రజలు స్మార్ట్ ఫోన్ లేకుండా ఉండలేకపోతున్నారు. మరీ ముఖ్యంగా భారతీయులు అయితే ప్రతి దినం ఫోన్ లోనే ఎక్కువ గంటలు గడిపేస్తున్నారు. ఈ వివరాలన్నీ ఒక అధ్యయంన ద్వారా తెలిశాయి. తాజా అధ్యయనం ప్రకారం.. భారతదేశంలో సుమారు 1.2 బిలియన్ స్మార్ట్‌ఫోన్ యూజర్లు మరియు 950 మిలియన్ ఇంటర్నెట్ యూజర్లు ఉన్నారు. తక్కువ ధరలలో అందుబాటులో ఉండే మొబైల్ ఫోన్లు, ఇంటర్నెట్ ప్యాకేజీలు దేశంలో డిజిటలైజేషన్‌ను వేగంగా పెంచుతున్నాయి. అయితే, ఈ సౌకర్యాల కారణంగా చాలా మంది భారతీయులు స్మార్ట్‌ఫోన్లకు బానిసలై, గంటల తరబడి మీడియా దాపి వినియోగంలో నిమగ్నమైపోతున్నారని గణాంకాలు సూచిస్తున్నాయి.
గ్లోబల్ మేనేజ్‌మెంట్ సంస్థ EY తాజాగా నిర్వహించిన అధ్యయనం ప్రకారం, భారతీయులు మునుపెన్నడూ లేనంతగా స్మార్ట్‌ఫోన్లను వినియోగిస్తున్నారని వెల్లడైంది. ఈ పరిశోధన ప్రకారం, భారతీయులు రోజుకు 5 గంటలు సోషల్ నెట్‌వర్కింగ్, గేమింగ్, వీడియోలు చూడటం వంటి కార్యకలాపాల్లో గడుపుతున్నారు. ఇంటర్నెట్ అందుబాటు పెరగడం, డిజిటల్ యాక్సెస్ సులభతరం కావడం వల్ల మీడియా వినియోగం రూపాంతరం చెందుతోందని ఈ అధ్యయనం తెలియజేస్తోంది.
డిజిటల్ ప్లాట్‌ఫాంల విస్తరణ కారణంగా భారతదేశంలో మీడియా, ఎంటర్‌టైన్‌మెంట్ రంగంలో టీవీని దాటి డిజిటల్ మీడియా ముందంజలో ఉంది. 2024 నాటికి భారత డిజిటల్ మీడియా మార్కెట్.. రూ. 2.5 ట్రిలియన్ల (29.1 బిలియన్ డాలర్లు)కు చేరుకుంటుందని EY అధ్యయనం పేర్కొంది.
అంతేకాక, భారతీయులు రోజుకు తమ స్క్రీన్ టైమ్‌లో సుమారు 70 శాతం సమయం సోషల్ నెట్‌వర్కింగ్, వీడియోలు చూడటం, గేమింగ్ వంటి డిజిటల్ కార్యకలాపాలకు కేటాయిస్తున్నారని తేలింది. అంటే, రోజుకు దాదాపు 5 గంటల సమయాన్ని ఈ కార్యకలాపాలకు వెచ్చిస్తున్నారు.
ఈ పరిశోధన ప్రకారం.. భారతదేశం ప్రపంచంలోనే అతిపెద్ద డిజిటల్ మార్కెట్‌గా మారింది. 2024 నాటికి భారతీయులు 1.1 ట్రిలియన్ గంటలు డిజిటల్ మీడియా వినియోగం చేశారు. రోజువారీ మొబైల్ స్క్రీన్ టైమ్ పరంగా.. భారతదేశం బ్రెజిల్, ఇండోనేషియా తరువాత మూడవ స్థానంలో ఉంది.
ఇలాంటి పరిస్థితిలో.. ఎలాన్ మస్క్, ముఖేష్ అంబానీ వంటి బిలియనీర్లు, అమెజాన్, మెటా వంటి ఐటీ దిగ్గజాలు భారత డిజిటల్ మార్కెట్‌ను స్వాధీనం చేసుకోవడానికి తీవ్రమైన పోటీ పడుతున్నారు. ఎందుకంటే, భారతదేశంలో ఇంటర్నెట్ వాడే వారి సంఖ్య వేగంగా పెరుగుతోంది.
అయితే, డిజిటల్ మీడియా వినియోగం పెరుగుతుండగా, టీవీ, ప్రింట్, రేడియో వంటి సాంప్రదాయ మీడియా ఆదాయం, మార్కెట్ షేర్ రెండూ 2024 నాటికి తగ్గిపోయినట్లు ఈ అధ్యయనం తెలియజేస్తోంది. ఈ గణాంకాలు.. డిజిటల్ యుగంలో మీడియా ధోరణులలో గణనీయమైన మార్పులను సూచిస్తోంది.
మూడు రోజుల స్మార్ట్‌ఫోన్ పక్కన పెడితే ఆరోగ్యానికి మేలు
హైడెల్‌బెర్గ్ మరియు కొలోన్ యూనివర్సిటీ పరిశోధకులు స్మార్ట్‌ఫోన్ అధిక వినియోగంతో ఆరోగ్యంపై ఎలాంటి ప్రభావం ఉంటుందని అధ్యయనం చేశారు. 25 మంది యువకులను పరిశీలించి, మూడు రోజులపాటు స్మార్ట్‌ఫోన్ వాడకాన్ని తగ్గించడం వల్ల ఈ మార్పులు ఉన్నట్లు గమనించారు. MRI స్కాన్ల ద్వారా మెదడు కార్యకలాపాలను విశ్లేషించారు.
మెదడు రివార్డ్ సిస్టమ్‌లో మార్పు: ఫోన్ వాడకాన్ని తగ్గించడం వల్ల డోపమైన్ సమతుల్యంగా పనిచేసి ఒత్తిడి తగ్గుతుంది.
ఆసక్తులు, కోరికల నియంత్రణ: డిజిటల్ డిటాక్స్ ద్వారా మానసిక శాంతి పెరుగుతుంది.
మానసిక స్థితిలో మెరుగుదల: ఒత్తిడి, ఆందోళన స్థాయిలు తగ్గుతాయి.
ఏకాగ్రత, ప్రొడక్టివిటీ పెరగడం: పనుల్లో ఏకాగ్రత, సామర్థ్యం మెరుగవుతుంది.
అందువల్ల, మానసిక ఆరోగ్యం కోసం మూడు రోజులపాటు స్మార్ట్‌ఫోన్ వాడకాన్ని తగ్గించడం మంచిది అని నిపుణులు సూచిస్తున్నారు.
నిద్రలేమి తగ్గుతుంది – ఫోన్ వాడకం తగ్గించడం నిద్ర నాణ్యతను మెరుగుపరుస్తుంది.
మీకు ఒత్తిడి, నిద్రలేమి లేదా ఏకాగ్రత లోపం ఉంటే, వారానికి కనీసం 3 రోజులు ఫోన్ వాడకాన్ని తగ్గించి చూడండి. ఇది మీ మానసిక, శారీరక ఆరోగ్యానికి ఎంతో మేలు చేస్తుంది.
Also Read: స్నానం చేసే ముందు ఈ చిట్కాలు పాటిస్తే.. గ్లోయింగ్ స్కిన్
Share
Niziamabad Crime News: ఇల్లరికం వచ్చిన భర్తను చింపేసిన భార్య, ఎందుకంటే
Keerthy Suresh: నా మనసు ముక్కలైంది.. ఆవేదన వ్యక్తం చేస్తున్న మహానటి..!
