Iron Deficiency: మీలో ఈ లక్షణాలున్నాయా ? ఐరన్ లోపం కావొచ్చు !

Iron Deficiency: ఐరన్ అనేది మన శరీరానికి చాలా ముఖ్యమైన ఖనిజం. ఇది రక్తాన్ని ఉత్పత్తి చేయడానికి.. ఆక్సిజన్‌ను శరీరం అంతటా చేరవేయడానికి, అలాగే శక్తి ఉత్పత్తికి సహాయపడుతుంది. ఐరన్ లోపం ఉన్నప్పుడు.. శరీరం తగినంత ఆరోగ్యకరమైన ఎర్ర రక్త కణాలను ఉత్పత్తి చేయలేదు. దీని వల్ల కణజాలాలకు, అవయవాలకు ఆక్సిజన్ సరఫరా తగ్గిపోతుంది. ఇదిలా ఉంటే మహిళల్లో ఐరన్ లోపం సర్వసాధారణం. ఇది వివిధ కారణాల వల్ల వస్తుంది. ముఖ్యంగా ఋతుస్రావం (పీరియడ్స్) సమయంలో రక్తం కోల్పోవడం ఐరన్ లోపానికి ప్రధాన కారణం. ఇదిలా ఉంటే ఐరన్ లోపాన్ని ముందుగానే గుర్తించి కొన్ని రకాల జాగ్రత్తలు తీసుకోవడం చాలా ముఖ్యం. మహిళల్లో ఐరన్ లోపం వల్ల శరీరంలో కలిగే లక్షణాలను గురించి ఇప్పుడు తెలుసుకుందాం.

ఐరన్ లోపం యొక్క సాధారణ లక్షణాలు:
ఐరన్ లోపం ఉన్న చాలా మంది మహిళలు మొదట్లో ఎటువంటి లక్షణాలను గమనించకపోవచ్చు. అయితే.. లోపం తీవ్రతరం అవుతున్న కొద్దీ.. లక్షణాలు స్పష్టంగా కనిపిస్తాయి.

అలసట, బలహీనత: ఇది ఐరన్ లోపం యొక్క అత్యంత సాధారణ లక్షణం. ఏ పని చేయకపోయినా నిరంతరం అలసిపోయినట్లు అనిపించడం, చిన్న పనులకే నీరసం రావడం జరుగుతుంది.

పాలిపోయిన చర్మం: శరీరంలో రక్తం తక్కువగా ఉండటం వల్ల చర్మం పాలిపోయినట్లు, నిర్జీవంగా కనిపిస్తుంది. ముఖ్యంగా పెదవులు, కనురెప్పల లోపలి భాగం మరింత పాలిపోయి ఉంటాయి.

శ్వాస ఆడకపోవడం: శరీరంలోని కణజాలాలకు తగినంత ఆక్సిజన్ అందకపోవడం వల్ల శ్వాస తీసుకోవడంలో ఇబ్బంది కలగుతుంది. ముఖ్యంగా వ్యాయామం చేసేటప్పుడు లేదా చిన్న చిన్న పనులు చేసినా కూడా శ్వాస తీసుకోవడంలో ఇబ్బంది ఏర్పడుతుంది.

తలనొప్పి, మైకం:
మెదడుకు ఆక్సిజన్ సరఫరా తగ్గడం వల్ల తరచుగా తలనొప్పి, కళ్లు తిరగడం లేదా మైకంగా అనిపించవచ్చు.

గుండె దడ:
గుండె కణజాలాలకు ఆక్సిజన్ తక్కువగా అందడం వల్ల గుండె వేగంగా కొట్టుకోవడం లేదా గుండె దడ వంటివి అనుభవిస్తారు.

గోర్లు పెళుసుగా మారడం:
ఐరన్ లోపం వల్ల గోర్లు సులభంగా విరిగిపోవడం, పెళుసుగా మారడం లేదా స్పూన్ ఆకారంలో మారడం వంటివి జరగుతాయి.

జుట్టు రాలడం:
ఐరన్ లోపం జుట్టు ఆరోగ్యంపై ప్రభావం చూపుతుంది. దీని వల్ల జుట్టు సన్నబడి, ఎక్కువగా రాలిపోతుంది.

చల్లగా ఉండే చేతులు, పాదాలు:
రక్త ప్రసరణ సరిగా లేకపోవడం వల్ల చేతులు, పాదాలు నిరంతరం చల్లగా అనిపిస్తాయి.

వ్యాధి నిరోధక శక్తి తగ్గడం:
ఐరన్ లోపం రోగనిరోధక వ్యవస్థను బలహీన పరుస్తుంది. దీని వల్ల తరచుగా ఇన్ఫెక్షన్లు వచ్చే అవకాశం ఉంటుంది.

Also Read: బెస్ట్ ఆయిల్, ఇది వాడితే.. జన్మలో జుట్టు రాలదు

ఐరన్ లోపానికి కారణాలు:
పీరియడ్స్: మహిళల్లో పీరియడ్స్ ఐరన్ లోపానికి ప్రధాన కారణం.

గర్భం: గర్భధారణ సమయంలో.. తల్లి, శిశువు ఇద్దరికీ ఐరన్ ఎక్కువగా అవసరం ఉంటుంది. ఇది ఐరన్ లోపానికి దారితీస్తుంది.

ఆహారంలో ఐరన్ తక్కువగా తీసుకోవడం: ఐరన్ సమృద్ధిగా ఉండే మాంసం, పప్పుధాన్యాలు, ఆకుకూరలు వంటి వాటిని తగినంతగా తీసుకోకపోవడం.

ఐరన్ శోషణ సమస్యలు: కొన్ని జీర్ణ సమస్యలు శరీరంలో ఐరన్ శోషణను ప్రభావితం చేయవచ్చు.

రక్తస్రావం: అల్సర్లు, హెమరాయిడ్స్ లేదా ఇతర అంతర్గత రక్తస్రావం కూడా ఐరన్ లోపానికి దారితీయవచ్చు.

Share

• 
• 
• 
• 
• 
•