TG SET-2025: తెలంగాణలో అసిస్టెంట్ ప్రొఫెసర్, లెక్చరర్ ఉద్యోగాల అర్హత పరీక్ష స్టేట్ ఎలిజిబిలిటీ టెస్ట్ (TG SET-2025)కు నోటిఫికేషన్ బుధవారం విడుదలైంది. 2025 డిసెంబర్ రెండో వారంలో సెట్ పరీక్షలు నిర్వహించనున్నారు. కంప్యూటర్ బేస్డ్ టెస్ట్ (CBT) విధానంలో ఈ పరీక్షలు నిర్వహించనున్నారు. ఈ పరీక్షను రెండు పేపర్లుగా నిర్వహిస్తారు. పేపర్-1లో 50 ప్రశ్నలు, పేపర్-2లో 100 ప్రశ్నలు.. మొత్తం మార్కులు 300 ఉంటాయి. ప్రతి పేపర్ కు 3 గంటల సమయం కేటాయిస్తారు.
టీజీ సెట్-2025 ఉత్తీర్ణతకు.. పేపర్-1, పేపర్-2 రెండింటిలో ఉత్తీర్ణత సాధించాలి. సెట్ లో అర్హత సాధించిన అభ్యర్థులు అసిస్టెంట్, లెక్చరర్ పోస్టులకు అర్హులవుతారు. పేపర్-1లో సాధారణ బోధన, పరిశోధన అప్టిట్యూడ్, బోధనా నైపుణ్యాలు, తార్కిక విశ్లేషణ, కమ్యూనికేషన్ స్కిల్స్ వంటి వివిధ అంశాలు ఉంటాయి. పేపర్-2లో అభ్యర్థి సెలెక్ట్ చేసిన స్పెషలైజేషన్ లేదా సబ్జెక్ట్ ఆధారిత ప్రశ్నలు ఉంటాయి. దీంతో అభ్యర్థులు రెండు విధాలుగా ప్రిపేర్ అవ్వాలి.
TG SET-2025 ఆన్ లైన్ దరఖాస్తులు అక్టోబర్ 10 నుంచి అందుబాటులో ఉంటాయి. ఆన్ లైన్ అప్లికేషన్ కోసం అభ్యర్థులు తమ వివరాలను నమోదు చేసి, అవసరమైన డాక్యుమెంట్లు అప్లోడ్ చేయాలి. నిర్దేశించిన దరఖాస్తు ఫీజు చెల్లించాలి. టీజీ సెట్-2025 అధికారిక వెబ్సైట్ www.telanganaset.org లో అప్లై చేసుకోవాలి. సెట్ గురించి పూర్తి సమాచారం కోసం ఉస్మానియా యూనివర్సిటీ అధికారిక వెబ్ సైట్ www.osmania.ac.in ను సందర్శించవచ్చు.
Share
Jayammu Nischayammuraa: నాగ చైతన్య శోభిత మధ్య గొడవలు.. మాట్లాడడం లేదంటూ!
MSVPG : చాలా ఏళ్ల తర్వాత ఉదిత్ నారాయణ వాయిస్… మెగాస్టార్ పాటలో మ్యాజిక్ రిపీట్
