చికెన్, మటన్ లేదా చేపలు లాంటి నాన్ వెజ్ ఐటెమ్స్ ఇష్టంగా తినేవారికి కొరత లేదు. అయితే నాన్వెజ్ తిన్న వెంటనే కొన్ని ఆహారాలు తీసుకోవడం వల్ల కొందరిలో జీర్ణక్రియ ఇబ్బందులు కలగవచ్చు. అయినప్పటికీ కొన్ని జాగ్రత్తలు పాటిస్తే కడుపు సంబంధిత సమస్యలను తగ్గించుకోవచ్చు.
చికెన్ లేదా మాంసాహారం తిన్న వెంటనే పాలు, పెరుగు లేదా పెరుగుతో చేసిన పదార్థాలను తినకూడదు. కొన్ని సందర్భాల్లో ఇవి కడుపులో ఉబ్బరం, గ్యాస్ లేదా అసౌకర్యాన్ని కలిగించవచ్చు. అయితే దీనికి సంబంధించిన ప్రభావం ఆ వ్యక్తి ఆరోగ్యాన్ని బట్టి మారవచ్చు.
భోజనం చేసిన వెంటనే టీ లేదా కాఫీ తాగే అలవాటు చాలా మందికి ఉంటుంది. అయితే టీ, కాఫీల్లో ఉండే టానిన్స్, ఐరన్ శోషణను కొంతవరకు ప్రభావితం చేసే అవకాశం ఉంది. ముఖ్యంగా మాంసాహారం ద్వారా లభించే పోషకాలను శరీరం సరిగా ఉపయోగించుకోవాలంటే కొంత సమయం తర్వాత టీ లేదా కాఫీ తాగడం మంచిది.
వెంటనే స్వీట్స్ తినకండి
భోజనంలో నాన్వెజ్ తిన్న తర్వాత వెంటనే స్వీట్లు తినడం వల్ల కొందరిలో కడుపు బరువుగా అనిపించవచ్చు. జీర్ణక్రియ నెమ్మదిగా జరిగి ఉబ్బరం లేదా అసౌకర్యం కలిగే అవకాశం ఉంటుంది. అందుకే తీపి పదార్థాలను కొంత విరామం తర్వాత తీసుకోవడం మంచిది.
మాంసాహారం తర్వాత బంగాళాదుంపలు లేదా ఎక్కువగా స్టార్చ్ ఉండే రైస్ లాంటి ఆహారాలను వెంటనే తీసుకుంటే కొందరికి జీర్ణ సమస్యలు రావచ్చు. కడుపు నిండిన భావన ఎక్కువసేపు ఉండి అలసటగా కూడా అనిపించవచ్చు.
నాన్వెజ్ తిన్న వెంటనే కూల్ వాటర్, లేదా ఐస్క్రీమ్ తీసుకోవడం కొందరిలో జీర్ణక్రియను నెమ్మది చేస్తుంది. దీంతో కొవ్వు పదార్థాల జీర్ణం ఆలస్యమై కడుపులో అసౌకర్యం కలగవచ్చు.
నారింజ, నిమ్మ వంటి సిట్రస్ పండ్లు త్వరగా జీర్ణమవుతాయి. కానీ మాంసాహారం జీర్ణం కావడానికి ఎక్కువ సమయం పడుతుంది. ఈ తేడా వల్ల సున్నితమైన జీర్ణవ్యవస్థ ఉన్నవారిలో అసౌకర్యం కలిగే అవకాశం ఉంటుంది.
Also Read: త్వరగా సన్నబడాలని ప్రయత్నిస్తూ అందరూ చేసే తప్పులివే.. ఆరోగ్య సమస్యలు కొని తెచ్చుకుంటారు
ప్రతి ఒక్కరి వయస్సు, ఆరోగ్య పరిస్థితి, జీర్ణశక్తి వేర్వేరుగా ఉంటాయి. ఒకరికి ఇబ్బంది కలిగించే ఆహారం మరొకరికి సమస్య కాకపోవచ్చు. మీ శరీరం ఎలా స్పందిస్తుందో గమనించి ఆహారపు అలవాట్లను మార్చుకోవడం మంచిది. నిరంతర జీర్ణ సమస్యలు ఉంటే వైద్యుడిని సంప్రదించడం బెస్ట్.
Share
చేతిలో పుర్రె... 15 ఏళ్ల బాలిక మిస్సింగ్ తో మైండ్ బెండింగ్ మిస్టరీ థ్రిల్లర్
ఫాతిమా షేక్ హ్యాండ్ ఇస్తానని ముందుకు వచ్చినా హర్మన్ప్రీత్ ఇవ్వలేదు
