Dengue Symptoms: దేశంలో కొన్ని రోజులుగా వర్షాలు కురుస్తున్నాయి. పలు చోట్ల కురుస్తున్న భారీ వర్షాల కారణంగా డెంగ్యూ, టైఫాయిడ్, మలేరియా వంటి దోమల ద్వారా సంక్రమించే వ్యాధుల ప్రమాదం పెరుగుతుంది. అటువంటి పరిస్థితిలో చాలా జాగ్రత్తగా ఉండాలి. అయితే అసలు డెంగ్యూ గురించి కొన్ని ముఖ్యమైన విషయాలను తెలుసుకోవాల్సి ఉంది. ప్రపంచ ఆరోగ్య సంస్థ ప్రకారం డెంగ్యూ జ్వరాన్ని ఎముకలు విరిగిపోయే జ్వరం అని కూడా పిలుస్తారు. ఇది దోమల ద్వారా వ్యాపించే వైరల్ ఇన్ఫెక్షన్. ప్రస్తుతం, ప్రపంచ జనాభాలో దాదాపు సగం మంది డెంగ్యూ వంటి వైరస్ ప్రమాదంలో ఉన్నారు. ప్రతీ ఏటా 100–400 మిలియన్ల మందిలో ఈ ఇన్ఫెక్షన్లు సంభవిస్తున్నాయి.
డెంగ్యూ అంటే ఏమిటి?
డెంగ్యూ జ్వరం ఒక వైరల్ ఇన్ఫెక్షన్. ఇది దోమ కాటు ద్వారా వ్యాపిస్తుంది. ఇది వేడి మరియు తేమతో కూడిన వాతావరణంలో ఎక్కువగా సంభవిస్తుంది. వర్షాకాలంలో మరింత ఎక్కువగా సంభవిస్తుంది. ఇది ఏడిస్ ఈజిప్టి జాతికి చెందిన దోమలు కుట్టడం వల్ల డెంగ్యూ వ్యాపిస్తుంది. ఆశ్చర్యకరమైన విషయం ఏంటంటే.. ఈ దోమలు మురికిలో కాకుండా శుభ్రమైన ప్రదేశాల్లో వృద్ధి చెందుతాయట. ఈ దోమలు పగటిపూట చాలా చురుకుగా ఉంటాయి. ఉదయం మరియు సాయంత్రం పూట ఈ వ్యాధి వ్యాపించే అవకాశం ఉంటుంది. డెంగ్యూ జ్వరం పెరిగిన శరీర ఉష్ణోగ్రత, తీవ్రమైన తలనొప్పి, కళ్ళలో అసౌకర్యం, కీళ్ల మరియు కండరాల నొప్పి, చర్మంపై దద్దుర్లు, రక్తస్రావం వంటి లక్షణాలు ఉంటాయి.
డెంగ్యూ లక్షణాలు
డెంగ్యూ జ్వరం యొక్క లక్షణాలు దోమ కాటు తర్వాత నాలుగు నుండి 10 రోజుల తర్వాత కనిపిస్తాయి. మూడు నుండి ఏడు రోజుల వరకు ఉంటాయి. డెంగ్యూ సోకిన వారిలో తీవ్ర జ్వరం, తీవ్రమైన తలనొప్పి, వాంతి, చర్మంపై ఎర్రటి దద్దుర్లు, కంటి నొప్పి, కండరాలు, కీళ్ళు లేదా ఎముకలలో నొప్పి వంటి లక్షణాలతో జ్వరాన్ని కలిగిస్తుంది. ఇది దాదాపు 104 ° F వరకు చేరుకుంటుంది.
ఈ జాగ్రత్తలు పాటించండి
డెంగ్యూ వంటి హానికరమైన వైరస్ సోకకుండా ఉండాలంటే శుభ్రమైన మరియు వేడి నీరు త్రాగాలి. స్ట్రీట్ ఫుడ్ మరియు జంక్ ఫుడ్ వంటి వాటిని మానుకోండి. ఇంటి చుట్టూ నీరు చేరకుండా చూసుకోవాలి. పండ్లు మరియు కూరగాయలను జాగ్రత్తగా కడిగి వంట చేయాలి. ఎప్పటికప్పుడు చేతులు కడుక్కోవాలి. వర్షంలో తడవకుండా జాగ్రత్త తీసుకోవాలి. ఫుల్ స్లీవ్ దుస్తులు ధరించండి. నిద్రపోయేటప్పుడు దోమతెర వాడాలి.
Share
CM Revanth Meeting with Officials: వచ్చామా.. వెళ్లామా అన్నట్టు పనిచేస్తే కుదరదు: అధికారులకు సీఎం వార్నింగ్
Samantha: క్యాన్సర్ తో పోరాడుతున్న నటికి ధైర్యం చెప్పిన సామ్..
