Tips For Hair: విపరీతంగా జుట్టు రాలుతోందా ? ఇలా చేస్తే.. ప్రాబ్లమ్ సాల్వ్

Tips For Hair: శీతాకాలంలో పొడి గాలి, తలపై తేమ లేకపోవడం, హెయిర్ కేర్ లేకపోవడం కారణంగా జుట్టు రాలడం సమస్య పెరుగుతుంది. ఈ సమయంలో జుట్టు విషయంలో ప్రత్యేక శ్రద్ధ తీసుకోవాల్సిన అవసరం ఉంది. జుట్టు రాలడాన్ని నివారించడానికి, సరైన జుట్టు సంరక్షణ దినచర్యను అనుసరించడం చాలా ముఖ్యం. ఆహారంలో ప్రత్యేక శ్రద్ధ తీసుకోవడంతో పాటు, కొన్ని పోషకాలు అధికంగా ఉండే నూనెలు, హోం రెమెడీస్ ఉపయోగించడం ద్వారా జుట్టు రాలడాన్ని నివారించవచ్చు.

కొబ్బరి నూనె:
కొబ్బరి నూనె జుట్టుకు చాలా మేలు చేస్తుంది. ఇది జుట్టు రాలడాన్ని నిరోధిస్తుంది . అలాగే జుట్టు నిర్జీవంగా మారకుండా చేస్తుంది, ఎందుకంటే కొబ్బరి నూనెలో యాంటీ ఫంగల్ , యాంటీ బాక్టీరియల్ లక్షణాలు ఉంటాయి. అంతే కాకుండా విటమిన్ ఇ, విటమిన్ కె, ఐరన్ వంటి పోషకాలు ఉన్నాయి. ఇది జుట్టు మూలాలను బలపరుస్తుంది.

హెయిర్ మాస్క్ ఉపయోగించండి:
శీతాకాలంలో జుట్టుకు ఎక్కువ తేమ అవసరం. దీని కోసం మీరు ఇంట్లో తయారుచేసిన హెయిర్ మాస్క్‌ని ఉపయోగించవచ్చు. తేనె , నూనె, గుడ్డు , పెరుగు మిశ్రమాన్ని ఉపయోగించి మాస్క్ తయారు చేయవచ్చు. గుడ్డులో అధిక మొత్తంలో ప్రొటీన్ ఉంటుంది. ఇది నేరుగా జుట్టుకు ప్రొటీన్‌ను అందిస్తుంది. కోడిగుడ్డులోని తెల్లసొన జుట్టుకు బాగా సహాయపడుతుంది. ఇవి జుట్టుకు లోతైన తేమను అందిస్తాయి అంతే కాకుండా జుట్టును బలోపేతం చేస్తాయి.

ఉల్లిపాయ రసం ఉపయోగించండి:
ఉల్లిపాయ రసం జుట్టుకు చాలా ఉపయోగకరంగా ఉంటుంది. ఇందులో సల్ఫర్, యాంటీఆక్సిడెంట్లు పుష్కలంగా ఉంటాయి. ఇది జుట్టును బలోపేతం చేయడంలో సహాయపడుతుంది. అంతే కాకుండా జుట్టు రాలడాన్ని నివారిస్తుంది. జుట్టు ఒత్తుగా కూడా మారుతుంది. ఇందులో ఉండే సల్ఫర్ జుట్టు పెరుగుదలకు అవసరమైన కొల్లాజెన్ ఏర్పడటానికి సహాయపడుతుంది.

మెంతి గింజలు:
జుట్టు పల్చబడటం అనే సమస్యతో మీరు ఇబ్బంది పడుతుంటే, మెంతి గింజలను ఉపయోగించండి. దీని కోసం మీరు పసుపు మెంతి గింజలను రాత్రంతా నానబెట్టాలి. ఉదయాన్నే గ్రైండ్ చేసి పేస్ట్ లా చేసుకోవాలి. ఈ పేస్ట్‌ను జుట్టుకు పట్టించి అరగంట సేపు ఉంచి తర్వాత నీటితో శుభ్రం చేసుకోవాలి. ఇలా కొన్ని రోజులు క్రమం తప్పకుండా చేస్తే దాని ప్రభావం మీకే కనిపిస్తుంది. మెంతికూరలో ఉండే పోషకాలు జుట్టుకు పోషణను అందిస్తాయి.

గుడ్లు ఉపయోగించండి:
మీ జుట్టుకు గుడ్డును ఉపయోగించడం ప్రారంభించండి. ఇందులో ఉండే ప్రొటీన్లు, పోషకాలు జుట్టు ఆకృతిని బలోపేతం చేయడంలో సహాయపడతాయి. దీని కోసం మీరు వారానికి రెండుసార్లు గుడ్డును 20 నిమిషాలు అప్లై చేయాలి. మీరు కొన్ని రోజుల్లో దీని ప్రభావాలను చూడటం ప్రారంభిస్తారు.

కలబందను జుట్టుకు పట్టించండి:
కలబందను అప్లై చేయడం ద్వారా జుట్టు ఒత్తుగా తయారవుతుంది. దీని కోసం మీరు వేళ్ల సహాయంతో తలకు అలోవెరా జెల్‌ను అప్లై చేయాలి. సుమారు 30 నిమిషాల తర్వాత నీటితో కడగాలి. మీరు ఈ పనిని వారానికి రెండుసార్లు చేయాల్సి ఉంటుంది. ఇలా చేయడం వల్ల మంచి ఫలితం ఉంటుంది.

ఉసిరి, నిమ్మరసం:
మీరు ఉసిరి, నిమ్మకాయను పేస్ట్ రూపంలో తయారు చేసి మీ జుట్టుకు పట్టించవచ్చు. ఇందులో ఉండే విటమిన్ సి వంటి అనేక పోషకాలు జుట్టుకు పోషణను అందిస్తాయి. ఈ పేస్ట్‌ని జుట్టుకు పట్టించి ఆరిపోయే వరకు కాసేపు అలాగే ఉంచి తర్వాత నీళ్లతో కడిగేయాలి.

Also Read:  జుట్టు రాలడాన్ని పూర్తిగా తగ్గించే హెయిర్ సీరం ఇదే !

కొబ్బరి, కరివేపాకు
కొబ్బరి, కరివేపాకుతో జుట్టు ఒత్తుగా తయారవుతుంది. ఇందుకోసం కొబ్బరినూనెలో కొన్ని కరివేపాకులను మిక్స్ చేసి వేడి చేయాలి. కరివేపాకు నల్లగా మారే వరకు ఉడికించి, చల్లారాక తలకు పట్టించాలి. కొబ్బరి , కరివేపాకుతో చేసిన నూనెను వారానికి 2 నుండి 3 సార్లు రాయండి.

Share

• 
• 
• 
• 
• 
•