Mirai vs Kishkindhapuri: గత వారం రెండు సినిమాలు రిలీజ్ అయ్యాయి. అవి కిష్కంధపురి, మిరాయ్. మొదట్లో కిష్కంధపురికి మిక్సిడ్ టాక్ వచ్చింది. ఇక మిరాయ్కి క్లీన్ పాజిటివ్ టాక్ వచ్చింది. ఫస్ట్ షోతో ఈ సినిమా హిట్ టాక్ తెచ్చుకుంది. దీంతో ఆడియన్స్ అంతా మిరాయ్ వైపే చూశారు. కానీ, సడన్గా ఆడియన్స్ యూటర్స్ తీసుకుని కిష్కంధపురికి మూవీ వైపు తిరిగారు. దీంతో బాక్సాఫీసు మిరాయ్ వర్సెస్ కిష్కింధపురి అన్నట్టు ఉంది పరిస్థితి. అయితే ఈ వీకెండ్ ఈ రెండు సినిమాలకు చాలా ఇంపార్టెంట్. ఎందుకంటే, రాబోయే వారం ఓజీ వస్తుంది. ఓజీ వచ్చిందంటే… అన్నీ సినిమాలకు ఫుల్స్టాప్ పడినట్టే. మరి ఈ వీకెండ్ ఈ రెండు సినిమాల పరిస్థితి ఏంటి అనేది ఓ లుక్కేయండి!
మిరాయ్ చిత్రానికి డే 1 నుంచి క్లీన్ పాజిటివ్ టాక్ వచ్చింది. ముఖ్యంగా చాలా తక్కువ బడ్జెట్తో హై గ్రాఫిక్స్ ఉన్న మూవీని తీశారు అని క్రిటిక్స్ అందరూ సినిమాను పొగిడేశారు. దీంతో ఆడియన్స్ ఈ సినిమా కోసం థియేటర్స్కు క్యూ కట్టారు. ఫలితంగా మంచి కలెక్షన్స్ రాబట్టింది. నిర్మాతలు పీపుల్ మీడియా ఫ్యాక్టరీ చాలా రోజుల తర్వాత, చాలా డిజాస్టర్లు అందుకున్న తర్వాత ఈ సినిమాతో క్లీన్ హిట్ దొరికింది. అందరూ హ్యాపీనే. డైరెక్టర్ కార్తిక్ ఘట్టమనేని, హీరో తేజ సజ్జకు కాస్ట్లీ కారు కూడా గిఫ్ట్ ఇస్తా అని మాటిచ్చాడు నిర్మాత టీజీ విశ్వ ప్రసాద్.
అయితే ఈ మూవీ ఎప్పుడు ఏం చేయాలన్నా… ఈ రెండు రోజులు మాత్రమే. ఈ రోజు, రేపటితో మిరాయ్ థియేట్రికల్ రన్ దాదాపు క్లోజ్ అయినట్టే. ఎందుకంటే అక్కడ వచ్చేది ఓజీ. థియేటర్స్ అన్నీ ఆ మూవీనే ఆక్యూపై చేసుకుంటుంది. అయితే ఈ మూవీకి కిష్కంధపురి టఫ్ ఫైట్ ఇవ్వొచ్చు. ఎందుకంటే.. ఇప్పుడు ఈ సినిమాకు కూడా ఆడియన్స్ ఇంట్రెస్ట్ చూపిస్తున్నారు. కిష్కంధపురి సినిమాకు డే 1 ఇలాంటి టాక్ లేదు. మిక్సిడ్ టాక్ వచ్చింది. కానీ, ఈ మధ్య మెగాస్టార్ చిరంజీవితో పాటు చాలా మంది ఈ సినిమాపై సోషల్ మీడియాలో పోస్ట్ పెట్టారు. మెగాస్టార్ చిరంజీవి ఓ వీడియో కూడా రిలీజ్ చేశారు.
దానికి కిష్కంధపురి మూవీ టీం వాళ్లు ఏకంగా ఇది బాస్ సర్టిఫికేట్ ఇచ్చిన మూవీ అంటూ ప్రచారం చేసుకున్నారు. బాస్ సర్టిఫికేట్ ఇచ్చిన మూవీ ఇది అంటూ చేసిన ప్రచారం కిష్కంధపురికి బాగా కలిసొచ్చింది. దీని తర్వాతే ఆడియన్స్ ఈ సినిమా కోసం థియేటర్స్ బాట పట్టారు. ఈ సినిమా ఇప్పటికే బ్రేక్ ఈవెన్ కొట్టేసింది. పైగా కొన్ని ఏరియాల్లో నుంచి లాభాలు కూడా వస్తున్నాయి. ఇప్పుడు మిరాయ్తో కిష్కింధపురి పోటీగా ఉంది. ఇప్పటికే గుంటూరు లాంటి కొన్ని ఏరియాల్లో మిరాయ్ కంటే కిష్కింధపురి మూవీకే ఎక్కువ కలెక్షన్లు వచ్చాయి. ఇప్పుడు ఈ రెండు రోజుల్లో ఎవరికి ఎక్కువ కలెక్షన్లు వస్తాయో చూడాలి.
Share
Tirumala: తిరుమల పరకామణిలో రూ.100 కోట్ల స్కామ్.. టీటీడీ బోర్డు సభ్యుడు సంచలన ఆరోపణలు
Rail Neer: గుడ్ న్యూస్.. రైల్ నీర్ బాటిల్ ధరలు తగ్గుతున్నాయ్, ఇకపై ఎంతంటే?
