Director Maruthi: ది రాజా సాబ్ తరువాత మళ్లీ సంక్రాంతికి మారుతి కొత్త సినిమా..హీరో ఎవరంటే..!

Director Maruthi: టాలీవుడ్ దర్శకుడు మారుతి తదుపరి సినిమా గురించి ప్రస్తుతం మంచి చర్చ జరుగుతోంది. ‘రాజాసాబ్’ సినిమా తర్వాత ఆయన ఏ ప్రాజెక్ట్ చేయబోతున్నారు అన్నది అందరికీ ఆసక్తిగా మారింది. ఆ సినిమా ఆశించిన ఫలితం ఇవ్వకపోవడంతో, ఈసారి తప్పకుండా హిట్ కొట్టాలని మారుతి నిర్ణయించుకున్నట్లు తెలుస్తోంది.

హీరో ఎవరంటే..!

ఇప్పటికే మారుతి ఒక కొత్త కథను సిద్ధం చేసుకున్నారని సమాచారం. ఈ సినిమాను మైత్రీ మూవీ మేకర్స్ నిర్మించనుంది. అయితే ఈ ప్రాజెక్ట్ కోసం సరైన హీరోను ఎంపిక చేయడం ఇప్పటికీ పూర్తిగా ఫైనల్ కాలేదు. అందుకే పలువురు యువ హీరోలతో చర్చలు జరుగుతున్నాయి.

మొదట ఈ కథను వరుణ్ తేజ్‌కు వినిపించినట్టు వార్తలు వచ్చాయి. ఆ తర్వాత రామ్ పేరు కూడా వినిపించింది. సాయి ధరమ్ తేజ్‌తో కూడా సంప్రదింపులు జరిగినట్లు తెలుస్తోంది. అయితే ప్రస్తుతం వైష్ణవ్ తేజ్ పేరు బలంగా వినిపిస్తోంది. ఆయనతో ఈ ప్రాజెక్ట్ ముందుకు వెళ్లే అవకాశాలు ఉన్నాయని టాలీవుడ్ వర్గాలు చెబుతున్నాయి.

వైష్ణవ్ తేజ్ ఇటీవల తన సినిమాల విషయంలో చాలా జాగ్రత్తగా నిర్ణయాలు తీసుకుంటున్నాడు. వరుస పరాజయాల కారణంగా, ఈసారి మంచి కథను మాత్రమే ఎంచుకోవాలని భావిస్తున్నాడు. అందుకే ఇప్పటివరకు చాలా కథలు విన్నప్పటికీ ఏదీ ఫైనల్ చేయలేదు. కానీ మారుతి చెప్పిన కథ మాత్రం ఆయనకు నచ్చినట్టు తెలుస్తోంది.

మారుతి లాంటి కమర్షియల్ దర్శకుడితో పని చేయడం వైష్ణవ్ తేజ్‌కు మంచి అవకాశం అవుతుంది. అయితే మారుతి ఇంకా మరికొంత మంది హీరోలను పరిశీలిస్తున్నట్టు సమాచారం. సరైన హీరో దొరకకపోతే వైష్ణవ్‌తోనే సినిమా ప్రారంభమయ్యే అవకాశముంది.

ఈ సినిమాను 2027 సంక్రాంతి సందర్భంగా విడుదల చేయాలని ప్లాన్ చేస్తున్నారు. ‘హ్యాపీ పొంగల్’ అనే టైటిల్ కూడా ఇప్పటికే రిజిస్టర్ చేసినట్లు తెలుస్తోంది. మొత్తం మీద ఈ ప్రాజెక్ట్ పై ఆసక్తి రోజురోజుకీ పెరుగుతోంది.

ALSO READ: Venky Atluri: ‘విశ్వనాథ్ అండ్ సన్స్’ సెట్లోకి చిరుతపులి.. షాకింగ్ విషయం చెప్పిన డైరెక్టర్