Mahesh Babu Vs Rajamouli: కొట్టుకుంటున్న మహేశ్ – రాజమౌళి.. కౌంటర్ ఇచ్చిన ఆర్జీవి!

Mahesh Babu Vs Rajamouli: టెక్నాలజీ పెరిగే కొద్దీ వినోదంతో పాటు వింతలు కూడా పెరుగుతున్నాయి. తాజాగా సూపర్ స్టార్ మహేశ్ బాబు (Maheshbabu), దర్శకధీరుడు రాజమౌళి (Rajamouli) ఒకరి కాలర్ ఒకరు పట్టుకుని గొడవపడుతున్నట్లు ఉన్న ఒక ఏఐ వీడియో ఇంటర్నెట్‌ను ఊపేస్తోంది. అది అచ్చం నిజంగానే వారు కొట్టుకుంటున్నారా? అన్నంత సహజంగా ఉండటంతో నెటిజన్లు షాక్ అవుతున్నారు. ఈ వీడియోపై వివాదాస్పద దర్శకుడు రామ్ గోపాల్ వర్మ తనదైన శైలిలో స్పందిస్తూ “సినిమా చనిపోయింది” (Cinema is Dead) అని ట్వీట్ చేయడం ఇప్పుడు టాలీవుడ్‌లో హాట్ టాపిక్‌గా మారింది.

నిజమా? ఏఐ మాయా? అంతా అయోమయం:

ప్రస్తుతం మహేశ్ బాబు, రాజమౌళి కాంబినేషన్లో ‘వారణాసి’ అనే భారీ అడ్వెంచర్ సినిమా తెరకెక్కుతోంది. షూటింగ్ పనుల్లో బిజీగా ఉన్న వీరిద్దరిపై ఎవరో ఆకతాయిలు ఆర్టిఫిషియల్ ఇంటెలిజెన్స్ (AI) సాయంతో ఒక ఫైటింగ్ వీడియోను సృష్టించారు. ఇందులో వారిద్దరూ వీధి రౌడీల్లా గొడవపడుతుండటం చూసి అభిమానులు తొలుత ఆందోళన చెందారు. అయితే అది కేవలం టెక్నాలజీ సృష్టించిన మాయ అని తెలియడంతో అంతా ఊపిరి పీల్చుకున్నారు. ఈ వీడియో ఏ స్థాయి క్వాలిటీతో ఉందంటే, ఏది నిజమో ఏది అబద్ధమో కనిపెట్టడం కష్టంగా మారింది.

సినిమా చనిపోయింది’ అంటూ సెన్సేషన్:

ఈ వీడియోను తన ఎక్స్ ఖాతాలో షేర్ చేసిన రామ్ గోపాల్ వర్మ (Ram Gopal Varma) భవిష్యత్తులో సినిమా రంగం ఎదుర్కోబోయే ముప్పును పరోక్షంగా హెచ్చరించారు. “సినిమా ఈజ్ డెడ్” అని ఆయన వ్యాఖ్యానించడం వెనుక పెద్ద అర్థమే ఉంది. ఏఐ సాంకేతికతతో నటులు, దర్శకులు ప్రత్యక్షంగా అవసరం లేకుండానే ఏదైనా సృష్టించవచ్చనే భయం టెక్ ప్రపంచంలో ఉంది. వర్మ చేసిన ఈ పోస్ట్ ఇప్పుడు సినీ వర్గాల్లో చర్చకు దారితీసింది. టెక్నాలజీ ఇలాగే పెరిగితే ఇక నటుల అసలు అవసరం ఏముంటుందనే ప్రశ్నను ఆయన లేవనెత్తారు.

also read:Allu Sirish – Nayanika Reddy: అల్లు శిరీష్ కి కట్నం కింద అన్ని కోట్లు ఇస్తున్నారా.. అల్లు గారు భారీగా పట్టారే!

‘వారణాసి’ అప్‌డేట్స్.. షూటింగ్ లో బిజీగా జక్కన్న:

మరోవైపు, రాజమౌళి ఈ పుకార్లను ఏమాత్రం పట్టించుకోకుండా ‘వారణాసి’ సినిమాను అద్భుతంగా తీర్చిదిద్దే పనిలో ఉన్నారు. ఇప్పటికే 50 శాతం షూటింగ్ పూర్తయినట్లు సమాచారం. మహేశ్ బాబు ఈ సినిమా కోసం తన లుక్‌ను పూర్తిగా మార్చేసి, లాంగ్ హెయిర్ మరియు రఫ్ గెడ్డంతో కనిపిస్తున్నారు. ప్రియాంక చోప్రా, పృథ్వీరాజ్ సుకుమారన్ వంటి స్టార్స్ నటిస్తున్న ఈ సినిమా 2027 సమ్మర్ లో విడుదల కానుంది. ఈ గొడవ వీడియోలు కేవలం సోషల్ మీడియా కాలక్షేపానికే తప్ప, వారిద్దరి మధ్య అనుబంధం ఎంతో బలంగా ఉందని చిత్ర యూనిట్ చెబుతోంది.