OG Movie: ఓజి సినిమాపై మెగాస్టార్ రివ్యూ… హాలీవుడ్ కు ఏమాత్రం తగ్గలేదంటూ!

OG Movie: పవన్ కళ్యాణ్(Pawan Kalyan) హీరోగా సుజీత్(Sujeeth) దర్శకత్వంలో తెరకెక్కిన చిత్రం ఓజి(OG). ఈ సినిమా ఎన్నో అంచనాల నడుమ సెప్టెంబర్ 25వ తేదీ ప్రేక్షకుల ముందుకు వచ్చి మంచి పాజిటివ్ టాక్ సొంతం చేసుకున్న సంగతి తెలిసిందే. ఇక ఈ సినిమాకు అన్ని చోట్ల ఇదే ఆదరణ రావడంతో భారీ స్థాయిలో కలెక్షన్లను కూడా రాబడుతుంది. ఇక ఈ సినిమాని తాజాగా మెగా కుటుంబ సభ్యులందరూ కలిసి ప్రసాద్ ల్యాబ్ లో చూసిన సంగతి తెలిసిందే. ఈ సినిమా విడుదలైన సమయంలో మెగాస్టార్ చిరంజీవి(Chiranjeevi) విదేశాలలో ఉన్న నేపథ్యంలో సినిమా చూడలేకపోయారు. ఈయన ఇండియా వచ్చిన వెంటనే తన కుటుంబ సభ్యులందరితో కలిసి ఈ సినిమాని వీక్షించారు.

ప్రతి అంశాన్ని ఆస్వాదించాను..

ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. ఇక ఓజి సినిమా చూసిన చిరంజీవి ఈ సినిమా పట్ల తన అభిప్రాయాన్ని సోషల్ మీడియా వేదికగా షేర్ చేస్తూ చేసిన ట్వీట్ ప్రస్తుతం వైరల్ అవుతుంది. ఈ సందర్భంగా చిరు ట్వీట్ చేస్తూ.. ఓజీ సినిమాని నా కుటుంబ సభ్యులందరితో కలిసి చూశాను. ఈ సినిమా చూస్తున్న సమయంలో ప్రతి అంశాన్ని కూడా తాను పూర్తిగా ఆస్వాదించానని తెలిపారు. హాలీవుడ్ ప్రమాణాలకు అనుగుణంగా అద్భుతంగా నిర్మించిన అండర్ వరల్డ్ గ్యాంగ్ స్టర్ చిత్రం. ఈ సినిమా ప్రారంభం నుంచి చివరి వరకు దర్శకుడు సుజిత్ అసాధారణ రీతిలో రూపొందించారు. అందుకు ఆయనకు ప్రత్యేకంగా అభినందనలను తెలియజేశారు.

కళ్యాణ్ బాబును చూస్తుంటే గర్వంగా ఉంది..

ఇక హీరో పవన్ కళ్యాణ్ గురించి కూడా చిరంజీవి ప్రత్యేకంగా ప్రస్తావిస్తూ.. కళ్యాణ్ బాబును తెరపై ఇలా చూడటం చాలా గర్వంగా అనిపించింది. అతను తన గొప్పతనంతో ఈ సినిమాను మరింత ప్రత్యేకంగా నిలబెట్టాడు. ఈ సినిమా ద్వారా ఆయన అభిమానులకు సరైన విందు భోజనాన్ని అందించాడని పవన్ కళ్యాణ్ పై చిరంజీవి ప్రశంసలు కురిపించారు. ఇక మ్యూజిక్ డైరెక్టర్ తమన్ గురించి కూడా ఈ సందర్భంగా చిరంజీవి ప్రస్తావిస్తూ…

Watched #TheyCallHimOG with my whole family and thoroughly enjoyed every bit of it. A brilliantly made underworld gangster film on par with Hollywood standards, while keeping the right emotions intact.

From beginning to end, the director conceived the film in an extraordinary… pic.twitter.com/jTWIlon5c8

— Chiranjeevi Konidela (@KChiruTweets) September 30, 2025

తమన్ ఈ సినిమా కోసం ఎంతో మనసుపెట్టి చేశారు. అలాగే డిఓపి రవికే శంకర్ అద్భుతమైన విజువల్స్ అందించారని ఎడిటింగ్ అండ్ ఆర్ట్ వర్క్ కూడా చాలా అద్భుతంగా ఉన్నాయని కొనియాడారు. ఈ సినిమా విషయంలో ప్రతి ఒక్కరూ ఎంతో కృషి చేస్తూ అద్భుతమైన సినిమాని అందించారని, నిర్మాత దానయ్య అలాగే ఇతర చిత్ర బృందానికి మెగాస్టార్ అభినందనలు తెలియజేస్తూ చేసిన ఈ ట్వీట్ ప్రస్తుతం వైరల్ అవుతుంది. ఇలా మెగాస్టార్ నుంచి ఓజి సినిమాకు ఈ విధమైనటువంటి స్పందన రావడంతో మెగా అభిమానులు ఎంతో సంతోషం వ్యక్తం చేస్తున్నారు. ఇక ఈ సినిమాని పవన్ కళ్యాణ్, చిరంజీవి, రామ్ చరణ్(Ram Charan) తో పాటు వీరి కుటుంబ సభ్యులందరూ కూడా కలిసి వీక్షించారు. అప్పుడెప్పుడో మగధీర సమయంలో చిరంజీవి రామ్ చరణ్ పవన్ కళ్యాణ్ ముగ్గురు కలిసి సినిమాని చూశారు. మరి ఇన్ని సంవత్సరాలకు ఓజీ సినిమా కోసం ఈ ముగ్గురు స్టార్స్ కలిసి సినిమాని చూడటంతో ఎంతో ప్రత్యేకంగా మారింది. ఇక ఈ సినిమా మంచి సక్సెస్ కావడంతో సీక్వెల్ సినిమాపై కూడా భారీ స్థాయిలో అంచనాలు ఏర్పడ్డాయి.

Also Read: I Bomma : పైరసీ సైట్ ఐబొమ్మకు ఇక మూడినట్టే… నలుగురు అరెస్ట్