Winter Movie: క్రిసెంట్ సినిమాస్, టీఎస్ఆర్ మేకర్స్ సంయుక్తంగా నిర్మిస్తున్న నూతన చిత్రం ‘వింటర్’. రామ్, ఆదిత్య సూరజ్ సింగ్, కుసుమ చందక ప్రధాన పాత్రల్లో నటిస్తున్న ఈ సినిమా పూజా కార్యక్రమాలతో ఇటీవల ఘనంగా ప్రారంభమైంది. విభిన్న కథాంశంతో, వాస్తవ సంఘటనల నేపథ్యంలో తెరకెక్కుతున్న ఈ చిత్రం ప్రస్తుతం ఇండస్ట్రీలో ఆసక్తిని రేకెత్తిస్తోంది.
Read also-ENE 2: ఈ నగరానికి ఏమైంది?2 నుండి తప్పుకున్న సుశాంత్.. ఇప్పుడు ఏం చేస్తున్నారో తెలుసా?
ఈ సినిమాకు ఉన్న ప్రధాన ఆకర్షణ దీని కథా నేపథ్యం. కశ్మీర్లో జరిగిన కొన్ని యధార్థ సంఘటనల ఆధారంగా ఈ చిత్రాన్ని రూపొందిస్తున్నారు. ప్రకృతి ఒడిలో జరిగే మనుషుల సంఘర్షణను, అక్కడి పరిస్థితులను కళ్లకు కట్టినట్లు చూపించే ప్రయత్నం దర్శకుడు సురేష్ లంకలపల్లి చేస్తున్నారు. గతంలో ‘రాచరికం’ సినిమాతో విమర్శకుల ప్రశంసలు అందుకున్న ఆయన, ఈ ‘వింటర్’ మూవీని మరింత పకడ్బందీగా, హృదయానికి హత్తుకునేలా తెరకెక్కిస్తున్నారు.
ఈ చిత్రంలో రామ్, ఆదిత్య సూరజ్ సింగ్ కథానాయకులుగా నటిస్తుండగా.. కుసుమ చందక, శశికళ, శ్రీజిత ఘోష్ ముఖ్య పాత్రల్లో కనిపించనున్నారు. విశేషమేమిటంటే, ఈ సినిమా ద్వారా రిజ్వాన్ అలీ విలన్గా వెండితెరపైకి అరంగేట్రం చేస్తున్నారు. చిత్ర ప్రారంభోత్సవ వేడుకలో పాల్గొన్న చిత్ర యూనిట్, కథపై తమకున్న నమ్మకాన్ని వ్యక్తం చేశారు. షూటింగ్ సజావుగా సాగాలని, సినిమా ఘనవిజయం సాధించాలని కోరుకుంటూ చిత్రబృందం ప్రత్యేక పూజలు నిర్వహించింది.
రియాజ్ అహ్మద్, టి. శ్రీనివాసరావు ఈ చిత్రాన్ని ప్రతిష్టాత్మకంగా నిర్మిస్తున్నారు. భారీ బడ్జెట్తో, ఎక్కడా రాజీ పడకుండా క్వాలిటీతో సినిమాను ప్రేక్షకుల ముందుకు తీసుకురావాలనే పట్టుదలతో నిర్మాతలు ఉన్నారు. త్వరలోనే ఈ చిత్రానికి సంబంధించి ఇతర సాంకేతిక నిపుణుల వివరాలను మరియు పూర్తి స్థాయి నటీనటుల జాబితాను అధికారికంగా ప్రకటించనున్నారు.
Share
Jharkhand Horror: చిచ్చు అక్కడే మొదలైంది.. హైకోర్టు లాయర్ ఫ్యామిలీ ఆత్మహత్యాయత్నం!
Formula 1 Race: భారత్లో ఫార్ములా వన్ రేస్.. కేంద్రం ప్రయత్నాలు మొదలు, ఈసారి ఎక్కడంటే
