Pune : విడాకుల కేసు.. మూడేళ్లు ఆపిన చిలుక.. ఆ తర్వాత..?

Pune : మహారాష్ట్రలోని పుణెలో ఓ అందమైన ఆఫ్రికన్‌ గ్రే చిలుక భార్యాభర్తల విడాకుల కేసును మూడేళ్లు నడిపింది. 2019లో ఓ జంటకి పెళ్లయింది. కొద్దిరోజులు గడిచాక వారి ఇద్దరి మధ్య మనస్పర్థలు వచ్చాయి. విడాకులు తీసుకోవాలని నిర్ణయించుకున్నారు. పుణెలోని ఫ్యామిలీ కోర్టులో తమకు విడాకులు మంజూరు చేయ్యాలని దరఖాస్తు చేసుకున్నారు.

తొలుత ఆ జంటకు కౌన్సెలింగ్ ఇచ్చారు. అయినప్పటీకీ ఇద్దరూ విడాకులు తీసుకోవాడానికి సిద్ధపడ్డారు. ఇంతలో వీరి ఇద్దరు మధ్య మరో సమస్య వచ్చిపడింది. పెళ్లికి ముందు తాను కానుకగా ఇచ్చిన ఆఫ్రికన్‌ గ్రే చిలుకను తిరిగి ఇస్తేనే విడాకులకు అంగీకరిస్తానని లేదంటే విడాకులు ఇవ్వవనని భర్త షరతు పెట్టాడు. దీంతో చిలుకను వెనక్కు ఇచ్చేందుకు ఆమె ససేమిరా అంది. దీంతో దాదాపు మూడేళ్లు ఈ విడాకుల కేసు కొనసాగింది. చివరకు ఆఫ్రికన్‌ చిలుకను తిరిగి ఇచ్చేందుకు ఆమె అంగీకరించడంతో భర్త విడాకులు ఇవ్వడానికి సిద్ధపడ్డాడు. దీంతో కోర్టు వారిద్దరికి విడాకులు మంజూరు చేసింది.

Join WhatsApp Channel

Share

• 
• 
• 
• 
• 
•