Mukesh Ambani: దిగ్గజ వ్యాపారవేత్త ముఖేష్ అంబానీ ఇంట్లో పెళ్లి సందడి మొదలైంది. గురువారం ఆయన చిన్న కుమారుడు అనిల్ అంబానీ, రాధికా మర్చంట్‌ల నిశ్చితార్థం ఘనంగా జరిగింది. ముంబైలోని కంబన్ హిల్ ప్రాంతంలో ఉన్న అంటాలియాలో ఈ వేడుక వైభవంగా జరిగింది. ఇరుకుటుంబాలకు చెందిన బంధువులు, స్నేహితులు, బాలీవుడ్ తారల ఈ వేడుకకు హాజరయ్యారు.
గుజరాతీ, హిందూ సంప్రదాయాల్లో ఈ వేడుకను నిర్వహించారు. మొదట శ్రీకృష్ణ మండపంలో అనిల్ అంబానీ, రాధిక మర్చంట్ ఇరువురు కుటుంబ సభ్యుల ఆశీర్వాదం తీసుకున్నారు. అనంతరం నిశ్చితార్థ వేదికపైకి వచ్చి గణపతి పూజలో పాల్గొన్నారు. గుజరాతీ సంప్రదాయాలైన గోల్‌ధన, చునారి విధి కార్యక్రమాలను నిర్వహించారు. ఆ తర్వాత తమకు కాబోయే కోడలిని తమ కుటుంబంలోకి ఆహ్వానిస్తూ అంబానీ కుటుంబ సభ్యులు డ్యాన్స్ చేశారు. అంబానీల పెంపుడు కుక్క ఎంగేజ్‌మెంట్ రింగులను తీసుకొని రాగా.. కుటుంబ సభ్యుల సమక్షంలో అనంత్, రాధిక ఉంగరాలు మార్చుకున్నారు.
కాగా, కొద్దిరోజులుగా అంబానీ ఇంట్లో సంతోషాలు వెల్లివిరిస్తున్నాయి. ఇటీవల ఆయన కుమార్తె ఇషా అంబానీ తల్లి అయ్యారు. ఇద్దరు కవల పిల్లలకు జన్మనిచ్చారు. అంతకంటే ముందు పెద్ద కుమారుడు ఆకాశ్ అంబానీ, శ్లోకా దంపతులు బాబుకు జన్మనిచ్చారు. ఇక మరికొన్ని నెలల్లో అనిల్ అంబానీ, రాధికా మర్చంట్‌ల వివాహం జరగనుంది.
Share
AP: జగన్ కు షాక్.. జీవో నెం.1పై సుప్రీంలో చుక్కెదురు..
Air India: మహిళపై మూత్ర విసర్జన.. ఎయిరిండియాకు 30 లక్షల జరిమానా
