Modi – Putin: ప్రోటోకాల్ బ్రేక్ చేసి మరీ.. పుతిన్‌కు ప్రధాని మోదీ ఆలింగనం

Modi – Putin: రష్యా అధ్యక్షుడు వ్లాదిమిర్ పుతిన్ భారతదేశానికి చేరుకున్నారు. దిల్లీ శివార్లలో ఉన్న పాలం ఎయిర్‌ పోర్టులో దిగిన ఆయనకు ప్రధాని నరేంద్ర మోదీ ఘన స్వాగతం పలికారు. మోదీ తన భద్రత నియమాలు పక్కన పెట్టి, పుతిన్ వద్దకు వెళ్లి ఆత్మీయ ఆలింగనం చేసుకోవడం ఇరు దేశాధినేతల మధ్య ఉన్న సన్నిహిత సంబంధాలను తెలియజేసింది. నాలుగేళ్ల విరామం తర్వాత పుతిన్ దిల్లీకి రావడం విశేషం. రష్యా-ఉక్రెయిన్ యుద్ధం మొదలయ్యాక ఆయన విదేశీ పర్యటన ఇది మొదటిది. ఆయన పర్యటనలో భాగంగా భారత్-రష్యా 23వ వార్షిక శిఖరాగ్ర భేటీలో మోదీతో చర్చలు జరపనున్నారు. ఈ సమావేశంపై ప్రపంచ దేశాలు ఆసక్తిగా చూస్తున్నాయి.

#WATCH | Russian President Vladimir Putin lands in Delhi; Prime Minister Narendra Modi receives him at the airport

President Putin is on a two-day State visit to India. He will hold the 23rd India-Russia Annual Summit with PM Narendra Modi in Delhi on December 5

(Source: DD) pic.twitter.com/wFcL9of7Eg

— ANI (@ANI) December 4, 2025

భారత్ సంబంధాలు, సహకారం మరింత పెంచడానికి రష్యా ఉత్సాహం చూపిస్తుందని పుతిన్ ఇప్పటికే స్పష్టం చేశారు. ఇరు దేశాలు ఇంధనం, పరిశ్రమలు, అంతరిక్షం, వ్యవసాయ రంగాలలో అనేక ఉమ్మడి ప్రాజెక్టులు పూర్తి చేయాలనే లక్ష్యం పెట్టుకున్నాయి. రక్షణ సహకారం గురించి కీలక నిర్ణయాలు తీసుకునే అవకాశం ఉంది. అంతేకాక, భారతదేశం నుంచి దిగుమతులు మరింత పెంచే విషయంపై చర్చలు జరపడానికి రష్యా సిద్ధంగా ఉంది. ఈ సమావేశాలు ఇరు దేశాల వ్యూహాత్మక భాగస్వామ్యాన్ని కొత్త శిఖరాలకు తీసుకువెళ్తాయని విశ్లేషకులు అంచనా వేస్తున్నారు.

ప్రధాని మోదీ ట్వీట్..

భారతదేశానికి విచ్చేసిన రష్యా అధ్యక్షుడు వ్లాదిమిర్ పుతిన్‌కు ప్రధాని నరేంద్ర మోదీ ఘన స్వాగతం పలికారు. పుతిన్‌ను తన స్నేహితుడిగా పేర్కొంటూ ప్రధాని మోదీ ట్వీట్ చేశారు.

‘నా మిత్రుడు అధ్యక్షుడు పుతిన్‌కు భారతదేశంలో స్వాగతం పలకటం సంతోషకరం. ఈ రోజు, రేపు జరిగే మా సమావేశాల కోసం ఆసక్తిగా ఎదురుచూస్తున్నాను’ అని ప్రధాని ట్వీట్‌లో తెలిపారు.

భారతదేశం రష్యా మైత్రి చిరకాలంగా నిరూపితమైందన్నారు. ఈ స్నేహం ఇరు దేశాల ప్రజలకు ఎంతో ప్రయోజనం చేకూర్చిందని ఆయన చెప్పారు. ఈ పర్యటన ద్వైపాక్షిక సంబంధాలను మరింత బలోపేతం చేస్తుందని విశ్లేషకులు భావిస్తున్నారు. ఇద్దరు నాయకులు రక్షణ, వాణిజ్యం సహా పలు కీలక అంశాలపై చర్చించనున్నారు.

Delighted to welcome my friend, President Putin to India. Looking forward to our interactions later this evening and tomorrow. India-Russia friendship is a time tested one that has greatly benefitted our people.@KremlinRussia_E pic.twitter.com/L7IORzRfV9

— Narendra Modi (@narendramodi) December 4, 2025