Honey Trap : పాకిస్తాన్ హనీ ట్రాప్ లో చిక్కుకున్నాడు సీఐఎస్ఎఫ్ కానిస్టేబుల్. విశాఖ స్టీల్ ప్లాంట్ లో పని చేస్తున్న సీఐఎస్ఎఫ్ కానిస్టేబుల్ పాకిస్తాన్ గూఢచార సంస్థ వలలో చిక్కాడు. దాయాది దేశం గూఢచారి సంస్థకు విలువైన సమాచారం అందించినట్లు తెలుస్తోంది.
సీఐఎస్ఎఫ్ హనీట్రాప్ వ్యవహారాన్ని భారత నిఘా వర్గాలు పసిగట్టాయి. సెంట్రల్ ఇంటలిజెన్స్ ఇచ్చిన సమాచారంతో విశాఖ సీఐఎస్ఎఫ్ వింగ్ అలర్ట్ అయింది. వెంటనే ఆ కానిస్టేబుల్ ను అదుపులోకి తీసుకున్నారు. అతని మొబైల్ ఫోన్ ను స్వాధీనం చేసుకున్నారు. ఈ వ్యవహారంపై అధికారులు పూర్తి స్థాయి విచారణ చేపట్టారు. ఆ కానిస్టేబుల్ పై స్టీల్ ప్లాంట్ పోలీస్ స్టేషన్ లో కేసు నమోదు చేసినట్లుగా తెలుస్తోంది.
పాకిస్తాన్ గూఢచారి సంస్థకు చెందిన తమీషా అనే మహిళా కానిస్టేబుల్ సోషల్ మీడియా ద్వారా సీఐఎస్ఎఫ్ కానిస్టేబుల్ కు పరిచయమైంది. మెల్లగా ముగ్గులోకి దించడంతో అత్యంత కీలకమైన సమాచారాన్ని ఆమెకు చేరవేసినట్లుగా నిఘా వర్గాలు అనుమానిస్తున్నాయి. దీనిపై పూర్తి స్థాయిలో దర్యాప్తు జరుపుతున్నట్లు అధికారులు చెబుతున్నారు.
Share
YS Jagan on Polavaram project : అలా చేస్తే పోలవరం డ్యామ్ కూలిపోవచ్చు.. అందుకే ఇలా చేస్తాం : జగన్
Vanama : సుప్రీంకోర్టులో వనమాకు ఊరట.. హైకోర్టు తీర్పుపై స్టే..
