Mehbooba Mufti : కారు ప్రమాదం.. మాజీ సీఎం మెహబూబా ముఫ్తికి తప్పిన ముప్పు..

Mehbooba Mufti : జమ్మూకశ్మీర్‌లోని పీపుల్స్‌ డెమోక్రటిక్‌ పార్టీ అధ్యక్షురాలు, మాజీ ముఖ్యమంత్రి మెహబూబా ముఫ్తి ప్రయాణిస్తున్న కారు ప్రమాదానికి గురయ్యింది. ఈ ఘటన అనంత్‌నాగ్‌ జిల్లాలో జరిగింది. ఇటీవల ఖనాబాల్‌లో అగ్నిప్రమాద బాధితుల్ని పరామర్శించేందుకు ఆమె బయలుదేరింది. ప్రయాణ సమయంలో ఈ ఘటన చోటుచేసుకుంది. త్రుటిలో ఆమెకు పెను ప్రమాదం తప్పింది.

ఈ ఘటనలో ముప్తి భద్రతా అధికారులు గాయపడ్డారు. ఈ ప్రమాదంలో కారు ముందు భాగం పూర్తిగా ధ్వంసం అయింది. ఈ ప్రమాదం నుంచి ముఫ్తి సురక్షితంగా బయటపడ్డారు. తన తల్లి ప్రయాణించే కారు ప్రమాదానికి గురైనట్లు ఆమె కుమార్తె ఇల్తిజా ముఫ్తి వెల్లడించింది. ఘటనలో భద్రతా సిబ్బంది స్వల్ప గాయాలతో బయటపడ్డారని ఇల్తిజా ముఫ్తి ప్రకటించింది.

Share

• 
• 
• 
• 
• 
•