Pm modi: ప్రధానమంత్రి నరేంద్ర మోదీ కాన్వాయ్ వస్తుందంటే చాలు.. రోడ్లు నిర్మానుష్యంగా మారుతాయి. ఆయన ప్రయాణించే రోడ్డులోకి ఏ ఒక్క వాహనాన్ని కూడా అనుమతి చేయరు భద్రతాధికారులు. అంతటి కట్టుదిట్టమైన భద్రత ఉంటుంది. కానీ కొన్ని సార్లు మాత్రం ఈ రూల్స్‌ను బ్రేక్‌ చేస్తారు ప్రధాని మోదీ. ప్రాణాలను కాపాడే అంబులెన్స్‌లకు మాత్రం మినహాయింపు ఇస్తారు ఆయన. ఇదే విషయాన్ని మరోసారి ప్రూవ్ చేశారు .
ప్రస్తుతం తన సొంత నియోజకవర్గమైన వారణాసిలో ప్రధానమంత్రి నరేంద్రమోదీ పర్యటిస్తున్నారు. ఈ సందర్భంగా రోడ్ షో నిర్వహిస్తుండగా ఇంతలో అదే రోడ్ లో ఒక అంబులెన్స్ వచ్చింది. దీంతో ప్రధాని మోదీ కాన్వాయ్ పక్కకు తప్పుకుని అంబూలెన్స్ కు దారి ఇచ్చారు. ప్రస్తుతం దీనికి సంబంధించిన వీడియో సోషల్ మీడియాలో వైరల్‌గా మారింది. దీంతో మంచి మనస్సున్న ప్రధాని మోదీ అని సిటిజన్స్ కామెంట్స్ చేస్తున్నారు.
గతంలో గుజరాత్ అసెంబ్లీ ఎన్నికల సందర్భంగా కూడా ఇలాగే జరిగింది. రాష్ట్ర రాజధాని గాంధీ నగర్ నుంచి అహ్మదాబాద్ వైపుకు రోడ్ షో నిర్వహిస్తుండగా సడెన్ గా ఒక అంబూలెన్స్ వచ్చింది. వెంటనే ప్రధాని కాన్వాయ్ పక్కకు ఆపి అంబులెన్స్ కు దారి ఇచ్చారు.
Share
NRI Mahendra: అమెరికా ఉద్యోగాన్ని వదిలి.. నలుగురూ నడవని దారిలో అతనొక్కడే.. ఎందుకు ?
DRDO : ఆకాశ్‌.. అదరహో.. ఒకేసారి నాలుగు టార్గెట్లను కూల్చేసిన డీఆర్‌డీఓ..
