Saudi Visa : సౌదీ అరేబియా భారతీయులకు గుడ్‌న్యూస్‌ చెప్పింది. వీసా నిబంధనలు సడలించింది. సౌదీ వెళ్లాలనుకునే భారతీయులు ఇకపై వీసా కోసం పోలీస్‌ క్లియరెన్స్‌ సర్టిఫికెట్‌ సమర్పించాల్సిన అవసరం లేదు. భారత్‌లోని ఆ దేశ రాయబార కార్యాలయం ట్విటర్‌ ద్వారా ఈ విషయాన్ని వెల్లడించింది. భారత్‌తో ఉన్న బలమైన వ్యూహాత్మక బంధం దృష్ట్యా వీసాల కోసం పోలీస్‌ క్లియరెన్స్‌ను రద్దు చేస్తున్నట్లు తెలిపింది.ఈ నిర్ణయం వల్ల ఇరు దేశాల మధ్య బంధం మరింత బలపడుతుందని స్పష్టం చేసింది.
సౌదీ అరేబియా నిర్ణయం వల్ల వీసా అప్లికేషన్ ప్రక్రియ వేగవంతమవుతుంది. పర్యాటక సంస్థలకు పని సులభతరం కానుంది. టూరిస్టులు వీసాల కోసం ఇబ్బందులు పడనవసరంలేదు. ప్రస్తుతం 20 లక్షల మంది భారతీయులు సౌదీ అరేబియాలో ఉన్నారు. మరోవైపు సౌదీ రాజు మహ్మద్‌ బిన్‌ సాల్మన్‌ ఈ నెల భారత్‌లో పర్యటించాల్సి ఉంది. ప్రధాని మోదీతో భేటీ కావాల్సి ఉంది. అనివార్య కారణాల వల్ల ఆ పర్యటన రద్దయ్యింది.
Share
Train : నవజీవన్ ఎక్స్‌ప్రెస్‌ లో మంటలు.. ప్రయాణికులు సురక్షితం..
App Koo : అమెరికాలో ‘కూ’తకు రెడీ!
