OTT Movie : ఆత్మలు, అతీత శక్తుల నేపథ్యంలో వస్తున్న సినిమాలను ఆడియన్స్ తెగ చూసేస్తున్నారు. ఆడియన్స్ ని భయపెట్టడానికి రకరకాల ప్రయత్నాలు చేస్తున్నారు మేకర్స్. ఇప్పుడు చెప్పుకోబోయే సినిమా సీను సీనుకి గుండెల్లో గుబులు పుట్టిస్తుంది. ఈ సినిమా సస్పెన్స్ తోనే సగం చంపేస్తుంది. ఇక ఆత్మల ఎంట్రీతో పై ప్రాణాలు పైకే పోతాయి. హారర్ అభిమానులకు ఈ మూవీ బెస్ట్ సజెషన్. ఈ సినిమా పేరు ఏమిటి ? ఏ ఓటీటీలో ఉంది ? దీని కథ ఏమిటి ? అనే వివరాలు తెలుసుకుందాం పదండి.
“ది బానిష్డ్” (The Banished) 2025లో విడుదలైన హారర్ చిత్రం. జోసెఫ్ సిమ్స్-డెన్నెట్ దీనికి దర్శకత్వం వహించారు. ఇందులో మెగ్ క్లార్క్, లీటన్ కార్డినో, గౌటియర్ ప్రధాన పాత్రల్లో నటించారు. ఈ సినిమా 2025 జూలై 18న థియేటర్లలో విడుదలైంది. ప్రస్తుతం అమెజాన్ ప్రైమ్ వీడియో (Amazon Prime Video), యాపిల్ టీవీ (Apple TV) లో స్ట్రీమింగ్ అవుతోంది.
గ్రేస్ ఒక నగరంలో తన అన్న డేవిడ్ తో కలసి ఉంటుంది. ఆమె బాల్యం భయంకరంగా గడిచింది. తండ్రి ఆమెను, ఆమె అన్న డేవిడ్‌ను బాగా హింసించేవాడు. ఆ తల్లిదండ్రులు ఇప్పుడు చనిపోయారు. ఒక రోజు డేవిడ్ ఆస్ట్రేలియా అడవిలో హైకింగ్‌కు వెళ్లి అదృశ్యమవుతాడు. ఈ కేసులో పోలీసులు కూడా ఏమీ తేల్చలేక పోతారు. గ్రేస్ భయపడుతూ డేవిడ్‌ను వెతకడానికి అడవిలోకి వెళ్తుంది. ఆమెకు ఫ్లాష్‌బ్యాక్స్ గుర్తుకు వస్తాయి. తండ్రి చిన్నప్పుడు ఆమెను బంధించి, నీలో దుష్ట శక్తి ఉందని చెప్పేవాడు. అడవిలో ఆమె ఒక పాత ఇంటిని కనుగొంటుంది. అది ఆమె బాల్యంలోని ఇల్లు లాగా ఉంటుంది. ఇక్కడి నుంచి కథ భయంకరంగా మొదలవుతుంది.
Read Also : ఒకే మనిషిని పట్టి పీడించే 4 దెయ్యాలు… దెబ్బకు మనోడి లైఫ్ సెట్టు… ఇలాంటి హర్రర్ మూవీని అస్సలు చూసుండరు భయ్యా
ఆ అడవిలో గ్రేస్‌కు ఒక స్థానిక గుంపు కనిపిస్తుంది. గ్రేస్ అక్కడ డేవిడ్ బ్యాగ్, రక్తం మరకలు కనుగొంటుంది. గ్రేస్ కు డేవిడ్ డైరీ దొరుకుతుంది. అందులో “తండ్రి ఆత్మ ఇక్కడే ఉంది” అని రాసి ఉంటుంది. ఇప్పుడు ఆమెకు భయంకరమైన ఆకారాలు కనిపిస్తాయి. గ్రేస్ ఆ గ్రామస్తులు చేతబడులు చేస్తుంటారని తెలుసుకుంటుంది. వాళ్ళ దగ్గర ఆమె డేవిడ్ శవాన్ని కూడా చూస్తుంది. అతన్ని గ్రామస్తులు దుష్ట శక్తికి బలి ఇచ్చి ఉంటారు. ఇప్పుడు వచ్చే క్లైమాక్స్ మరింత భయంకరంగా ఉంటుంది. గ్రేస్ తన తమ్ముడు చావుకి రివేంజ్ తీర్చుకుంటుందా ? గ్రామస్తుల చేతిలో ఆమె కూడా బలి అవుతుందా ? డేవిడ్ ఎందుకు అడవిలోకి వెళ్ళాడు ? అనే విషయాలను , ఈ సినిమాను చూసి తెలుసుకోండి.
Share
Jubilee Hills: ఢిల్లీ నుంచి గల్లీ వరకు కాంగ్రెస్ మాత్రమే లౌకిక పార్టీ: ఉత్తమ్ కుమార్ రెడ్డి
Dak Sewa App: ఇక మీ పాకెట్ లో పోస్ట్ ఆఫీస్ సేవలు.. సరికొత్త యాప్ లాంచ్ చేసిన తపాలాశాఖ
