FlyOver Collapsed : మహారాష్ట్రలో నిర్మాణంలో ఉన్న ఫ్లై ఓవర్ అకస్మాత్తుగా కుప్పకూలింది. చిప్లున్ లోని రత్నగిరి ప్రాంతంలో నిర్మిస్తున్న ముంబై-గోవా ఫోర్ లైన్ హైవే సోమవారం ఉదయం ఉన్నట్టుండి కూలిపోయింది. కొద్దిసేపటికే.. అదే ఫ్లై ఓవర్ పై మరో పోర్షన్ కూడా కూలిపోయింది. ఫ్లై ఓవర్ కూలిన సమయంలో.. ఆ ప్రాంతంలో పెద్దగా జన సంచారం లేకపోవడంతో ఎలాంటి ప్రాణనష్టం జరుగలేదు. కాగా.. ఫ్లై ఓవర్ కూలిన సమయంలో అక్కడే ఉన్న ఒక క్రేన్ మెషీన్ కు నష్టం జరిగింది.
ఉన్నట్టుండి నిర్మాణంలో ఉన్న భారీ ఫ్లై ఓవర్ కుప్పకూలడంతో.. దాని నుంచి పెద్దఎత్తున దుమ్ము, ధూళి వెలువడింది. దీంతో స్థానికులు, వాహనదారులు ఇబ్బందులు ఎదుర్కొన్నారు. ఫ్లై ఓవర్ నిర్మాణానికి కోట్ల రూపాయల కాంట్రాక్టులు తీసుకుని.. నాసిరకం వస్తువులు వాడటం వల్లే కూలిపోయిందని స్థానికులు వాపోతున్నారు. సమయానికి అక్కడ వర్కర్లెవరూ లేకపోవడంతో పెనుప్రమాదం తప్పిందని, లేదంటే ఎంతమంది ప్రాణాలు పోయేవో ఊహకే భయంగా ఉందని ఆవేదన వ్యక్తం చేశారు. ఆ కాంట్రాక్టర్ పై వెంటనే చర్యలు తీసుకోవాలని డిమాండ్ చేస్తున్నారు.
Share
Hamas Leaders: పిట్టల్లా రాలుతున్న హమాస్ నేతలు
Happy Birthday Keerthi Suresh From Bigtv
