Malayalam Comedy Mystery Movie OTT : మనసులో ఒకటి అనుకుంటూ బయటకు మరొకటి మాట్లాడటం చాలామందికి అలవాటే. ఇంట్లోనైనా, ఆఫీసులోనైనా ఎదుటివారిని బాధపెట్టకూడదని కొన్ని మాటలను దాచేస్తుంటాం. మరికొన్ని విషయాలు చెప్పాలని ఉన్నా ధైర్యం సరిపోదు. అలాంటి సమయంలో మన చుట్టూ ఉన్నవాళ్లు మనసులో ఏమనుకుంటున్నారో మనకు స్పష్టంగా వినిపిస్తే ఎలా ఉంటుంది? బయటకు నవ్వుతూ పలకరించే వ్యక్తి లోపల ఏం ఆలోచిస్తున్నాడో తెలిసిపోతే లైఫ్ గందరగోళంగా మారిపోతుంది. ఇదే ఆలోచనను వినోదభరితంగా మలిచిన మలయాళం చిత్రం ‘ఇట్స్ ఎ మెడికల్ మిరాకిల్’ (It’s a Medical Miracle). ఒక వైద్య అద్భుతంలా మొదలైన సంఘటన క్రమంగా జ్ఞాపకాలు, ముసుగులు, ప్రతీకారంతో ముడిపడిన చిక్కుముడిగా మారితే ఏమవుతుంది ? ఈ సినిమాను ఏ ఓటీటీలో చూడవచ్చు ? అన్నది తెలుసుకుందాం.
ఈ కథలో ప్రధాన పాత్ర రూబెన్ వర్కీ. సంగీత్ ప్రతాప్ (Sangeeth Prathap) ఈ పాత్రలో నటించాడు. ఓ ఘోరమైన రోడ్డు ప్రమాదం తర్వాత రూబెన్ కోమాలోకి వెళ్తాడు. వైద్యులు అతడి మెదడు పని చేయడం లేదని భావించినా, అతను మాత్రం ఇంకా బతికే ఉంటాడు. ఆ స్థితిలో ఉన్నప్పటికీ చుట్టూ జరిగే విషయాలను వినగలుగుతాడు. ముఖ్యంగా, సాధారణంగా మనుషులు గుర్తించలేని చిన్న శబ్దాలు కూడా అతడికి స్పష్టంగా వినిపిస్తాయి. ఆ అసాధారణ వినికిడి శక్తే అతడి జీవితాన్ని అనూహ్యమైన మలుపు తిప్పుతుంది.
రూబెన్ కోమాలో ఉన్న సమయంలో అతడితో మాట్లాడుతుంటుంది సూసన్ అన్నా రాయ్. ఆమె ఓ నర్సు. సూసన్ మాటలు రూబెన్ కు బయట ప్రపంచంతో ఉన్న ఏకైక అనుబంధంగా మారతాయి. ఆమె గొంతు అతడిలో జీవించాలనే ఆశను నిలిపిందనే భావనతో, కోలుకున్న తర్వాత ఆమెను వెతకాలని రూబెన్ నిర్ణయించుకుంటాడు. అయితే రూబెన్ తిరిగి సాధారణ జీవితంలోకి అడుగు పెట్టిన తర్వాత పరిస్థితులు అనుకున్నట్లుగా ఉండవు. అతడికి వచ్చిన అసాధారణ వినికిడి శక్తి ఒకవైపు ఉపయోగపడుతూనే, మరోవైపు ఎన్నో ఇబ్బందులకు కారణమవుతుంది.
చిన్న శబ్దం కూడా అతడిని కలవర పెడుతుంది. అదే సమయంలో, కొన్ని శబ్దాలు అతడికి ముఖ్యమైన విషయాలను తెలియజేస్తే, మరికొన్ని అతడిని తప్పుదారి పట్టించే ప్రమాదం ఉంటుంది. అంతేకాదు మనుషులు మనసులో ఏం అనుకుంటున్నారు అనేది అతనికి చెప్పకుండానే అర్థం అవుతుంది. మరి చివరికి హీరో ఆ నర్సు ఎవరో కనిపెట్టగలిగాడా ? ఈ క్రమంలో వచ్చే ఫన్ ఏంటి ? అతనికి వచ్చిన సూపర్ పవర్ ఎలాంటి ఇబ్బందులకు కారణం అయ్యింది ? అన్నది తెలియాలంటే సినిమాను చూడాల్సిందే.
Also Read : కాబోయే భార్యకు కుక్కలంటే అలర్జీ… ప్రాణంగా పెంచుకున్న పెట్‌ను ఏం చేశాడంటే ? డాగ్ లవర్స్ డోంట్ మిస్
‘ఇట్స్ ఎ మెడికల్ మిరాకిల్’ అక్టోబర్ 15 నుంచి మనోరమా మ్యాక్స్ (Manorama Max)లో స్ట్రీమింగ్‌ కు అందుబాటులోకి వచ్చింది. ఈ మలయాళం చిత్రాన్ని తెలుగుతో పాటు నాలుగు భాషల్లో చూడొచ్చు. సింప్లీసౌత్ (SimplySouth)లో కూడా సినిమాను చూడవచ్చు. అసాధారణ శక్తులు, మిస్టరీ, దర్యాప్తు, ఉత్కంఠ కలిసిన కథలను ఇష్టపడేవారికి ఈ సినిమా బెస్ట్ ఆప్షన్. వీకెండ్ కు ఫ్యామిలీతో కలిసి హాయిగా నవ్వుకోవడానికి సరదాగా ఈ సినిమాను చూడవచ్చు.
Share
భార్యపై భర్త పైశాచికత్వం.. నచ్చిన కూర వండలేదని.. శరీరంపై పలుమార్లు కొరికి, బండరాయితో దాడి!
ఉప్ప‌ల్ స్టేడియంలో విండీస్ ప్లేయ‌ర్ల రౌడీయిజం...త‌ల‌దించుకున్న అభిషేక్ శ‌ర్మ?
