Psychological thriller OTT : మీ బుర్ర గిర్రున తిరిగే ఒక పక్కా సైకలాజికల్ థ్రిల్లర్ సినిమాను చూడాలనుకుంటే, ఎంచక్కా ఇప్పుడే ఓటీటీలో చూసేయచ్చు. ఇందులో పెద్ద పెద్ద ఫైట్లు, పాటలు ఉండవు కానీ, ఇద్దరు వ్యక్తుల మధ్య జరిగే మైండ్ గేమ్స్, మాటల యుద్ధం ఎక్కువగా ఉంటాయి. సినిమా అంతా ఒక చిన్న గదిలోనే జరుగుతూ, చూసేవాళ్లలో అసలు ఏం జరుగుతోంది? తప్పు ఎవరిది? అనే టెన్షన్ పుట్టిస్తుంది. మొదట్లో కిడ్నాపర్ విలన్ లాగా, కిడ్నాప్ అయిన అమ్మాయి అమాయకురాలి లాగా కనిపిస్తారు. కానీ కథ సాగే కొద్దీ వారిద్దరి అసలు రంగులు బయటపడి, ఎవరు మంచివాళ్ళో ఎవరు చెడ్డవాళ్ళో అర్థం కాని పరిస్థితి వస్తుంది. సినిమా చూస్తున్నంత సేపు చూపు కూడా తిప్పుకోలేరు.
2018లో వచ్చిన ఈ సైకలాజికల్ థ్రిల్లర్ సినిమా పేరు 10×10. నోయెల్ క్లార్క్ ఈ సినిమాకు కథను అందించడమే కాకుండా, ఇందులో ఒక ముఖ్య పాత్రలో నటించిన స్వయంగా నిర్మించారు. దర్శకురాలు సుజీ ఈవింగ్కు ఇది మొదటి సినిమా అయినప్పటికీ, తక్కువ బడ్జెట్తో కేవలం రెండు పాత్రలతోనే ఉత్కంఠభరితంగా సినిమాను నడిపించారు. ఈ సినిమాను కేవలం 20 రోజుల్లోనే షూట్ చేశారు. సినిమా అంతా ఒక చిన్న 10×10 గదిలోనే సాగుతుంది కాబట్టి, ఆ ఇరుకైన చోట కెమెరాలతో చిత్రీకరించడం చిత్ర యూనిట్కు పెద్ద సవాలుగా మారింది. నటీనటులు ల్యూక్ ఈవాన్స్, కెల్లీ రైల్లీ తమ పాత్రల్లో పరకాయ ప్రవేశం చేయడానికి షూటింగ్ సమయంలో చాలా సమయం ఆ గదిలోనే గడిపేవారట. ప్రస్తుతం ఈ సినిమా Amazon Prime Video లో అందుబాటులో ఉంది.
రాబర్ట్ అనే ఒక వ్యక్తి కాథీ అనే అమ్మాయిని చాలా రోజులుగా వెంబడిస్తుంటాడు. ఒకరోజు పట్టపగలే అందరూ చూస్తుండగానే ఆమెను కారులో ఎక్కించుకుని కిడ్నాప్ చేస్తాడు. తన ఇంట్లో ఎవరికీ తెలీకుండా ఒక పెద్ద సౌండ్ ప్రూఫ్ గదిని (10×10 సైజులో) కట్టించి, అందులో ఆమెను పడేసి బంధిస్తాడు. ఆమె ఎంత అరిచినా బయటకి అస్సలు వినిపించదు. రాబర్ట్ కి ఆమె మీద ఏదో కోపం ఉందని అర్థమవుతుంది కానీ, అది ఏంటో మొదట్లో తెలీదు. నీ పేరు ఏంటి? నీ గతం ఏంటి? నువ్వు చేసిన తప్పేంటో చెప్పు అని ఆమెను చిత్రహింసలు పెడుతూ అడుగుతుంటాడు రాబర్ట్.
ఆమె మాత్రం నేనేం తప్పు చేయలేదు, నన్ను వదిలేయ్ అని ఏడుస్తూ బ్రతిమాలుతుంది. కానీ రాబర్ట్ ఆమె మాటలు అస్సలు నమ్మడు, ఆమె ఒక పెద్ద నిజాన్ని దాస్తుందని వాదిస్తాడు. కథ ముదురుతున్న కొద్దీ అసలు విషయం బయటపడుతుంది. రాబర్ట్ భార్య ఒక ఆసుపత్రిలో చనిపోతుంది. దానికి కారణం అక్కడ నర్సుగా పని చేసిన ఈ కాథీనే అని రాబర్ట్ నమ్మకం. ఆమె తన పేరు మార్చుకుని తిరుగుతోందని కనిపెట్టి మరి పట్టుకొస్తాడు. చివరికి ఆ గదిలో ఇద్దరి మధ్య పెద్ద ఫైట్ జరుగుతుంది. అక్కడ ఎవరు గెలిచారు? ఆ నిజాన్ని ఆమె ఒప్పుకుందా ? ఈ సినిమా ముగింపు ఏమిటి ? అనే విషయాలతో ఈ సినిమా ఉత్కంఠంగా సాగుతుంది.
Read Also : అక్క మొగుడు చెల్లితో సంసారం… హత్యతో ఉలిక్కిపడే ఫ్యామిలీ… ఓటీటీలో దూసుకెళ్తున్న థ్రిల్లర్ సిరీస్
Share
Lavanya Konidela: గార్జియస్ లుక్ లో మెగా కోడలు.. ఏం అందం గురూ!
పశ్చిమాసియాలో ఉద్రిక్త పరిస్థితులు.. ప్రధాని మోదీకి ట్రంప్ ఫోన్..
