Korean mystery series: సిటీలలో రోజురోజుకూ అపార్ట్మెంట్ కల్చర్ పెరిగిపోతోంది. అయితే ఇలాంటి ప్లేస్ లో ఇల్లు ఉండడం అంటే సేఫ్ అండ్ సెక్యూర్ అని అనుకుంటున్నారు చాలామంది. కానీ అక్కడ కనిపించని కష్టాలు చాలానే ఉంటాయి. అలా కష్టాలు పడుతున్న వారి పాలిట ఓ విలన్ దేవుడైతే ఎలా ఉంటుందో తెలియాలంటే ‘ది అపార్ట్మెంట్ జాబ్’ (The Apartment Job) అనే ఈ సిరీస్ ను చూడాల్సిందే. డబ్బు కోసం దొంగగా వచ్చిన గ్యాంగ్‌స్టర్… అనుకోకుండా ఎలా హీరో అయ్యాడు ? ఈ సిరీస్ ను ఎక్కడ చూడవచ్చు ? అనే విషయాలపై ఒక లుక్కేద్దాం పదండి.
ఒకప్పుడు పెద్ద అండర్‌వరల్డ్ గ్యాంగ్‌కు లీడర్ పార్క్ హే-గాంగ్. అతని జీవితంతోనే కథ స్టార్ట్ అవుతుంది. ప్రస్తుతం తీవ్రమైన ఆర్థిక ఇబ్బందుల్లో ఉంటాడు అతను. అలాంటి టైమ్ లో తన జీవితంలో తండ్రిలాంటి ఒక ముఖ్యమైన వ్యక్తిని కాపాడుకోవడానికి భారీ మొత్తంలో డబ్బు అవసరమవుతుంది. ఈ క్రమంలో కొత్తగా నిర్మించిన ఒక లగ్జరీ అపార్ట్మెంట్ కాంప్లెక్స్‌ లో సుమారు 10 బిలియన్ వోన్ల ( అంటే 1000 కోట్ల కొరియన్ కరెన్సీ) భారీ రిపేర్/రిజర్వ్ ఫండ్ దాగి ఉన్నాయనే రహస్య సమాచారం అతనికి అందుతుంది.
ఎలాగైనా ఆ అపార్ట్మెంట్ నిధులను దొంగిలించాలని హే-గాంగ్ ఒక క్రేజీ ప్లాన్ వేస్తాడు. కానీ ఆ నిధులను దక్కించుకోవాలంటే దొంగతనం చేస్తే సరిపోదని గ్రహిస్తాడు. అందుకే ఆ అపార్ట్మెంట్ రెసిడెంట్స్ అసోసియేషన్ ప్రెసిడెంట్ ఎన్నికల్లో అభ్యర్థిగా పోటీ చేయడానికి నామినేషన్ వేస్తాడు. ఒక మాజీ గ్యాంగ్ లీడర్ సాధారణ కాలనీ ప్రెసిడెంట్ అవ్వడానికి చేసే ప్రయత్నాలు గుల్ కామెడిగా ఉంటాయి. అతనొక్కడే కాదు… హే-గాంగ్‌కు హాన్ హా-నా అనే యంగ్ న్యాయవాది కూడా తోడవుతుంది.
వీళ్ళంతా కలిసి అపార్ట్‌మెంట్‌లోకి చొరబడి నిధులను దొంగిలించడానికి ప్లాన్ చేస్తారు. కానీ ఆ బిల్డింగ్‌లోని పవర్‌ఫుల్ ఫ్యామిలీ, ఒక పెద్ద కన్స్ట్రక్షన్ కంపెనీ కలిసి చేస్తున్న భారీ అవినీతి స్కామ్ గురించి వీళ్ళకు తెలిసిపోతుంది. తాను దోచుకోవాలనుకున్న అపార్ట్మెంట్ ప్రజలే ఆ అవినీతి తిమింగలాల వల్ల దారుణంగా మోసపోతున్నారని హే-గాంగ్ కు అర్థం అవుతుంది. తన స్వార్థపూరిత దొంగతనాన్ని పక్కనపెట్టి, తోటి నివాసితుల తరఫున నిలబడి ఆ భారీ కార్పొరేట్ అవినీతిపై పోరాటం షురూ చేస్తాడు. మరి ఆ పోరాటం ఎలా సాగింది ? అసలు హీరో దొంగ పెళ్లి ఎందుకు చేసుకున్నాడు ? తనకు కావాల్సిన వ్యక్తిని హీరో కాపాడుకున్నాడా లేదా ? చివరికి ఏమైంది ? అన్నది కథ.
Netflixలో జూలై 11 నుండి స్ట్రీమింగ్ అవుతున్న కొరియన్ కామెడీ క్రైమ్ మిస్టరీ సిరీస్ ‘ది అపార్ట్మెంట్ జాబ్’. జో యాంగ్-వాన్ దర్శకత్వంలో JTBC నెట్‌వర్క్ నిర్మించింది. ఈ 12 ఎపిసోడ్ల సిరీస్‌లో జి సంగ్, యూన్-క్యుంగ్ ప్రధాన పాత్రలు పోషించారు. తెలుగు డబ్బింగ్ ఇంకా అందుబాటులో లేదు.
Read Also: 40 రోజులు నలుగురు పిల్లలు మిస్సింగ్… అమెజాన్ అడవుల్లో అదిరిపోయే అడ్వెంచర్
Share
వాచ్‌లోనే గూగుల్ మ్యాప్స్, వాట్సాప్.. Fire-Boltt Oracle 4G స్మార్ట్‌వాచ్ ఫుల్ రివ్యూ!
రూ. 5వేలలోపు బెస్ట్ ఎయిర్ ప్యూరిఫైయర్.. ఫీచర్లు చూస్తే షాక్ అవ్వాల్సిందే!
