The Family Man 3 Trailer: ప్రముఖ దర్శకులు రాజ్ (Raj)అండ్ డీకే(DK) ద్వయం దర్శకత్వంలో ప్రేక్షకుల ముందుకు వచ్చిన సిరీస్ లలో ది ఫ్యామిలీ మెన్ సిరీస్ పెద్ద ఎత్తున ప్రేక్షకులను ఆకట్టుకుంది ఇప్పటికే రెండు భాగాలుగా ప్రేక్షకుల ముందుకు వచ్చిన ఈ సిరీస్ త్వరలోనే మూడవ భాగం కూడా విడుదలకు సిద్ధమవుతోంది ఈ క్రమంలోనే తాజాగా ది ఫ్యామిలీ మెన్ 3 (The Family Man 3)నుంచి ట్రైలర్ విడుదల చేశారు. ఈ ట్రైలర్ చూస్తుంటే ఈ సిరీస్ కూడా భారీ హై వోల్టేజ్ యాక్షన్ సన్నివేశాలతో ఉండబోతుందని స్పష్టం అవుతుంది. ఈ స్పై యాక్షన్ త్రిల్లర్ సిరీస్ లో మనోజ్ బాజ్ పాయ్ సందడి చేశారు.
ఈ ట్రైలర్ ప్రారంభంలోనే మనోజ్ బాజ్ పాయ్ తాను ఒక స్పై ఏజెంట్ అంటూ తన కుటుంబ సభ్యులతో మాట్లాడటంతో ఈ ట్రైలర్ ప్రారంభమవుతుంది. అదే సమయంలోనే ఆయనని మోస్ట్ వాంటెడ్ క్రిమినల్ గా ప్రకటిస్తూ అరెస్ట్ వారెంట్లను కూడా జారీ చేస్తారు. మనోజ్ బాజ్ పాయ్ అరెస్టుకు రంగం సిద్ధం చేస్తున్న నేపథ్యంలో ఈయన తన కుటుంబ సభ్యులతో కలిసి పారిపోవడం జరుగుతుంది. ఆ సమయంలో మనోజ్ ప్రాణ స్నేహితుడైన షరీబ్ హష్మి తనకు సహాయం చేస్తారు అయితే తనని ఈ కుట్రలో భాగం చేసింది ఎవరు అనే ఆలోచనలో మనోజ్ఉంటారు. ఇదే సమయంలోనే నిమ్రత్ కౌర్ పాత్ర రంగంలోకి దిగడంతో ఈ ట్రైలర్ మరింత ఆసక్తికరంగా మారటమే కాకుండా ఈ సీజన్ పై మరిన్ని అంచనాలను కూడా పెంచేసింది. ప్రస్తుతం ఈ ట్రైలర్ వీడియో సోషల్ మీడియాలో వైరల్ గా మారడంతో సిరీస్ పట్ల మంచి అంచనాలు పెరిగిపోయాయి. ఇక మీ ఫ్యామిలీ మెన్ 3 నవంబర్ 21వ తేదీ అమెజాన్ ప్రైమ్ వీడియోలో అందుబాటులోకి రాబోతోంది.
ఇక నేడు ముంబైలో జరిగిన ఒక కార్యక్రమంలో భాగంగా ఈ సిరీస్ నుంచి ట్రైలర్ విడుదల చేశారు. ప్రస్తుతం ఈ ట్రైలర్ సోషల్ మీడియాలో వైరల్ అవుతుంది. ఈ హిట్ సిరీస్ ప్రముఖ ఓటీటీ అమెజాన్ ప్రైమ్ వీడియోలో ఈ నెల 21 నుంచి స్ట్రీమింగ్ కానుంది. హిందీతో పాటు తెలుగు, తమిళం, ఇంగ్లీష్‌లోనూ ప్రేక్షకులకు అందుబాటులోకి రానుంది. ఈ వెబ్ సిరీస్ లో ప్రియమణి, జేకే తల్పాడే, అశ్లేష ఠాకూర్, ,శరద్ ఖేల్కర్, శ్రేయా ధన్వంతరి, గుల్‌పనాగ్, సన్నీ హిందూజా, అభయ్ వర్మ,సందీప్ కిషన్, వంటి తదితరులు కీలకపాత్రలలో నటించారు. ఇదివరకు వచ్చిన రెండు 1,2 సిరీస్ లు పాకిస్తాన్ శ్రీలంక టెర్రరిజం బ్యాక్ డ్రాప్ లో ప్రేక్షకుల ముందుకు వచ్చాయి. అయితే మూడవ సీజన్ మాత్రం మొదటి రెండు సీజన్లకు సంబంధం లేకుండా సరికొత్త కథతో ప్రేక్షకుల ముందుకు రాబోతుందని తెలుస్తోంది.
Share
Vandemataram 150 Years: వందేమాతరం కోట్ల మంది భారతీయులకు స్ఫూర్తి.. భవిష్యత్తుకు సరికొత్త భరోసా: ప్రధాని మోదీ
Tattoo: పచ్చబొట్లు తెగ వేసుకుంటున్నారా.. అయితే ఈ విషయాలు తప్పనిసరిగా తెలిసుండాలి!
