OTT Movie : మలయాళం సినిమాలు ప్రేక్షకులను బాగా ఆకట్టుకుంటున్నాయి. కథను సింపుల్ గా ప్రజెంట్ చేయడంలో ఈ దర్శకులు ఒక అడుగు ముందే ఉన్నారు. ఈ మలయాళం సినిమాలు ఇప్పుడు ఓటీటీలో ట్రెండ్ అవుతున్నాయి. ఇప్పుడు మనం చెప్పుకోబోయే మూవీ ఒక పల్లెటూరిలో నివాసం ఉండే, భార్యాభర్తల చుట్టూ ఈ మూవీ స్టోరీ తిరుగుతుంది. ఈ ఫ్యామిలీ డ్రామా మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే…
ఆహా (aha) లో
ఈ ఫ్యామిలీ డ్రామా మూవీ పేరు ‘వెప్పం కులిర్ మజై’ (Veppam Kulir Mazhai). 2024 లో విడుదలైన ఈ తమిళ ఫ్యామిలీ డ్రామా మూవీకి పాస్కల్ వేదముత్తు దర్శకత్వం వహించారు. ఈ మూవీలో ధీరవ్, ఇస్మత్ బాను, ఎంఎస్ భాస్కర్ నటించారు. హ్యాష్‌ట్యాగ్ FDFS ప్రొడక్షన్స్ బ్యానర్‌పై ధీరవ్ ఈ మూవీని నిర్మించారు. భర్త వల్ల పిల్లలు పుట్టక పోవడంతో, భార్య వేరే పద్దతిలో ప్రెగ్నెంట్ అవుతుంది. ఈ విషయం తెలీయని భర్త ఆ పిల్లాడిని తన కొడుకు అనుకుంటాడు. ఆ తరువాత స్టోరీ మలుపు తీసుకుంటుంది. ఈ మూవీ ఓటిటి ప్లాట్ ఫామ్ ఆహా (aha) లో స్ట్రీమింగ్ అవుతుంది.
స్టోరీ లోకి వెళితే
రాజుకు రమాతో కొత్తగా వివాహం జరుగుతుంది. వీళ్ళిద్దరూ ఒక పల్లెటూరిలో చాలా సంతోషంగా ఉంటారు. రాజు పశువులకు ఇంజక్షన్ల ద్వారా గర్భం దాల్చే చిన్న వైద్యుడిగా పని చేస్తుంటాడు. వీరి వివాహం జరిగి దాదాపు ఐదు సంవత్సరాలు అవుతుంది. అయితే ఇంతవరకు వీళ్లకు పిల్లలు పుట్టకపోవడంతో చాలా బాధపడతారు. రాజు అమ్మగారైతే రమను సూటిపోటి మాటలతో వేధించడం మొదలు పెడుతుంది. భర్తకు కూడా ఊర్లో గౌరవ మర్యాదలు తగ్గిపోతాయి. కొంతమంది నీచంగా కూడా మాట్లాడతారు. భర్త పడుతున్న బాధను చూసి మరో పెళ్లి చేసుకోమంటుంది రమ. అయితే భర్త మరో పెళ్లికి ఒప్పుకునే లోగా రమ తల్లి చనిపోతుంది. ఒంటరిగా ఉన్న రమను చూసి, మరో పెళ్లి చేసుకోవడానికి వెనకాడతాడు రాజు. ఆ తర్వాత హాస్పిటల్ కి వెళ్లి చెక్ చేసుకుంటారు. భర్తలో లోపం ఉందని రిపోర్టులో తెలుస్తుంది. ఈ విషయం భర్తకు చెప్పకుండా, మందులు వాడితే పిల్లలు పుడతారు అని అబద్ధం చెప్తుంది రమ.
ఆ తర్వాత రమ వేరొకరి స్పెర్మ్ ఉపయోగించి గర్భం తెచ్చుకుంటుంది. కొద్దిరోజుల్లోనే పిల్లాడు కూడా పుడతాడు. రాజు చాలా సంతోషంతో పండగ చేసుకుంటాడు. అయితే ఈ అబద్ధం ఎక్కువకాలం దాగదు. ఒకరోజు భర్తకి ఈ విషయం దాచి పెట్టలేక చెప్పేస్తుంది రమ. ఆ తర్వాత రాజు చాలా డిప్రెషన్ లోకి వెళ్లిపోతాడు. ఆ పిల్లాడిని చంపడానికి కూడా ప్రయత్నిస్తాడు. చివరికి రాజు ఎటువంటి నిర్ణయం తీసుకుంటాడు? వీళ్ళిద్దరూ కలిసి సంతోషంగా జీవిస్తారా? పుట్టిన పిల్లాడిని రాజు దగ్గరికి తీసుకుంటాడా? ఈ విషయాలు తెలుసుకోవాలనుకుంటే, ఆహా (aha) లో స్ట్రీమింగ్ అవుతున్న ‘వెప్పం కులిర్ మజై’ (Veppam Kulir Mazhai) అనే ఈ మూవీని మిస్ కాకుండా చూడండి.
Share
BC Reservation Bill: బీసీ రిజర్వేషన్ల బిల్లుకు తెలంగాణ అసెంబ్లీ ఆమోదం..
Crime News: హైదరాబాద్, ట్యాంక్‌బండ్ నడి ఒడ్డున దారుణం.. పసికందును..?
