ఎవ‌రి ప‌ని వాళ్లు ప్ర‌శాంతంగా చేసుకుంటున్నారు. తెలుగు రాష్ట్రాల మ‌ధ్య విభేదాలు కూడా స‌మిసిపోయాయి. చిన్న చిన్న విభ‌జ‌న స‌మ‌స్య‌లు త‌ప్ప. తెలంగాణ సెంటిమెంట్ కూడా బీఆరెస్ వాడుకోవ‌డం బంద్ చేసింది. ఇక ప్రజలు డెవ‌ల‌ప్‌మెంట్ కోరుకుంటున్నారు.. ఇచ్చిన హామీల కోసం చూస్తున్నార‌ని అర్థ‌మైంది. ఇంత‌కాలానికి మళ్లీ తెలంగాణ రెండు అంశాలు త‌ట్టిలేపాయి. ఒక‌దాని తరువాత మ‌రొక‌టి. ఒక‌దానికి మ‌రొక‌టి సంబంధం లేదు. ఒక‌టి స‌మిసిపోతుంటే… ఉసిగొల్పి నిద్ర‌లేపుతుండ‌గా.. ఆలోపే ఇంకొక‌టి అగ్నికి ఆజ్య‌మై వచ్చింది.
ఇప్పుడు ఈ రెండు తెలంగాణ సర్కార్కు కొత్త తలనొప్పులు తెచ్చిపెట్టాయి. మీరు మీరు కొట్లాడుకుని మ‌ధ్య‌లో న‌న్ను లాగ‌డ‌మెందుకు? అన్న‌ట్టు.. చెప్పుకుందాం ఇప్పుడు దీని గురించే. ఏపీలో నాగేశ్వర్ లొల్లి మెల్ల‌గా తెలంగాణ‌ను తాకింది. దీనికి ఆద్యుడు ప‌వ‌న్ క‌ళ్యాణ్‌. గాలికి పోయే కంప‌ను ముడ్డికి త‌గిలించుకున్నాడు. కేసులు పెట్టారు. అరెస్టుల‌న్నారు. అస‌లు నీకేం ప‌ని ఆంధ్ర‌తో.. అనే కాడికి తెచ్చారు. దీంతో తెలంగాణ లీడ‌ర్లు దీన్నిఓన్ చేసుకున్నారు. ఇవాళ కొంత మంది ప్ర‌జా సంఘాల నాయ‌కులు దీనిపై రౌండ్ టేబుల్ స‌మావేశం పెట్టి తుక్కు తుక్కు తిట్టారు ప‌వ‌న్‌ను. ఇది చ‌ల్ల‌బ‌డుతున్న వేళ ప్రాంతీయ‌త‌ను జోడించి పెంచి పెద్ద చేస్తున్న త‌రుణంలో.. టీడీపీ తెలంగాణ రాష్ట్ర అధ్య‌క్షుడు బ‌క్క‌ని న‌ర్సింహులు రూపంలో మ‌రో ఉప‌ద్ర‌వం వ‌చ్చి ప‌డింది.
ఆయ‌న‌కేం పోగాలమొచ్చిందో ఏమో..! చంద్ర‌బాబు చేత షెబ్బాష్ అనిపించుకుందామ‌నే పాడురోగ‌మో మ‌రోటో తెలియ‌దు కానీ.. మైండ్ చెడిన మాటొక‌టి మాట్లాడాడు. అస‌లు చ‌రిత్ర‌లో తెలంగాణ అనే ప‌దం లేద‌ని…దీన్ని కొంత మంది లీడ‌ర్లు త‌మ స్వార్థ రాజ‌కీయం కోసం సృష్టించి.. చాలా మంది నేత‌ల‌ను ప‌నికిరాని వారిని చేశార‌ని, వారి ఆశ‌ల‌ను అడియాశ‌లు చేశార‌ని ఏదేదో వాగాడు. వైర‌ల్ అయ్యాడు. వీడెవ‌డ్రా బాబు..! ఏడ‌పుట్టిండు..? ఏడ పెరిగిండు..! పుసుక్కున ఇంత మాట‌న్నాడు.. అని బ‌స్సున లేచారు అంతా. పార్టీల‌క‌తీతంగా.
తెలంగాణ అనే ప‌దం ఎక్క‌డ్నుంచి వ‌చ్చిందో చరిత్ర ఆన‌వాళ్లను కూడా మరోసారి వ‌ళ్లెవేసే దాకా పోయిందీ ప‌రిస్థితి. ఎంత‌టి అవ‌మానం..వీడికి బుద్ది చెప్పాలి.. అంటూ తిట్ల‌దండంకం అందుకున్నారు సోష‌ల్ మీడియాలో. మ‌రీ ఓ చరిత్ర క‌లిగిన పార్టీనాయే.. ఎవ‌రూ దొర‌క‌డం లేదు క‌రెక్టే అనుకో.. కానీ ఇలా మైండ్ చెడిన వారిని తీసుకొచ్చి రాష్ట్ర అధ్య‌క్ష ప‌ద‌వి ఇస్తే.. ఉన్న ఇజ్జ‌త్ పాయె క‌దా చంద్ర‌బాబు..!అని మ‌ధ్య‌లో ఆయ‌న‌ను కూడా అర్సుకున్న‌ర‌నుకో. ఇక మ‌రి ఈ ఇష్యూల‌తో తెలంగాణ సర్కార్కు వ‌చ్చిన ఇబ్బందేంద‌నే క‌దా.. మీ డౌట‌నుమానం! అక్క‌డికే వ‌స్తున్నా!
నాగేశ్వర్ విష‌యంలో అరెస్టు చేయ‌డానికి వ‌స్తే.. తెలంగాణ సర్కార్.. ఏపీ సర్కార్కు స‌హకరించింద‌నే ప్ర‌చారం ఒక‌టి చేసి బ‌ద్నాం చేసే ప్రయ‌త్న చేశారు. ఇది స‌ద్దుమ‌ణిగిందో లేదో.. ఇప్పుడు రేవంత్‌రెడ్డి ఎన్టీఆర్ విగ్ర‌హాన్ని ఒక‌టి పెద్ద‌గా ఏర్పాటు చేయ‌బోతున్న విష‌యాన్ని కూడా తెరపైకి తెచ్చారు. ఓవైపు టీడీపీ తెలంగాణ‌ను ఇంత‌లా అవ‌మానిస్తుంటే.. ఆ పార్టీ నాయ‌కుడి విగ్ర‌హం మ‌న‌కెందుకు? అని కొంద‌రు.. ఆయ‌న గురువు చంద్ర‌బాబుకు గురుద‌క్షిణ‌గా ఏర్పాటు చేస్తున్నాడేమోన‌ని ఇంకొంద‌రు… ఇలా దారిన పోయే వాటిని తెలంగాణకు త‌గిలించి మాట్లాడుతున్నారు.
Share
సిట్ కస్టడీకి బండి భగీరథ్.. ఫార్మ్ హౌస్‌లో సీన్ రీ-కన్‌ స్ట్రక్షన్.. ఈ ప్రశ్నలపై ఆరా..!
Shoaib Akhtar: విరాట్ కోహ్లీ పీకింది ఏం లేదు..ర‌జ‌త్ వ‌ల్లే RCB స‌క్సెస్ !
