అటు తిరిగి ఇటు తిరిగీ నాగేశ్వర్ కథ తెలంగాణకు చేరింది. అసలు ఇది తెలంగాణకు సంబంధమే లేని విషయం. ఆంధ్రలో మొదలైన లొల్లి. పవన్ కళ్యాణ్ జనసేనకు, నాగేశ్వర్ జగన్కు వత్తాపు పలుకుతున్నాడనే కోణంలో మొదలైన తంటా.. తెలంగాణకు పెంట తెచ్చిపెట్టింది. ఇవాళ దీనిపై తెలంగాణ మేథావులు రౌండ్ టేబుల్ సమావేశం కూడా పెట్టారు. అక్కడ కేసులు లేవు.. గీసులు లేవు.. అన్నీ మాఫీ.. వదిలేద్దాం.. అని ఆంధ్రా సర్కారే ప్రకటించుకుంటుంటే.. ఇక్కడ చల్లబడిన ఇష్యూను తెలంగాణ అని ట్యాగ్లైన్ తగిలించి.. రౌండ్ టేబుల్ సమావేశం పెట్టారు. దీనికి విమలక్కతో పాటు సీనియర్ జర్నలిస్టు పాశం యాదగిరిని కూడా ప్రత్యే ఆహ్వానితులుగా పిలిచారు.
పాశంతో ఎట్లుంటదో తెలుసుగా…! అంతా పెంట పెంట చేసేస్తాడు.. సబ్జెక్టు ఏదైనా! ఇక్కడా అదే జరిగింది. పవన్ను తిట్టే నెపంతో మొత్తం సినీ ఇండస్ట్రీని చులకన చేయడం వివాదస్పదమైంది. సినిమాల్లో నటించే వారికి శీలముండదన్నాడు. చదువుండదన్నాడు. వారు తిరుగుబోతులన్నాడు. తాగుబోతులన్నాడు. తీసేవన్నీ బూతు సినిమాలన్నాడు.. అబ్బో.. ఇంకా చాలనే అన్నాడు. ఇక పవన్ వ్యక్తిగత విషయానికొచ్చాడు. వచ్చే ముందు .. ముందు జాగ్రత్తగా కవి శ్రీశ్రీ మాటలు కోట్ చేశాడు. ఏ మాటలు.. నువ్వు ప్రజా జీవితంలోకి రాకపోతే అంతా ప్రైవేటే.. కానీ పబ్లిక్లోకి వస్తే.. పర్సనల్ విషయాల జోలికొస్తాం..! అని మొదలు పెట్టాడు. తెలంగాణ గురించి, ప్రజాస్వామ్యం గురించి మాట్లాడే హక్కు పవన్కు లేదన్నాడు. నాగేశ్వర్ కాలిగోటికి కూడా పవన్ పనికి రాడన్నాడు.
లిల్లీపుట్ అని తిట్టాడు. ఐదుగురిని చేసుకున్నావ్ సిగ్గుందా? అని మందలించాడు. సినిమాల్లో ఉంటే ఎంత మందిని చేసుకున్నా… నీ జోలికి వచ్చేవారిమి కాదు.. అని సమర్థించుకున్నాడు. సోనియాలను ఇటాలియన్ అని విమర్శిస్తారు.. నువ్వు మాత్రం విదేశీయురాలని పెళ్లి చేసుకున్నావ్..! మీ బీజేపీ వాళ్లే బుద్దే ఇది..! అని తిట్టిపోశాడు. చేగువెరా బొమ్మలు పెట్టుకుని గద్దర్ను కూడా మోసం చేశారు. అసలు నీకు డిప్యూటీ సీఎం ఇచ్చుడే ఎక్కువ. ఆ సీఎంది కూడా దొంగబుద్దే.. అని పనిలో పని చంద్రబాబును అర్సుకున్నాడు.
ఓవైపు నాగేశ్వర్ ఈ కథకు ముగింపు పలుకుదాం.. నేను బేషరతుగా క్షమాపణ చెబుతున్నా.. నా వ్యాఖ్యల్ని వెనుక్కి తీసుకున్నా..! అని చెప్పినా.. ఇక్కడ దీన్ని ఇంకా మంటలు రేపే ప్రయత్నమే చేస్తున్నారు. మరోవైపు తాజాగా పాశం యాదగిరి మాట్లాడిన మాటలపై జనసేన లీడర్లు భగ్గుమంటున్నారు. సినీ ఇండస్ట్రీని తిట్టిన వైనం పట్ల మండిపడుతున్నారు. పవన్ వ్యక్తిగత, రాజకీయ జీవితం గురించి ఇంత ఘోరంగా మాట్లాడాతాడా? ఇదేనా తెలంగాణ .. పవన్కు ఇచ్చే మర్యాదా? అని విమర్శిస్తున్నారు. ఇది ఇంతటితో ఆగుతుందా? మరింత రాజకీయ రంగు పులుముకుంటుందా? చూడాలి!
Share
కూటమిని విచ్ఛిన్నం చేయాలని చూస్తే ఖబర్దార్.. ముసుగు వీరులకు పి.వి.ఎన్. మాధవ్ హెచ్చరిక!
చంద్రబాబును మించిపోయిన లోకేష్.. కూటమి సర్కార్పై రోజా విమర్శల వర్షం!
