‘డోంట్ ట్రబుల్ ది ట్రబుల్’ మూవీ రివ్యూ.. కార్తికేయ నిర్మాతగా సక్సెస్ కొట్టారా?

Don’t trouble the trouble movie review:చిత్రం: డోంట్‌ ట్రబుల్‌ ది ట్రబుల్‌
నటీనటులు: ఫహద్‌ ఫాజిల్‌, సారా పాలేకర్‌, సౌరభ్‌ సచ్‌దేవ్‌, మహేశ్‌ మంజ్రేకర్‌ తదితరులు
సంగీతం: కాల భైరవ
సినిమాటోగ్రఫీ: బ్రాడ్‌ ఫ్రాంసిస్‌
ఎడిటింగ్‌: ప్రవీణ్‌ ఆంటోనీ
నిర్మాత: ఎస్‌.ఎస్‌. కార్తికేయ, శోభు యార్లగడ్డ, ప్రసాద్‌ దేవినేని
రచన, దర్శకత్వం: శశాంక్‌ యేలేటి

డోంట్‌ ట్రబుల్‌ ది ట్రబుల్ సినిమా కథ:

సూరి (ఫహద్ ఫాజిల్) ఓ చిన్న స్థాయి మోసగాడు. ఎలాగైనా త్వరగా డబ్బు సంపాదించాలనే ఆలోచనతో రకరకాల ట్రిక్స్ చేస్తుంటాడు. ఈ క్రమంలో పాతబస్తీకి చెందిన డాన్ అస్లాం (మహేష్ మంజ్రేకర్) గ్యాంగ్‌తో ఇరుక్కుంటాడు. రెండు రోజుల్లో పాతిక లక్షలు ఇవ్వకపోతే ప్రాణాలతో ఉండవని అస్లాం హెచ్చరిస్తాడు. ఆ డబ్బు కోసం ఎవరినైనా కిడ్నాప్ చేయాలని ప్లాన్ చేసిన సూరి.. అనుకోకుండా దివ్య (సారా పాలేకర్) అనే చిన్నారిని అపహరిస్తాడు. అయితే ఆ పాపను కిడ్నాప్ చేసిన తర్వాతే సూరి జీవితంలో ఊహించని పరిణామాలు ఎదురవుతాయి. అసలు దివ్య ఎవరు? ఆమెకు ఉన్న ప్రత్యేకమైన శక్తులు ఏమిటి? ఆ పాప వెనుక ఉన్న రహస్యం ఏంటి? చివరికి సూరి ఆ గండం నుంచి ఎలా బయటపడ్డాడు? అనేదే ఈ చిత్ర కథాంశం.

డోంట్‌ ట్రబుల్‌ ది ట్రబుల్ సినిమా విశ్లేషణ:

ఫాంటసీ టచ్ ఉన్న క్రైమ్ కామెడీ కథాంశంతో దర్శకుడు శశాంక్ ఈ సినిమాను తెరకెక్కించారు. రాజమౌళి సమర్పణ, కార్తికేయ నిర్మాణంలో రావడంతో సినిమాపై భారీ అంచనాలు ఏర్పడ్డాయి. అయితే, దర్శకుడు ఎంచుకున్న పాయింట్ డిఫరెంట్‌గా ఉన్నప్పటికీ, స్క్రీన్‌ప్లేను ఆసక్తికరంగా నడిపించడంలో పూర్తిగా తడబడ్డాడు. ఫస్ట్ హాఫ్ పరిచయ సన్నివేశాలు పర్వాలేదనిపించినా, సెకండాఫ్‌లో కథనం నెమ్మదించి సాగదీతగా మారుతుంది. బలమైన ఎమోషన్స్ మరియు కామెడీ సరిగ్గా వర్కౌట్ కాకపోవడంతో సినిమా ప్రేక్షకులను ఆశించిన స్థాయిలో మెప్పించలేకపోయింది. లాజిక్‌లకు పెద్దగా తావులేకుండా సాగే సన్నివేశాలు కొంత నిరాశను మిగుల్చుతాయి.

also read:‘డోరతీ’ మూవీ రివ్యూ.. కీర్తి సురేష్ బోల్డ్ మూవీ ఎలా ఉందంటే?

డోంట్‌ ట్రబుల్‌ ది ట్రబుల్ మూవీ ప్లస్ పాయింట్లు:

సూరి పాత్రలో ఫహద్ ఫాజిల్ నటన, ఆయన డైలాగ్ డెలివరీ చేసే ప్రయత్నం
చిన్నారి దివ్యగా నటించిన సారా పాలేకర్ అభినయం
కాలభైరవ అందించిన నేపథ్య సంగీతం (కొన్ని సన్నివేశాల్లో బాగుంది)
ప్రొడక్షన్ వాల్యూస్

డోంట్‌ ట్రబుల్‌ ది ట్రబుల్ మూవీ మైనస్ పాయింట్లు:

రొటీన్ , ఊహించదగ్గ స్క్రీన్‌‌ప్లే
కామెడీ, ఎమోషన్స్ సరిగ్గా పండకపోవడం
సెకండాఫ్‌‌లో విపరీతమైన సాగదీత
బలహీనమైన క్లైమాక్స్

చివరి అఖరి మాటగా:

భారీ అంచనాల మధ్య వచ్చిన ఈ ‘డోంట్ ట్రబుల్ ది ట్రబుల్’ ప్రేక్షకులను అలరించడంలో పూర్తిగా విజయం సాధించలేకపోయింది. ఫహద్ ఫాజిల్ నటన కోసమే అయితే ఒకసారి చూడవచ్చు కానీ, ఓవరాల్‌గా ఇది కొంచెం నిరాశపరిచే చిత్రమే. ఎస్ ఎస్ కార్తికేయ తొలి నిర్మాణంలో ప్రేక్షకుల ముందుకు వచ్చిన ఈ సినిమా కార్తికేయకు ఎలాంటి విజయాన్ని అందించిందో తెలియాలి అంటే ఇంకొన్ని రోజులు ఆగాల్సిందే.