Amazon Freedom Sale 2026: తక్కువ బడ్జెట్లో స్మార్ట్ఫోన్ లేదా ఏదైనా ఎలక్ట్రానిక్ గ్యాడ్జెట్ కొనాలని ప్లాన్ చేస్తున్నారా? అయితే కొన్ని రోజులు ఆగడం మంచిది. ‘స్వాతంత్ర్య దినోత్సవం’ సందర్భంగా అమేజాన్ తమ మోస్ట్ అవైటెడ్ Great Freedom Sale 2026ను ఆగస్టు 7 నుంచి ప్రారంభించనున్నట్లు ప్రకటించింది. ప్రతిసారీ లాగే ఈసారి కూడా ల్యాప్టాప్లు, టీవీలు, హోమ్ అప్లయన్సెస్, మొబైల్స్పై భారీ డిస్కౌంట్లు ఉండబోతున్నాయి.
యాపిల్ లవర్స్ అందరూ ఈ సేల్ కోసం ఆసక్తిగా ఎదురుచూస్తున్నారు. గతేడాది iPhone 15, iPhone 16 మోడళ్లపై దాదాపు రూ.10 వేల వరకు తగ్గింపులు లభించాయి. ఈసారి కూడా అలాంటి భారీ ఆఫర్లు, ఎక్స్చేంజ్ బోనస్లు ఉంటాయని అంతా భావిస్తున్నారు. కొత్త ఐఫోన్ మోడళ్లపై కూడా ఆఫర్లు ఇచ్చే అవకాశం ఉంది. అయితే అమేజాన్ దీనిపై ఇంకా పూర్తి వివరాలు వెల్లడించాల్సి ఉంది.
ర్యామ్ ధరలు, ఇతర విడిభాగాల ఖర్చులు పెరగడంతో యాపిల్, శాంసంగ్, షియోమీ, నథింగ్ వంటి కంపెనీలు ఇటీవల ఫోన్ల ధరలను కాస్త పెంచాయి. దీనివల్ల ప్రతి ఫోన్ ఆల్-టైమ్లో ప్రైస్కి వస్తుందని చెప్పలేము కానీ, అమేజాన్ మాత్రం మంచి డిస్కౌంట్లే అందిస్తామని హామీ ఇస్తోంది.
Also Read: ఐఫోన్ యూజర్లకు మెటా సర్ప్రైజ్.. వాట్సప్ చాటింగ్ స్టైల్ పూర్తిగా మారిపోనుంది!
ఈ సేల్లో కొనుగోలు చేసే వారికి బ్యాంక్ ఆఫర్లు పెద్ద ప్లస్ కానున్నాయి. HDFC బ్యాంక్ క్రెడిట్ కార్డులు, ఈజీ EMIలపై 10 శాతం తక్షణ తగ్గింపు లభిస్తుంది. అమేజాన్ పే ఐసిఐసిఐ కార్డు ఉన్నవారికి 5 శాతం అపరిమిత క్యాష్బ్యాక్ అందుతుంది. ఇవి కాకుండా నో-కాస్ట్ ఈఎమ్ఐ, పాత వస్తువులను మార్చుకునేందుకు ఎక్స్చేంజ్ మేళా వంటివి కూడా అందుబాటులో ఉంటాయి.
ఈ సేల్లో బ్లాక్బస్టర్ డీల్స్, ట్రెండింగ్ ఆఫర్లతో పాటు ప్రతిరోజూ రాత్రి 8 గంటలకు ప్రత్యేకమైన లిమిటెడ్ టైమ్ డీల్స్ రానున్నాయి. వీటితో పాటు కూపన్లు, శాంపిల్ మానియా, Buy More Save More వంటి ఆప్షన్ల ద్వారా మరింత డబ్బు ఆదా చేసుకోవచ్చు.
మీరు కొత్త ఫోన్ లేదా ఎలక్ట్రానిక్స్ కొనాలనుకుంటే ఆగస్టు 7 వరకు ఆగడం చాలా ఉత్తమం. ఆ సమయానికి ఫ్లిప్కార్ట్, విజయ్ సేల్స్ కూడా పోటీగా ఆఫర్లు తెస్తాయి కాబట్టి.. ధరలను సరిపోల్చుకుని మంచి డీల్ ఎంచుకోవచ్చు.
Also Read: ఆండ్రాయిడ్ 16, స్నాప్డ్రాగన్ ప్రాసెసర్తో Vivo X300e.. పిచ్చెక్కించే లీక్డ్ ఫీచర్లు ఇవే!
Share
జేబులో పట్టేంత చిన్నగా.. బ్యాటరీ నింపేంత పవర్ఫుల్గా !
షూటింగ్లో గాయపడ్డ జూ.ఎన్టీఆర్.. స్పందిస్తున్న సెలబ్రిటీస్!
