Jr NTR:గత కొన్ని రోజులుగా సెలబ్రిటీలు తరచూ షూటింగులలో గాయపడుతూ అభిమానులను ఆందోళనలకు గురి చేస్తున్నారు.. మొన్నటికి మొన్న రామ్ చరణ్ (Ram Charan) ‘పెద్ది’ సినిమా షూటింగ్ సమయంలో గాయపడ్డారు. ఆయన చేతి మణికట్టుకి గాయం కావడంతో.. కోయంబత్తూర్ లోని గంగా హాస్పిటల్ లో జూలై 27న సర్జరీ కూడా చేయించుకున్నారు.. నిన్నటికి నిన్న బాలకృష్ణ (Balakrishna) కూడా గోపీచంద్ మలినేని (Gopichand Malineni) దర్శకత్వంలో వస్తున్న NBK 111 సినిమా షూటింగ్ కాకినాడ పోర్టులో జరుగుతుండగా.. కాలుజారి కింద పడ్డారు. ఆయన కూడా హైదరాబాదులోని ఏఐజి హాస్పిటల్ లో మోకాలుకు సర్జరీ చేయించుకున్నారు. అటు మెగా హీరో వరుణ్ తేజ్ (Varun Tej) కూడా ‘కొరియన్ కనకరాజు’ సాంగ్ లాంచ్ ఈవెంట్లో చేతి కర్రతో కనిపించి ఆశ్చర్యపరిచారు.
ఇప్పుడు జూనియర్ ఎన్టీఆర్ (Jr NTR) కూడా తన సినిమా షూటింగ్లో గాయపడ్డారు అన్న వార్త అభిమానులను కలవరానికి గురిచేసింది. జూలై 27న సోమవారం సాయంత్రం.. ప్రశాంత్ నీళ్ దర్శకత్వంలో తెరకెక్కిస్తున్న ‘డ్రాగన్’ సినిమా షూటింగ్లో ఆయన భుజానికి స్వల్ప గాయమైనట్టు ఎన్టీఆర్ కార్యాలయం అధికారికంగా వెల్లడించింది. గాయం గురించి సమాచారం అందిన వెంటనే.. అటు కుటుంబ సభ్యులు ఇటు వైద్యులు అప్రమత్తమయ్యారు.
ప్రఖ్యాత వైద్యులు డాక్టర్ జే.మధుసూదన్ రావు, డాక్టర్ ఆర్. ఏ. పూర్ణచంద్ర తేజస్వి నేతృత్వంలోని నిపుణుల వైద్య బృందం ఎన్టీఆర్ కి పూర్తిస్థాయిలో పరీక్షలు నిర్వహించగా.. భుజానికి తగిలిన గాయం త్వరగా నయమై.. పూర్తిగా కోల్పోవడానికి కనీసం 8 వారాల సమయం పడుతుందని.. ఆ 8 వారాలు విశ్రాంతి తప్పనిసరిగా తీసుకోవాలని డాక్టర్లు సూచించారని తెలిపింది. ప్రస్తుతం ఆయన ఆరోగ్యం నిలకడగా ఉందని, ఆయన ఆరోగ్యానికి సంబంధించిన అప్డేట్స్ ను ఎప్పటికప్పుడు అభిమానులతో పంచుకుంటామని కూడా ఎన్టీఆర్ కార్యాలయం ఒక ప్రకటన విడుదల చేసింది. జూనియర్ ఎన్టీఆర్ భుజానికి గాయమైనట్లు తెలియడంతో సినీ ప్రముఖులు, అభిమానులు , నెటిజన్లు ఆయన త్వరగా కోలుకోవాలని ఆకాంక్షిస్తున్నారు.
also read:హీరో జయంరవికి కోర్టులో ఊరట.. భార్యకి షాక్!
మరొకవైపు పలువురు సెలబ్రిటీలు కూడా సోషల్ మీడియా వేదికగా స్పందిస్తూ గెట్ వెల్ సూన్ అంటూ పోస్ట్లు పెడుతున్నారు. ఈ మేరకు నారా రోహిత్ (Nara Rohit) తన అధికారిక ఎక్స్ ఖాతా ద్వారా పోస్ట్ పంచుకున్నారు.” గెట్ వెల్ సూన్ తారక్.. త్వరగా రికవరీ అవ్వాలని కోరుకుంటున్నాను. ఆ దేవుడి ఆశీస్సులు ఎప్పుడూ నీపై ఉంటాయి” అంటూ ట్వీట్ చేశారు.
మ్యూజిక్ డైరెక్టర్ ఎస్.తమన్ (S.Thaman)కూడా ఎన్టీఆర్ త్వరగా కోలుకోవాలి అంటూ ఒక ట్వీట్ చేశారు.” గొప్ప ప్రేమకు అర్హులు.. త్వరగా కోలుకోవాలని ఆకాంక్షిస్తున్నాను. మనందరి ప్రార్థనలు ఆయనకు అవసరం.. ఆయన త్వరగా కోలుకోవాలని మనస్ఫూర్తిగా ప్రార్థిద్దాం.. ఎన్టీఆర్ అన్న త్వరగా కోలుకోండి”అంటూ ట్వీట్ చేశారు.
ప్రశాంత్ నీళ్ దర్శకత్వం వహిస్తున్న ఈ డ్రాగన్ మూవీలో కాంతారా బ్యూటీ రుక్మిణి వసంత్ హీరోయిన్ గా నటిస్తోంది. భారీ బడ్జెట్ తో రాబోతున్న ఈ చిత్రానికి మైత్రి మూవీ మేకర్స్ , ఎన్టీఆర్ ఆర్ట్స్ బ్యానర్ పై కళ్యాణ్ రామ్, నవీన్ ఎర్నేని, వై రవిశంకర్ ఈ చిత్రాన్ని సంయుక్తంగా నిర్మిస్తున్నారు. ఈ సినిమాలో ఎన్టీఆర్ లూగర్ అనే శక్తివంతమైన పాత్రలో నటిస్తుండగా ..ఇదొక పాన్ ఇండియా పీరియడ్ యాక్షన్ డ్రామాగా ప్రేక్షకుల ముందుకు రాబోతోంది. ఈ చిత్రానికి మ్యూజిక్ డైరెక్టర్ రవి బస్రూర్ సంగీతం అందిస్తున్నారు.
#Tarak Anna Deserves All the Love always ♥️🥹
Wish him the Super Speed Recovery ❤️🩹 @tarak9999 Needs all over Prayers
Let’s Pray Hard pic.twitter.com/U22VCb2kTn— thaman S (@MusicThaman) July 27, 2026
Get well soon, @tarak9999, Wishing you a speedy recovery. Come back stronger, healthier, and with even more energy. God bless you!
— Rohith Nara (@IamRohithNara) July 28, 2026
Share
యాపిల్ లవర్స్కి బంపర్ ఆఫర్.. Amazon Freedom Saleలో ఐఫోన్ ధరలు ఎంత తగ్గాయో తెలుసా?
న్యూజెర్సీలో ఘోరం రోడ్డు ప్రమాదం.. రంగారెడ్డి జిల్లా మహిళ మృతి, ఘటన ఎలా జరిగింది?
