మార్కెట్‌పై డ్రోన్లతో దాడి.. ఏకంగా 100 మంది మృతి, సుడాన్‌లో ఘోరం

Drone Attacks: అంతర్యుద్ధంతో అట్టుడుకుతున్న సూడాన్‌లో పరిస్థితులు రోజు రోజుకూ దారుణంగా తయారవుతున్నాయి. దక్షిణ డార్ఫూర్ రాజధాని నయాలాలో రద్దీగా ఉండే మార్కెట్‌పై డ్రోన్ తో దాడి చేసింది సూడాన్ సైన్యం. ఈ ఘటనతో దాదాపు 100 మందికి పైగా మరణించారు. మరో 113 మంది గాయపడ్డారు. ఈ విషయాన్ని హక్కుల సంఘం వెల్లడించింది.

సూడాన్ లో తీవ్రమవుతున్న అంతర్యుద్ధం

సుడాన్‌లో కొనసాగుతున్న అంతర్యుద్ధంలో రోజు రోజుకూ జఠిలమవుతోంది. అక్కడి సైన్యం చేస్తున్న డ్రోన్ దాడులతో ప్రజలు ఉక్కిరిబిక్కిరి అవుతున్నారు. అంతులేని ప్రజా నష్టం జరుగుతోంది. అయినా ఏ మాత్రం అక్కడి సైన్యం వెనక్కి తగ్గలేదు. తాజాగా దక్షిణ డార్ఫూర్ రాజధాని నయాలాలోని రద్దీగా ఉండే మార్కెట్‌పై డ్రోన్ దాడి చేసింది సైన్యం. ఈ ఘటనలో దాదాపు 100 మందికి పైగా మరణించారు.

మార్కెట్ పై డ్రోన్ల దాడి, 100 మందికి పైగా మృతి

సుమారం 113 మందికి పైగానే గాయపడ్డారు. అక్కడ జరుగుతున్న హింసను పర్యవేక్షిస్తున్న ఎమర్జెన్సీ లాయర్స్ అనే బృందం ఈ విషయాన్ని వెల్లడించింది. బాధితుల్లో చాలామంది మహిళలు, పిల్లలు ఉన్నారని పేర్కొన్నారు. దాడికి సూడాన్ సైన్యం కారణమని ఆరోపించింది. అంతేకాదు ఈ ఘటనపై స్వతంత్ర దర్యాప్తు జరపాలని డిమాండ్ చేసింది. దాడుల నేపథ్యంలో ఆయా ప్రాంతాల్లో 12 గంటలకు పైగానే విద్యుత్ నిలిచిపోయింది. కరెంట్ లేకపోవడంతో నీటి సరఫరా స్తంభించి ప్రజలు రోడ్లపైకి వచ్చారు. చివరకు జనరేటర్లు, ఆసుపత్రులు, బేకరీలపై ఆధారపడ్డారు.

ఈ దాడి వల్ల వెనుక రాపిడ్ సపోర్ట్ ఫోర్సెస్-ఆర్‌ఎస్‌ఎఫ్ హస్తం ఉందని ఓ అధికారి ఆరోపణ. ఈ ఏడాది రెండో దాడని తెలిపారు. ఈ సిటీ ప్రస్తుతం ఆర్‌ఎస్‌ఎఫ్ నియంత్రణలో ఉందని, ఆసుపత్రికి 36 మృతదేహాలు వచ్చాయని తెలిపారు. మరో 150 మందికి చికిత్స అందిస్తున్నట్లు డాక్టర్స్ వితౌట్ బోర్డర్స్ సంస్థ స్వయంగా వెల్లడించింది. సూడాన్‌లో గడిచిన మూడేళ్ల నుంచి సైన్యానికి-పారా మిలటరీ గ్రూప్-ఆర్‌ఎస్‌ఎఫ్‌కు మధ్య వార్ జరుగుతున్న విషయం తెల్సిందే.

ALSO READ: లండన్ బుక్ స్టోర్స్ లో ఆ పుస్తకాలు ఏమయ్యాయి? సాలీ రూణీ వివాదం వెనుక అసలు నిజం!

Dozens were killed and injured in intense airstrikes on Nyala, South Darfur, Monday evening. The Sudanese army has escalated air operations, targeting RSF positions, commanders' homes, and infrastructure in an unprecedented aerial campaign.https://t.co/IyawLrSbEQ #Sudan #Nyala… pic.twitter.com/R4h2kws7ZG

— Sudan Tribune (@SudanTribune_EN) October 27, 2026