ఏఓ స్మిత్, ఆక్వాగార్డ్‌లలో.. ఏ వాటర్ ప్యూరిఫైయర్ బెస్ట్?

AO Smith vs Aquaguard: ప్రస్తుతం కలుషిత నీటి వల్ల వచ్చే రోగాల నుంచి మన కుటుంబాన్ని కాపాడుకోవడానికి ప్రతి ఇంట్లోనూ ఒక మంచి వాటర్ ప్యూరిఫైయర్ ఉండటం తప్పనిసరి అయిపోయింది. అయితే మార్కెట్లోకి వెళ్లినప్పుడు మనకు ప్రధానంగా వినిపించే రెండు పెద్ద బ్రాండ్లు ఏఓ స్మిత్ (AO Smith), ఆక్వాగార్డ్ (Aquaguard). ఈ రెండింటిలో ఏది బెస్ట్, దేని టెక్నాలజీ బాగుంటుంది అని చాలా మంది కన్ఫ్యూజ్ అవుతుంటారు. మన ఇళ్లలోని నీటి నాణ్యతను బట్టి, మీ బడ్జెట్ , అవసరాలకు ఏ బ్రాండ్ పర్ఫెక్ట్‌గా సెట్ అవుతుందో వివరంగా తెలుసుకుందాం.

ఆక్వాగార్డ్ వాటర్ ప్యూరిఫైయర్ల ప్రత్యేకత:
దశాబ్దాలుగా వాటర్ ప్యూరిఫైయర్ రంగంలో ఆక్వాగార్డ్ అత్యంత నమ్మకమైన బ్రాండ్‌గా కొనసాగుతోంది. మన దేశంలోని విభిన్న ప్రాంతాల్లో ఉండే బోర్ వాటర్, మున్సిపల్ వాటర్ లేదా ట్యాంకర్ వాటర్ వంటి అన్ని రకాల నీటి సరఫరాలకు సరిపోయేలా వీరి వద్ద మోడల్స్ అందుబాటులో ఉన్నాయి. ఆక్వాగార్డ్ లో వచ్చే ఆక్వాటేస్ట్ టెక్నాలజీ నీటిని శుభ్రం చేయడమే కాకుండా, అందులో రాగి, జింక్ వంటి సహజ ఖనిజాలు ఉండేలా చూస్తుంది. దీనివల్ల నీరు రుచిగా మారడమే కాకుండా ఆరోగ్యానికి కూడా మేలు చేస్తుంది. తక్కువ ధర నుంచి ఎక్కువ ధర వరకు అన్ని బడ్జెట్లలోనూ వీరి మోడల్స్ లభిస్తాయి.

ఏఓ స్మిత్ వాటర్ ప్యూరిఫైయర్ల ప్రత్యేకత:
మరోవైపు అంతర్జాతీయ బ్రాండ్ అయిన ఏఓ స్మిత్, ప్రీమియం క్వాలిటీ , అడ్వాన్స్‌డ్ టెక్నాలజీకి కేరాఫ్ అడ్రస్‌గా నిలుస్తోంది. వీరి ప్యూరిఫైయర్లలో వాడే ఆర్‌ఓ (RO) , ఎస్సీఎంటీ (SCMT) ఫిల్ట్రేషన్ టెక్నాలజీ నీటిని చాలా క్షుణ్ణంగా క్లీన్ చేస్తుంది. ముఖ్యంగా ఈ బ్రాండ్ లో వచ్చే గ్రీన్ సిరీస్ మోడల్స్ నీటి వృథాను చాలా వరకు తగ్గిస్తాయి. సాధారణ ఆర్‌ఓ ప్యూరిఫైయర్లతో పోలిస్తే ఇవి ఎక్కువ నీటిని ఆదా చేస్తాయి. అలాగే ఏఓ స్మిత్ ఫ్యాన్సీ డిజైన్లు, డిజిటల్ డిస్‌ప్లేలు మీ మోడ్రన్ కిచెన్‌కు అద్భుతమైన లుక్‌ను ఇస్తాయి. వేడి నీటిని ఇచ్చే ఫీచర్ కూడా వీరి టాప్ మోడల్స్ లో లభిస్తుంది.

సర్వీస్ ,మెయింటెనెన్స్ తేడాలు:
వాటర్ ప్యూరిఫైయర్ కొనేటప్పుడు కేవలం ఫీచర్లు మాత్రమే కాదు, ఆ తర్వాత వచ్చే సర్వీస్ కూడా చాలా ముఖ్యం. ఆక్వాగార్డ్‌కు ఇండియా అంతటా చాలా పెద్ద సర్వీస్ నెట్‌వర్క్ ఉంది. చిన్న టౌన్లలో సైతం వీరి టెక్నీషియన్లు అందుబాటులో ఉంటారు. అయితే.. ఫిల్టర్ల మార్పిడి ఖర్చు కొద్దిగా ఎక్కువే ఉంటుంది. ఇక ఏఓ స్మిత్ విషయానికి వస్తే.. వీరి కస్టమర్ సర్వీస్ చాలా ప్రొఫెషనల్‌గా , వేగంగా ఉంటుంది. కానీ వీరి సర్వీస్ నెట్‌వర్క్ ప్రస్తుతం నగరాలు , ప్రధాన పట్టణాలకే ఎక్కువగా పరిమితమై ఉంది. ఇదిలా ఉంటే వీటి విడిభాగాలు , ఫిల్టర్ల క్వాలిటీ చాలా ప్రీమియంగా ఉంటుంది.

Also Read: ఏసీ కొనలేకపోతున్నారా? సింగిల్ రూమ్ కోసం బెస్ట్ కూలర్లు..

చివరగా చెప్పాలంటే.. మీ బడ్జెట్ సాధారణంగా ఉండి, నగరంలో అన్ని రకాల నీటిని శుద్ధి చేసే నమ్మకమైన, సులభంగా సర్వీస్ దొరికే ప్యూరిఫైయర్ కావాలనుకుంటే ఆక్వాగార్డ్ బెస్ట్ ఛాయిస్ అవుతుంది. అలా కాకుండా మీ బడ్జెట్ కాస్త ఎక్కువైనా పర్లేదు, కిచెన్ కి మంచి లుక్ రావాలి, నీరు అస్సలు వృథా కాకూడదు. అడ్వాన్స్‌డ్ టెక్నాలజీ ఫీచర్లు కావాలనుకుంటే ఏఓ స్మిత్ వైపు వెళ్లడం మంచిది. మీ ప్రాంతంలోని నీటి టీడీఎస్ స్థాయిలను ఒక సారి పరీక్షించుకుని.. ఈ రెండింటిలో మీ కుటుంబానికి సరిపోయే బెస్ట్ బ్రాండ్‌ను ఎంచుకోండి.