Energy Saving ACs 2026: వేసవి వచ్చిందంటే చాలు.. మధ్యతరగతి నుంచి సంపన్నుల వరకూ ప్రతీ ఒక్కరి దృష్టి ఏసీల వైపు మళ్లుతుంది. అయితే వేలకు వేలు ఖర్చు పెట్టి ఏసీ కొనడం ఒక ఎత్తు అయితే.. ప్రతీ నెలా వచ్చే కరెంటు బిల్లును తట్టుకోవడం మరో ఎత్తు. అందుకే చాలా మంది విద్యుత్ ను పొదుపుగా వాడే ఏసీల కోసం అన్వేషిస్తుంటారు. ‘స్మార్ట్ అండ్ ఎనర్జీ సేవింగ్’ ఏసీల కోసం వెతుకుతుంటారు. ఈ వేసవిలో మీ జేబుకు చిల్లు పడకుండా.. మెరుగైన కూలింగ్ అందించే 5 అత్యుత్తమ 5 స్టార్ స్మార్ట్ ఏసీలను ఈ కథనంలో అందించడం జరుగుతోంది. వాటి ఫీచర్లపై ఓ లుక్కేసి.. మీకు నచ్చిన దాన్ని సెలక్ట్ చేసుకోండి.
దేశంలో అత్యధిక మంది విశ్వసించే బ్రాండ్లలో ఎల్ జీ ఒకటి. ఈ కంపెనీ నుంచి వచ్చిన ఈ ఏఐ డ్యూయల్ ఇన్వర్టర్ టెక్నాలజీ.. గదిలోని మనుషుల సంఖ్యను బట్టి కూలింగ్ను అడ్జస్ట్ చేస్తుంది. దీనిలోని ‘6-ఇన్-1’ కూలింగ్ మోడ్ ద్వారా మనం కరెంటు వినియోగాన్ని 40% వరకు తగ్గించుకోవచ్చు. ‘ThinQ’ యాప్ ద్వారా ప్రపంచంలో ఎక్కడి నుంచైనా మీ ఫోన్తో ఏసీని ఆపరేట్ చేయవచ్చు.
టెక్నాలజీ పరంగా పానాసోనిక్ ఎప్పుడూ ఒక అడుగు ముందే ఉంటుంది. ఈ ఏసీ బయటి ఉష్ణోగ్రతను బట్టి ఆటోమేటిక్గా మోడ్స్ అడ్జస్ట్ చేసుకుంటుంది. అలెక్సా (Alexa), గూగుల్ అసిస్టెంట్ వంటి వాయిస్ కంట్రోల్ యాప్స్ తో ఈ ఏసీని కంట్రోల్ చేయవచ్చు. రాత్రిపూట నిద్రకు భంగం కలుగకుండా కూలింగ్ ను దానంతట అదే సర్దుబాటు చేసుకుంటుంది.
ఏసీల విభాగంలో డైకిన్ కంపెనీకి మంచి గుడ్ విల్ ఉంది. ఈ ఏసీని ‘డ్యూ పాయింట్ సెన్సార్’ టెక్నాలజీతో డైకిన్ తీసుకొచ్చింది. ఇది గదిలో తేమను (Humidity) తగ్గించి ఆహ్లాదకరమైన గాలిని ఇస్తుంది. ఇందులో ఉండే ‘ఎకో మోడ్’ విద్యుత్ ఆదా చేయడంలో దిట్ట అని కంపెనీ వర్గాలు తెలిపాయి. స్టెబిలైజర్ అవసరం లేకుండానే వోల్టేజ్ హెచ్చుతగ్గులను ఇది తట్టుకుంటుందని పేర్కొన్నాయి.
శాంసంగ్ ఈ ఏసీని అధునాతన కూలింగ్ టెక్నాలజీతో తీసుకొచ్చింది. ఏసీ గాలి నేరుగా ఒంటికి తగిలితే జలుబు చేస్తుందని భయపడే వారికి ఇది బెస్ట్ ఛాయిస్. ఇందులోని 23,000 మైక్రో హోల్స్ ద్వారా గాలి నేరుగా శరీరానికి తగలకుండా గది అంతా సమానంగా వ్యాపిస్తుంది. ‘SmartThings’ యాప్ ద్వారా మీ ఏసీ ఎంత కరెంటు వాడుతుందో ఎప్పటికప్పుడు ట్రాక్ చేసుకునే వెసుబాటును సైతం కంపెనీ కల్పించింది.
Also Read: Wearable AC: సోనీ సంచలనం.. షర్ట్ లోపలే ఏసీ.. ఇక ఎండ ఎంత ఉన్నా డోంట్ కేర్!
దేశ వాతావరణ పరిస్థితులను అనగుణంగా ఏసీలను తయారు చేయడంలో బ్లూ స్టార్ ప్రత్యేక గుర్తింపు సంపాదించింది. బ్లూస్టార్ తీసుకొచ్చిన ఈ 1.5 టన్ 5 స్టార్ ఏసీ.. 52 డిగ్రీల ఎండలో కూడా గదిని వేగంగా చల్లబరుస్తుంది. దీనికి వై-ఫై సదుపాయంతో పాటు వాయిస్ కమాండ్స్ సపోర్ట్ ను కూడా అందించారు.
Also Read: Air Conditioner: నీటి తుంపర్ల చిట్కా.. సగానికే పవర్ బిల్లు.. ఏసీ యూజర్లకు పండుగే!
Share
వేసవిలో పాలు త్వరగా విరిగిపోవడంతో విసిగిపోతున్నారా.. ఈ ఒక్క చిట్కా పాటించండి చాలు
సిటీలో నేపాలీ గ్యాంగ్ బీభత్సం.. దంపతులకు మత్తు ఇచ్చి 60 తులాల బంగారం చోరీ!
