BSNL Rs 51 Offer: ప్రభుత్వ రంగ సంస్థ బీఎస్ఎన్ఎల్ (BSNL) సామాన్యుల కోసం అదిరిపోయే ఆఫర్ను ప్రకటించింది. కేవలం రూ. 51 చెల్లించి కొత్త బీఎస్ఎన్ఎల్ సిమ్ కార్డు తీసుకోవడంతో పాటు నెల రోజుల పాటు ఉచిత కాల్స్, డేటా, ఎస్ఎంఎస్ ప్రయోజనాలను పొందే వెసులుబాటును కల్పించింది. ఈ ప్రమోషనల్ ఆఫర్ పరిమిత కాలం వరకు మాత్రమే అందుబాటులో ఉంటుందని బీఎస్ఎన్ఎల్ వర్గాలు పేర్కొన్నాయి. ప్రైవేటు కంపెనీల టెలికాం యూజర్లు బీఎస్ఎన్ఎల్ కు మారేందుకు ఇదే బెస్ట్ ఆప్షన్ అని సూచించాయి.
రూ. 51 చెల్లించి కొత్త సిమ్ తీసుకునే వినియోగదారులకు 28 రోజుల వ్యాలిడిటీతో అనేక బెనిఫిట్స్ ను బీఎస్ఎన్ఎల్ అందిస్తోంది. ప్రతిరోజూ 2GB హై స్పీడ్ ఇంటర్నెట్ డేటా ఆఫర్ చేస్తోంది. అంటే 28 రోజులకు కలిపి మొత్తం 56GB డేటాను యూజర్లు వాడుకోవచ్చు. అంతేకాకుండా 28 రోజుల పాటు దేశవ్యాప్తంగా ఏ నెట్ వర్క్ కైనా అపరిమిత ఫ్రీ కాల్స్, రోజుకు 100 ఎస్ఎంఎస్లు పంపించుకునే సదుపాయం కూడా కల్పిస్తోంది.
కొత్తగా బీఎస్ఎన్ఎల్ లోకి మారాలని భావిస్తున్న వారికోసం రూ.51 ప్లాన్ ఆఫర్ ను తీసుకొచ్చారు. ప్రస్తుతం ఎయిర్టెల్, జియో, వీఐ (Vi) నెట్వర్క్లు వాడుతున్న వారు తక్కువ ఖర్చుతో టెలికాం సేవలను పొందాలనుకుంటే బీఎస్ఎన్ఎల్కు జంప్ అవ్వొచ్చని టెలికాం నిపుణులు సూచిస్తున్నారు. పెద్ద మొత్తంలో ఖర్చు పెట్టకుండా బీఎస్ఎన్ఎల్ సేవలను పొందేందుకు ఇదే మంచి ఛాన్స్ అని పేర్కొంటున్నారు.
Also Read: రూ.299కే 1.5GB డైలీ డేటా, అన్లిమిటెడ్ కాల్స్.. ఏడాది పాటు ఆ సేవలు ఉచితం!
రూ.51 ప్లాన్ ఆఫర్ కొద్ది రోజులు మాత్రమే అందుబాటులో ఉంటుందని బీఎస్ఎన్ఎల్ ప్రకటించింది. నవంబర్ 30వ తేదీని ఇందుకు తుదిగడువుగా నిర్ణయించింది. తమ సమీపంలోని బీఎస్ఎన్ఎల్ కస్టమర్ సర్వీస్ సెంటర్, రిటైలర్ను సంప్రదించి కొత్త సిమ్ పొందవచ్చని తెలియజేసింది. అయితే అయితే టెలికాం సర్కిళ్లను బట్టి ప్రమోషనల్ పథకాల్లో కొన్ని మార్పులు ఉండే ఛాన్స్ ఉంది. కాబట్టి సిమ్ కొనుగోలు చేసే ముందే తమ ఏరియాలో రూ. 51 ఆఫర్ అందుబాటులో ఉందో లేదో చెక్ చేసుకుంటే బెటరని నిపుణులు సూచిస్తున్నారు.
Also Read: 72 రోజుల వ్యాలిడిటీ.. ఫ్రీగా హాట్ స్టార్, అన్లిమిటెడ్ 5G.. ఈ జియో ప్లాన్ భలే ఉందే!