చలికాలంలో ఫోన్ ఛార్జింగ్ నెమ్మదిగా అవుతోందా? అసలు కారణం ఇదే!

Winter smartphone battery issues: మనం వాడే స్మార్ట్‌ఫోన్లు మన జీవితంలో .. ఎంత ముఖ్యమైన భాగమో ప్రత్యేకంగా చెప్పనవసరం లేదు. ఎప్పుడూ చేతిలో.. ఉండే ఫోన్ సక్రమంగా పని చేయక పోతే మన పనులన్నీ ఆగిపోతాయి. అయితే.. ఎండాకాలంలో ఫోన్ వేడెక్కడం గురించి మనం చాలా సార్లు వింటూ ఉంటాం. కానీ.. చలికాలంలో లేదా చల్లని వాతావరణంలో ఫోన్ ఛార్జింగ్ నెమ్మదిగా ఎక్కడం, బ్యాటరీ హఠాత్తుగా డెడ్ అయిపోవడం వంటి సమస్యలను ఎప్పుడైనా ఎదుర్కొన్నారా? చాలా మందికి ఈ రహస్యం అసలు తెలియదు. చలి వాతావరణం మన ఫోన్ బ్యాటరీని ఎంత తీవ్రంగా ప్రభావితం చేస్తుందో ఇప్పుడు వివరంగా తెలుసుకుందాం.

లిథియం-అయాన్ బ్యాటరీలు:

ప్రస్తుతం మార్కెట్లో ఉన్న ప్రతి స్మార్ట్‌ఫోన్‌లోనూ లిథియం-అయాన్ బ్యాటరీలనే వాడుతున్నారు. ఈ బ్యాటరీలు లోపల జరిగే రసాయన చర్యల ద్వారా పని చేస్తాయి. బ్యాటరీ ఛార్జ్ అవ్వాలన్నా..డిశ్చార్జ్ అవ్వాలన్నా లోపల లిథియం అయాన్లు ఒక వైపు నుంచి మరో వైపునకు కదలాల్సి ఉంటుంది. వాతావరణం చాలా.. చల్లగా ఉన్నప్పుడు, ఈ రసాయన చర్యలు చాలా మందగిస్తాయి. దీని వల్ల అయాన్ల కదలిక తగ్గిపోయి, ఫోన్ ఛార్జింగ్ ఎక్కడానికి సాధారణం కంటే చాలా ఎక్కువ సమయం పడుతుంది.

ఆటోమేటిక్ ప్రొటెక్షన్ సిస్టమ్:

ఫోన్ బ్యాటరీలు మితి మీరిన చలిని లేదా వేడిని తట్టుకోలేవు. అందుకే.. చాలా మోడర్న్ స్మార్ట్‌ ఫోన్లలో అంతర్గత సేఫ్టీ వ్యవస్థ ఉంటుంది. వాతావరణం చాలా చల్లగా ఉన్నప్పుడు, బ్యాటరీ దెబ్బతినకుండా.. ఉండటానికి ఫోన్ ఆటోమేటిక్‌గా ఛార్జింగ్ వేగాన్ని నెమ్మదిస్తుంది లేదా తాత్కాలికంగా ఆపేస్తుంది. ఒక వేళ మీరు ఫోన్‌ను బలవంతంగా ఛార్జ్ చేయడానికి ప్రయత్నిస్తే.. బ్యాటరీ శాశ్వతంగా పాడైపోయే ప్రమాదం ఉంది. అందుకే ..చలి ప్రదేశాలలో ఉన్నప్పుడు ఫోన్లు తొందరగా ఛార్జ్ కావు.

చలికాలంలో వచ్చే ఇతర సమస్యలు:

ఛార్జింగ్ నెమ్మదించడం మాత్రమే కాకుండా.. చల్లని గాలి వల్ల బ్యాటరీ పర్సంటేజ్ చాలా వేగంగా పడి పోతుంది. వంద శాతం ఛార్జ్ చేసిన ఫోన్ బయటకు తీసుకెళ్లగానే.. క్షణాల్లో ఇరవై శాతానికి పడి పోవడం లేదా ఒక్క సారిగా స్విచ్ ఆఫ్ అయిపోవడం జరుగుతుంది. ముఖ్యంగా.. ఉదయం పూట చలి ఎక్కువగా ఉన్నప్పుడు.. ఈ సమస్య ఎక్కువగా కనిపిస్తుంది. అయితే.. ఫోన్‌ను మళ్లీ సాధారణ ఉష్ణోగ్రతలోకి తీసుకోవచ్చినప్పుడు బ్యాటరీ పర్సంటేజ్ కొంత వరకు మళ్లీ పెరుగుతుంది.

Also Read: రూ.800లోపే గేమింగ్ ఇయర్‌బడ్స్..ఫీచర్లు మాములుగా లేవు!

ఈ సమస్య నుంచి ఎలా బయటపడాలి?

డైరెక్ట్ కోల్డ్ గాలికి దూరంగా ఉంచండి: బయట తిరిగేటప్పుడు లేదా చలి ప్రదేశాలలో ఫోన్‌ను.. నేరుగా చల్లని గాలికి లేదా మంచుకు ఎక్స్పోజ్ చేయకండి. వీలైతే ..జాకెట్ పాకెట్‌లో లేదా బ్యాగ్‌లో ఉంచండి.

ఛార్జ్ చేసేటప్పుడు కేస్ తీయండి: ఫోన్‌కు మందపాటి.. కవర్లు ఉంటే ఛార్జ్ చేసేటప్పుడు వాటిని తొలగించడం మంచిది. అలాగే.. గది ఉష్ణోగ్రత సాధారణంగా.. ఉండే ప్రదేశంలో మాత్రమే ఫోన్‌ను ఛార్జింగ్‌లో పెట్టండి.

కార్ ఛార్జింగ్ జాగ్రత్తలు: చలికాలంలో.. ఉదయం పూట కారులో ప్రయాణిస్తుంటే.. కారు హీటర్ ఆన్ చేసిన తర్వాతే ఫోన్‌ను ఛార్జ్‌కి పెట్టుకోవడం మంచిది.చల్లగా ఉన్న కారు డాష్‌బోర్డ్‌పై ఫోన్ ఉంచితే బ్యాటరీ దెబ్బతింటుంది.

ఫాస్ట్ ఛార్జర్‌లను వాడండి: కంపెనీ.. అందించిన ఒరిజినల్ ఫాస్ట్ ఛార్జర్‌లను మాత్రమే ఉపయోగించడం ద్వారా ఛార్జింగ్ ప్రక్రియను కొంతవరకు మెరుగు పరచుకోవచ్చు.

చలికాలంలో ఫోన్ ఛార్జింగ్ నెమ్మదించడం అనేది ఫోన్ చెడిపోవడం వల్ల జరగదు, అది కేవలం బ్యాటరీ సైన్స్ మాత్రమే! ఈ చిన్న శాస్త్రీయ కారణాన్ని అర్థం చేసుకుని, తగిన జాగ్రత్తలు తీసుకుంటే మీ స్మార్ట్‌ఫోన్ బ్యాటరీ లైఫ్‌ను సులభంగా కాపాడుకోవచ్చు. పండగలు, ప్రయాణాల సమయంలో ఫోన్ సక్రమంగా పనిచేయాలంటే ఈ వింటర్ టిప్స్‌ను తప్పకుండా పాటించండి!