Godrej vs Whirlpool: వేసవి కాలం కావడంతో పెద్ద ఎత్తున ప్రజలు.. ఫ్రిడ్జ్ లను కొనుగోలు చేస్తున్నారు. అయితే బడ్జెట్ లో సింగిల్ డోర్ విభాగంలో రెండు ఫ్రిడ్జ్ లు ప్రస్తుతం అందరి దృష్టిని ఆకర్షిస్తున్నాయి. గోద్రేజ్, వర్ల్ పూల్ కంపెనీలకు చెందిన ‘Godrej 194 L 5 Star’, ‘Whirlpool 260 236 L 4 Star’ సింగిల్ డోర్ విభాగంలో అత్యుత్తమమైనవిగా నిలుస్తున్నాయి. అయితే ఫీచర్ల పరంగా ఈ రెండు ఫ్రిడ్జ్ లలో స్పష్టమైన తేడాలు ఉన్నాయి. అవి ఏంటి? రెండింటిలో ఏది కొంటే బెటరో ఇప్పుడు పరిశీలిద్దాం.
Whirlpool మోడల్ 236 లీటర్ల భారీ కెపాసిటీతో వస్తుంది. ఇది పెద్ద కుటుంబాలకు లేదా ఎక్కువ వస్తువులు నిల్వ చేసుకునే వారికి చాలా బాగుంటుంది. దీనితో పోలిస్తే Godrej మోడల్ 194 లీటర్ల కెపాసిటీని కలిగి ఉంది. ఇది చిన్న కుటుంబాలకు (2-3 సభ్యులు) లేదా బ్యాచిలర్లకు సరిపోతుంది. మీకు ఫ్రిజ్లో ఎక్కువ స్థలం కావాలంటే వర్ల్పూల్ బెస్ట్ ఛాయిస్ గా నిలుస్తుంది.
పవర్ సేవింగ్ విషయంలో Godrej పైచేయి సాధిస్తుంది. ఇది 5 స్టార్ రేటింగ్తో వస్తుంది కాబట్టి చాలా తక్కువ యూనిట్ల విద్యుత్తును మాత్రమే ఖర్చు చేస్తుంది. దీనివల్ల మీ కరెంట్ బిల్లు గణనీయంగా తగ్గుతుంది. మరోవైపు Whirlpool మోడల్ 4 స్టార్ రేటింగ్ను కలిగి ఉంది. ఇది కూడా మంచి పొదుపును ఇస్తుంది. కానీ 5 స్టార్ రేటింగ్ ఉన్న గోద్రెజ్ అంత సమర్థవంతంగా ఉండకపోవచ్చు.
వర్ల్పూల్ తన సింగిల్ డోర్ ఫ్రిడ్జ్ లో ప్రత్యేకమైన 6th Sense IntelliFresh టెక్నాలజీని ఉపయోగించింది. ఇది ఫ్రిజ్ లోపల ఉన్న లోడ్, బయట ఉష్ణోగ్రతను బట్టి కూలింగ్ను ఆటోమేటిక్గా సర్దుబాటు చేసుకుంటుంది. అలాగే ఇందులో Laminar Airflow ఉండటం వల్ల గాలి అని దిశల్లోకి సమానంగా వ్యాపిస్తుంది. మరోవైపు గోద్రెజ్ Advanced Inverter Technologyని ఇందులో అమర్చింది. ఇది కంప్రెసర్ వేగాన్ని నియంత్రిస్తూ నిశ్శబ్దంగా పనిచేసేలా చేస్తుంది. అలాగే పవర్ కట్స్ సమయంలో హోమ్ ఇన్వర్టర్పై కూడా సులభంగా నడిచేందుకు సాయపడుతుంది.
గోద్రెజ్ మోడల్ తన E-IMPRESS సిరీస్తో చాలా స్టైలిష్గా కనిపిస్తోంది. దీని ఫినిషింగ్ ప్రీమియంగా ఉంటుంది. ఇందులో ఆహార పదార్థాలను ఎక్కువ కాలం తాజాగా ఉంచే ఫీచర్లు ఉన్నాయి. వర్ల్పూల్ మోడల్లో Crescent Door Designతో ఆకట్టుకుంటోంది. దీనిలో పెద్ద వెజిటబుల్ బాక్స్ వంటి సౌకర్యాలు ఉన్నాయి. ఈ రెండు ఫ్రిజ్లు కూడా కింద Base Stand Drawer కలిగి ఉన్నందున కింది భాగంలో ఉల్లిపాయలు, బంగాళాదుంపలు వంటి వాటిని నిల్వ చేసుకోవచ్చు.
Also Read: Haier vs Samsung Fridges: సమ్మర్ కోసం.. ఈ రెండు ఫ్రిడ్జ్లలో.. ఏది కొంటే బెటర్?
మీది చిన్న ఫ్యామిలీ అయ్యి ఉండి, తక్కువ విద్యుత్ బిల్లును కోరుకుంటే గోద్రేజ్ సింగిల్ డోర్ ఫ్రిడ్జ్ కొనుగోలు చేయవచ్చు. తక్కువ స్థలంలో ఉండే వంటగదులకు ఇది బెస్ట్. అలాకాకుండా అధిక సామర్థ్యం, ఎక్కువ స్టోరేజ్ కోరుకుంటే వర్ల్పూల్ మోడల్ ఫ్రిడ్జ్ కొనుగోలు చేయవచ్చు. ఫైనల్ గా మీ అభిరుచులు, అవసరాలకు అనుగుణంగా ఉన్న కొనుగోలు చేయండి.
ముఖ్య గమనిక: గోద్రేజ్, వర్ల్ పూల్ ఫ్రిడ్జ్ ల మధ్య వ్యత్యాసాలను సదరు కంపెనీలు విడుదల చేసిన ఫీచర్ల ఆధారంగా అందించడం జరిగింది. ఇది కేవలం అవగాహన కోసం మాత్రమే. ఫ్రిడ్జ్ కొనుగోలు చేసేప్పుడు ఒకటికి రెండుసార్లు తప్పకుండా సరిచూసుకోగలరు. ఫ్రిడ్జ్ ల ఫీచర్లకు బిగ్ టీవీ ఎలాంటి బాధ్యత వహించదు.
Also Read: YSRCP vs TDP: టీడీపీని ఇరికించిన ఎంపీ.. వైసీపీ చేతికి మరో అస్త్రం.. ఔరా హతవిధి!
Share
K Kavitha: హైడ్రా కమిషనర్ రంగనాథ్కు కవిత స్ట్రాంగ్ వార్నింగ్.. నిజాలు మాట్లాడితే బద్నాం చేస్తారా?
Pawan : మేం అలా చేస్తే కథ వేరేలా ఉంటుంది..!
